Jon Nandaꞌafi 16:11 - Basef Buꞌwami Godi

¹¹ Basef ofagema ma kot na'ama. Aman dembinai aonai ma epes etapasi, anan faso'mana ma kot anama ma basef lu'wami God dei' nanda'manami.

Jon Nandaꞌafi 16:11 Iomraidhean Croise

Matyu Nandaꞌafi 12:18

“Piti aman anama nanda' maola ae'i, ae' andandepana ea'. Nomonas ae'ami maimailana endilisi, okom ae'anai ea' bo'oma anan. Ae' nambimb ese'ana Ambal Bu'unai Ae'anai nuwalipasa basef ae'ami ma neawaloga epes hiesi owa' seagawa ae'i ma waf bu'unai usi'inai.

Matyu Nandaꞌafi 12:36

Dei' ae' a'ipipa. Basef hiami amam nematawa sa'iami, anona nemaf God nohali'asa basef amama ea' nowalogas nemaf anama newaloga epes hiesi anai.

Luk Nandaꞌafi 10:18

Ea' anan na'ipam na'i, “Ae' ati Satan nowai heven si'i otaga holala ma dililimbugwalag. Peme', ae' ase'epa pepel ipe' ma nambimb la'ifipa pefa'asa iguf awami wandafumi moloma awisiguf. Ama la'ifipa pili'amona epen aonai Satan naloma pepel hianai ananinai. Ea' ina nambimb anom amamaga mohambombagepa, owa'.

Jon Nandaꞌafi 12:31

Dei' Ahalome God nawaloga wafa amam nematawa hiesi sape etap anae' ea' natofa dembinai aonai numafi etap anae'i.

Jon Nandaꞌafi 14:30

Ae' ina nambimb i'i basef hiami elomepa, owa'. Dei' main? Aman dembinai aonai numafi etap anae' anama dei' nafi'i. Anan ina nambimb la'ifinama nonda'me anom amamaga, owa'etin.

Jon Nandaꞌafi 16:12

Ae' basef hiami ma a'i ie'ipipa emi, ea' ipe' ina la'ifipama pefa'am dei', ata' owa'.

Aposel 10:42

Anan na'ipafa basef la'ifimi ma wi'ipa esis amam nematawa owalapa basef alihim na'ama. God nandandepa aman anama ma nope aman nonda'masa basefa epes isima sape namisi soloma isima saga' ea'i.

Aposel 24:25

Na'ipana waf bu'unai ma epes sumafi alop asasinai andeande' ma owagama God nonda' kotima epes hiesi. Na'iam na'ama, Feliks umbamahana. Ea' na'i, “Ine' fo'o. Nambimb anona nemaf, efalena wapoti'.”

Aposel 26:18

Ama newala naep asasimi ma esis sowa' alafugaha akota waf aonai somboma opalef sifi'mai howalagon ma sokwaha pepel Satani sifi'mai God. Esis sombale'efa ae' ma ekwaha waf aonai esis sanda'anai. Ama sofa' amamaga bu'wami soloma enis amam nematawa God nanda'as bo'wes ananisi etisi.’

Basef Amama Pol Nandaꞌam Mafeꞌma Esis Romi 16:20

God anan ofagonama opaf awanena, nogota bandana ma nofa'asa Satan nofe' owina bo'wagah ipe'imi. Ae' ahali' God anda' betena Dembinai ape'inai Jisas Krais nigiambamepa na'a nope la'ela'ef nolomepa.

Basef Amama Pol Nandaꞌam Mafeꞌma Esis Romi 2:16

Amama anona nemaf motaga na'ama etina nemaf anama God nowaloga waf hianai epes hiesi sanda'anai. Nemaf anama Anan ni'i wila ma Jisas Krais nope dembinai nogwaloga waf hianai asasinai nandambahi'i noloma basef sa'iam sambahe'ami. Basef bu'wami Godi ae' awalapami amama atom.

1 Korin 4:5

Ea' dei' nogota dende'anai ata' owa'. Ipe' owa' pewaloga waf enin epen nanda'anai, owa'. Ipe' ata' pepe pehafa nemaf anama Dembinai niefi'ianai. Nemaf anama anan nowalapai amamaga hiami mandamabaho' mape akoti motaga mondawalap howalagoma. Nemaf anama Anan nowalapa ukup epes hiesi mape mandambahi'i motaga mondawalap alihim. Ea' God ni'ipapa basef ananimi ape' hiapai atona etin mondahama maol ape' manda'anai, bo'ona o aona.

2 Korin 4:4

God baso'omunai ma etap anae' nasopama opalefa epes isima owa' sembale'efa Godi. Ama basef amama bu'wami ofagema ma nafifili Kraisi ina muwis nomona opalef asasimi, owa'. Esis ina sati Krais nandati na'a si'i God, owa'.

Efesus 2:2

Nogota anama ipe' ata' paila waf aonai atona etapanai ea' paila basefa aman aonai. Anan la'ifinai numafi pepel aonai nape la'afen numafi etap naloma otaga. La'ifimi amama mataga aman anama aonai dei' numafi epes isima sesambala basef Godi.

Kolosi 2:15

Lawag anama Anan natalogofa ambagof awami maloma pepel naninani aonai naloma agufumi dembemi mape la'afena etap naloma otaga mape owina anan ea' ina la'ifim. Anan nikila'am ea' nowa'am la'ifim nafe' nali'am nafe' amam mafe' mailana ea' epes hiesi sakolasa naep satolom sa'i amam falafumi.

Hibrui 2:14

Epes Anan nofalapa awasi ananipai, epes etapasi selapai. Amama atom Jisas wapoti' nataga epen na'ama etin si'i ape' epes etapasi selasi. Anan nataga epen na'ama ma naga' nohambombaga aman anama aonai Satan la'ifina nanda' epes hiesi saga'.

Hibrui 9:27

Epes hiesi anona nemaf soga' nemaf atotona owagama situma basef lu'wami God nonda' kotimasami.

2 Pita 3:7

Basef Godi amama atom dei' mili'akwa amamaga mape ilifi maloma epes maloma amamaga mape etapi hi'alam dei' ata' mape la'ela'ef mohafa nif fandumi nemaf anama God nowaloga epes isima saso' alafugaha anani ma nonda'as hegililas.

1 Jon 3:8

Satan nanda' waf aonai fowa' damba damba nafi'i nafi'i dei' ata' nape la'ela'ef. Emi egafis sanda' waf aonai la'ela'ef sapomanai, esis epes Satani. Nogalomana Godi nafi'i nataga nandawalapa main? Ma nohambombaga opeh Satan nanda'ami.

Revelesen 1:7

Piti, Anan la'ifinai anona nemaf nifi'i noloma otaga esis hiesi sotolona naep asasimi ea' epes isima fowa' sahana wamba'wi sotolona wapoti'. Amama atom esis amam nematawa hiesi sape etapi sotolona sogawa solopana kwapete'as ma waf aonai esis sanda'anai. Amama anona nemaf motaga na'ama. Endilisi.