Jon Nandaꞌafi 15:5 - Basef Buꞌwami Godi

⁵ Ae' si'i lawag si'ina, ipe' si'i agof. Emi egafis sope Ae' ma Ae' ape esis, nambimb sola gwa'aimi hiami. I'i ipe' pekwaha Ae', ipe' etipa ina nambimb penda' anom amamaga, owa'.

Jon Nandaꞌafi 15:5 Iomraidhean Croise

Matyu Nandaꞌafi 13:21

Isima si'i masilimb ina mowala etap owin. Esis sembale'am nogota bandana etin ea' nemanimi matagamas enis amam nematawa sandaiwa'ma sembale'a basef Godi sanda'as findiwas sahas sanda'masa waf aonai ea' sandahagas satanima.

Jon Nandaꞌafi 12:24

Ae' a'ipipa basef endilisimi, i'i olelemb witimi owa' mowa etap nomon, olelemb amama mo'oh etifim. Ea' i'i mowa mowala etap nomon, wila amama motaga molo mil hiami.

Jon Nandaꞌafi 15:16

Ipe' ina pali' pesaho' ae' ipe'iwei, owa'. Ae' ali' andandepepa ea' ae'ipei. Ea' anda'epa panda' opeh bu'wami. Ama pefe' penda' opeh bu'wami si'i lawah mola gwa'aimi ma opeh bu'wami ipe'imi mope andeande'. Penda'am na'ama ma i'i ipe' penda' beten pihali' Ahalome ma anom amamaga agel ae'anai, anan nose'epa.

Jon Nandaꞌafi 5:19

Ea' Jisas nagwamama basef amam na'i, “Ae' a'i endilisi a'ipipa. Ae' nogalomana Godi ae' atowe ina la'ifiwei ma enda' anom amamaga ma okom ae'anai atona, owa'. Ae' anda' amamaga amama ati Ahalome nanda'ami, ea' amama atom. Dei' main, amamaga hiami ahalome nanda'ami, amama ae' Nogalomana wapoti' dei' anda'am.

Jon Nandaꞌafi 9:33

I'i aman anama ina aman Godi, anan ina nambimb nenda' anom amamaga. Owa'etin. Anan aman Godi.”

Aposel 4:12

Ina anona epen la'ifina nofa'apa motanimani, owa'. Ea' anan atona. Ama ganima etap hiagoma, fowa' gani dei' wapoti' God ina nawalapa agela anona aman ma nigiambamapa nefa'apa motanimani, owa'. Ea' Anan atona.”

Basef Amama Pol Nandaꞌam Mafeꞌma Esis Romi 12:5

Ea' na'ama etin ape' amam nematawa hiapai mape la'ifipama paloma Jisas Krais, ape' si'i alop atotona. Ea' ape' hiapai atona etin si'i mandagigiambama etin maloma anona alop wa'awa'ana hianai.

Basef Amama Pol Nandaꞌam Mafeꞌma Esis Romi 6:22

Ea' dei' God natagahepa ma waf aonai nanda'epa pape panda' maola anan pape owina anan la'ela'ef. Maol anama nola gwa'aimi amama. Ipe' pepe bo'wepa ananipei etipa ma pefa' ambal namunai pepe andeande' la'ela'ef.

Basef Amama Pol Nandaꞌam Mafeꞌma Esis Romi 7:4

Ipe' alupipei ae'ipei, ae' a'i i'ipipa basef amama ofagema. Ape' hiapai mape la'ifipa maloma Krais ea' amama atom dei' maga' ea'. Dei' mi'uli anama God fowa' nase' Mosesanai ina ata' nowa'apa la'ifipa wapoti', owa'. Ape' mape la'ifipa paloma Jisas aman God nafelona nohafel hi'agif wapoti' ea' monda' maol ananinai atona.

1 Korin 10:16

Kap anama aman numafi lotuwi nofalo'mana, anama na'ama. Ape' manifela Goda kap anama nakolasa ape' maloma esimbel Kraisi. Endilisi etis bret anama ape' mawalonai, anama nakolasepa maloma alop Kraisi.

1 Korin 12:12

Alop ape' epesi etifina ea' wa'awa'ana hianai ea' alop anama hianai lu'una sa'ona nafe' nail alop si'ina atotona. Krais wapoti' na'ama etin.

1 Korin 12:27

Amama atom dei' ipe' hipei pape alop Kraisi si'ina. Ea' ipe' hipei atona etin alop wa'awa'ana ananinai atona.

2 Korin 13:8

Ipe' pegawa afa' ina onda' anom amamaga ma mohagofa basef endilisimi, owa'. Afa' la'ififa ma wanda' maola wa'ipasa basef endilisimi atom.

2 Korin 9:10

La'ela'ef God nase'as olelemb gwa'aimi hiami epesa sawam aof. Ea' nase'as gwa'aimi mamumami hiami epesa sagwa'am. Ea' nambimb nese'epa amamaga ipe' wapoti' ma pese'asam enis epes. Ama amamaga amama ipe'imi motaga lu'um endilisi ma pese'asam wapoti', si'i enin epen nawa olelemb gwa'aimi ma anom nimeguf mafe' ea', nala' gwa'aimi hiami endilisi nefa'am.

Galesia 5:22

Ea' Ambal Bu'unai Godi nawalapai waf bu'unai na'ama. Waf ukup maimaila enis epes, danifel, opalef awanemi, waf nape natilisa sonda'mena waf aonai, waf sati uwahipisanai, waf ukup bo'oma enis epes nigiambamas, nanda' amamaga andeande' ma naep epesi God wapoti',

Efesus 5:9

Epes safe' alipi sawalapai waf bu'unai, endilisinai hianai.

Filipai 1:11

Ae' anda' betena waf bu'unai Jisas Krais nawalapanai nambimb nepe si'ina ma ipe', nese'ana agel lu'unai Goda epes hiesi siti pepel nafifili Ananinai.

Filipai 4:13

Krais nanda'e la'ifiwi nase'e pepel. Amama atom dei' la'ifiwi ma anda' amamaga hiami hi'alam.

Filipai 4:17

Ea' dei' ae' ina ahali'ipa ma amamaga gwa'aimi maim, owa'. Ae' okom na'i nambimb God nogwa waf bu'unai ipe' panda'anai pagiambame nose'epa amamaga bu'wami.

Kolosi 1:10

Wanda'am na'ama ma nambimb ipe' petaga la'ifipama fe' pe ipe'inai netaga bo'ona endilisi dende'ma waf Dembinai. Wanda'mepa betena Anan niti waf ipe' panda'anai nenda' okom ananinai bo'ona ipe' nondanifamepa. Ama penda' maol naninani hianai bu'unai hi'ilana pegewana andeande' pikila' fowa' pali' pagawana.

Kolosi 1:6

Ama ganima etap hiagoma basef bu'wami amama mawalapai waf bu'unai ma epes hiesi mataga lu'um la'ela'ef mikila' fowa'. Basef amama manda'am na'ama etin si'i fowa' damba damba mali' matagama ipe' pame'am pailam. Nemaf anama ipe' pali' pegawa endilisi okom Godi nagiambamepa na'a, basef amama mawalapai waf bu'unai nataga lu'una ma ipe'.

Jems 1:17

Amamaga bu'wami hiami si'i presen, amama ahalomapa ape'inai nase'apam misila'i heven. Anan nanda' mafifili aon alipunai owambunai maloma ondowa motawa ilif otaga. Owaf naluwi, ambagof laom bandam. Ea' God ina nandaho'of na'ama si'i ambogof, owa'. Anan nape na'ama etin la'ela'ef hihif.

1 Pita 2:4

Anan si'i owap ambal namunai napainai. Ipe' pifi'mai Anan, owap anama esis amam nematawa sandaiwa'mana sanda'ana sagwasi'ana na'oh. Ea' God nosahe'ana na'i owap anama bu'unai endilisi.

2 Pita 3:18

Ea' ipe' pepe pila waf anama Dembinai Jisas Krais nagiambamapa na'a nofa'apa motanimani. Ea' pitu la'ifipa ma waf anama noloma gawa anama Kraisi pikila' fowa' pali' pape panda'am. Ae' a'i agel bu'unai atona dei' la'ela'ef nopomana nefe' anona nemaf owagama wapoti'. Endilisi.