Jon Nandaꞌafi 15:8 - Basef Buꞌwami Godi

⁸ I'i ipe' pela gwa'aimi hiami, Ahalome ae'anai nofa' agel lu'unai. Ama pihi'amba amam nematawa hiesi ipe' pepe alupipei Ae'ipei.

Jon Nandaꞌafi 15:8 Iomraidhean Croise

Matyu Nandaꞌafi 5:16

Ea' na'ama etin, ipe' penda' waf bu'unai si'i lamifah ipe'imi mape alihima howealama naep esis amam nematawai hiesi siti waf bu'unai ipe' panda'anai ma seafela agel Ahalomepa nape ilifi lu'una.

Matyu Nandaꞌafi 5:44

Ea' dei' ae' a'ipipa anom basef a'i, ipe' ukup mimila naumbih ipe'isi pese'as opalef, penda' betena God niegiambama isima sanda'mepa waf aonai.

Matyu Nandaꞌafi 9:8

Ea' amam nematawa hiesi satolona sehafel gegelalasis umbamahas kwapete' sogawa God nagiambama aman anama nase'ana pepel lu'unai. Na'ama esis safela agel Godi lu'una.

Luk Nandaꞌafi 6:35

Ea' ipe' ukup mila naumbih ipe'isi, penda'mas waf bu'unai esis pese'asa amamaga. Ipe' ina ata' pi'i anona nemaf esis sogwamepam, owa'. Ipe' penda'as na'ama anona nemaf God la'ifinai nape ilifi nese'epa amamaga lu'wami bu'wami ma pepe awasi ananipei. Dei' main, anan na'i uwahipis esis isima owa' seanifelonae saloma isima sanda' waf aonai.

Jon Nandaꞌafi 13:35

I'i ukup ipe'imi mimila ipe' atona etin, nambimb epes hiesi sogawa ipe' alupipei ae'ipei.”

Jon Nandaꞌafi 15:5

Ae' si'i lawag si'ina, ipe' si'i agof. Emi egafis sope Ae' ma Ae' ape esis, nambimb sola gwa'aimi hiami. I'i ipe' pekwaha Ae', ipe' etipa ina nambimb penda' anom amamaga, owa'.

Jon Nandaꞌafi 8:31

Ea' Jisas na'ipa esis Juda sambale'efana na'i, “I'i ipe' pembale'efa basef ae'ami pilam, ipe' alupipei ae'ipei endilisi.

1 Korin 10:31

Dei' ae' egwa basefa epen inima. I'i ipe' pi'i pea' gwa'aimi embel maim o penda' maim amamaga, penda'ama pefela agel Godi atona lu'una.

1 Korin 6:20

God natalepa ma maol lu'unai endilisi. Amama atom dei' pefela agel ananinai lu'una ma alop ipe'inai.

Filipai 1:11

Ae' anda' betena waf bu'unai Jisas Krais nawalapanai nambimb nepe si'ina ma ipe', nese'ana agel lu'unai Goda epes hiesi siti pepel nafifili Ananinai.

Taitus 2:10

Esis ina sokowalopa anom amamaga amamumi, owa'. Esis sila basef amamumi andeande'. Ama anona nemaf esis sofela agela basef amama ape' mawalapama epesi lu'um. Basef amama Godi nofa'ai ape' motanimani mope andeande'.

Taitus 2:5

Ea' awau umafi nomonas awaumi andeande'ma ope bo'owa andeande' endilisi. Ea' umafi ifagw awaumi andeande' ma wigiambama amam moloma awasi awausi. Awau ope owina amam wahupawa awaumi. Awau onda' waf anama hianai bu'unai hi'ilana epes ina siti anona waf aonai awaunai ea' sonda' basef Godi findiwam, owa'.

1 Pita 2:12

Ipe' penda' waf bu'unai andeande' ma naep esis sololama Godi. Penda'am na'ama ma maina nemaf esis si'i basef awamima ipe', atuwasi siti waf bu'unai ipe' panda'anai ea' sinifela waf anama si'i bu'unai. Penda'am na'ama, ea' nemaf akutainai Anan niefi'ianai ma esis sefela agel Ananinai lu'una.

1 Pita 4:11

Emi egafis sowalapa basef, esis si'iam si'i sawalapa basef Godi atom. Ea' emi egafis sonda' maola sigiambama enis epes, esis sonda'ana pepel anama God nase'asanai. Ama epes hiesi siti maol anama hianai bu'unai sondanifel sefela agel Godi ma Jisas Krais atona. Agel lu'unai noloma pepel nafifili hianai Ananinai atona la'ela'ef hihif. Endilisi etis.