Jon Nandaꞌafi 15:6 - Basef Buꞌwami Godi

⁶ Emi egafis owa' seape ae'i, esis sogalo'mas si'i satopa' agof alimi. Ama satamam saofam nif fandom hi'alam.

Jon Nandaꞌafi 15:6 Iomraidhean Croise

Matyu Nandaꞌafi 13:41

Ae' ataga epen endilisiwei anona nemaf ae' esapa'i amam ensel ae'ami ea' motofa amamaga amama hiami manda' epes sanda' waf aonai moloma amam nematawa isima hiesi sanda' waf aonai muli'amonas seakwaha kingdom Ae'anai.

Matyu Nandaꞌafi 27:5

Ea' Judas nakwaha moni silva anama ipat lu'unai Godi nomon, nafe' anagon nandaha nail mandof ea' afuna.

Matyu Nandaꞌafi 3:10

Tamia'w kwa'oh lawag ofagema. Lawah hiami owa' mola su'utip bu'wami, anona nemaf solam sotopa'am sokwahom mefe'ma nif.

Matyu Nandaꞌafi 7:19

Lawah hiami owa' mieil mola su'utip bu'wami, amama esis salam saofam nif.

Jon Nandaꞌafi 15:2

Agof hiami su'utip owa' mielami, amama Ahalome natopa'am nakwahom. Ea' anom agof mail mola gwa'aimi amama anan nandombasom natopa'am bandam ama nambimb mope bo'om mil mola gwa'aimi hiami andeande'.

Hibrui 10:27

I'i ape' monda'am na'ama, nambimb ape' umbamohapa endilisi mope mohafa nemaf anama God nowaloga ape' ma nosapa'apa mofe' nif lu'wami fandumi. Nif amama anona nemaf fendo naumbih Godi.

2 Pita 2:20

Emi egafis sokwaha waf aonai etapanai nanda' epes awes ma sogawa Dembinai ape'inai Jisas Krais nofa'as sotanimani, ma i'i waf anama aonai nomboma esis wapoti' ma nombale'as la'ifis, anona nemaf sope la'ela'ef na'ama. Sali' sape la'ifisa sonda' waf aonai, ata' sape awes kwaukwawie'. Ea' dei' satanima sanda' waf aonai wapoti', awes endilisi sanda' waf aonai la'ela'ef.

1 Jon 2:19

Enis epes sakwaha ape' ea'. Fowa' epes isima ina ape'isi endilisi, owa'. I'i ape'isi endilisi, esis sope solomapa la'ela'ef. Owa'. Esis sakwahepa ea'. Amama atom dei' ape' mogawas andeande', epes isima hiesi ina epes ape'isi, owa'.

Revelesen 20:15

I'i Anan natoma balata kingi owa' nieti agel anin epeni nope buk anama, nefelen nokwahin newala hul anama nif amama fandumi mapeinai.

Revelesen 21:8

Epes isima umbamahasa sotanima, isima owa' sombale'efa Godi, epes sanda' waf naninani aonai endilisi soloma epes isima saha enis saga'i soloma epes isima sanda' waf aonai so'a waolanai soloma isima sanda' mu'uhupi soloma epes isima sanda' lotuma god anama baso'mainai, soloma epes isima hiesi sambaso'omi, epes isima hiesi sofa' wambel asasinai ma hul anama lu'unai nif lu'wami fandumi otam salfa napoma. Hul anama launai si'i ga' nigi' neatagai.”