Jon Nandaꞌafi 15:4 - Basef Buꞌwami Godi

⁴ Ipe' pepe ae' ea' ae' nambimb epe ipe'. I'i agof atom wafim, ina mola gwa'aimi, owa'. I'i agof owa' mondala la'ifim lawag si'ina, amam ina molo andeande', mil mola gwa'aimi, owa'. Ea' na'ama etin si'i ipe'. I'i ipe' owa' pepe peloma ae', ipe' wapoti' ina pela anom gwa'aimi, owa'etin.

Jon Nandaꞌafi 15:4 Iomraidhean Croise

Matyu Nandaꞌafi 12:33

Lawah bu'wami mail mola gwa'aimi bu'wami. Lawah awami mail mola gwa'aimi awami. Dei' main, ape' mati gwa'aimi mailami, mogawa lawah bu'wami awami.

Luk Nandaꞌafi 8:15

Ea' anom mowa etap bu'unai, si'i enis same' basef bu'wami sembale'am la'ifis. Opalef asasimi bo'om same' basef Godi sailam. Esis sape la'ifis sanda' waf bu'unai la'ela'ef, isima sape si'i olelemb mataga malo mail mola gwa'aimi andeande'i.

Jon Nandaꞌafi 14:20

Nemaf anama ipe' pegawa ae' ape Ahalome, ape nomona ipe', ipe' pape ae'.

Jon Nandaꞌafi 17:23

Ine' nape naloma ae', ae' ape aloma esis, ea' na'ama etin ae' okom na'i esis sotaga ukup etifim endilisi. Ama esis amam nematawa etapasi sogawa ine' nasapa' ae' afi'i, ea' ine' okom nainaila esis endilisi si'i ine' okom nainaila ae'.

Jon Nandaꞌafi 6:56

Emi egafis seagwa' alop noloma esimbel ae'ami, esis sope la'ifis soloma ae', ea' ae' epe la'ifiwi elomas.

Jon Nandaꞌafi 8:31

Ea' Jisas na'ipa esis Juda sambale'efana na'i, “I'i ipe' pembale'efa basef ae'ami pilam, ipe' alupipei ae'ipei endilisi.

Aposel 11:23

Anan nafe' nataga nati God nanda' esis bo'wesa waf bu'unai numafias nandanifamas. Nafela ukup esis amam nematawa hiesi ma sope la'ifis sila Dembinai.

Aposel 14:22

Ea' manda' esis Kristen sataga la'ifis. Amam ma'ipasa basef la'ifimi na'ama ma'i, “Ipe' pepe la'ifipa pembale'efa dembinai God. Ape' meme' mofa' nimanimi mamumami lu'wami ma muwis nomon wambota Godi numafiapa.”

2 Korin 13:5

Ipe' la'ela'ef pewaloga opalef ipe'imi pewalogam andeande'. Ipe' pembale'efa God endilisi o owa'? Ipe' pewaloga ipe' etipa. Ipe' pegawa Krais Jisas nape opalef ipe'imi o owa'? I'i ata' owa', ikwaf ipe'inai ina dei' pafe' pataga dende', ata' owa'.

Galesia 2:20

Ae' ina ape namowe ma ambal ae'anai atona, owa'. Krais atona nape namunai opaf ae'anai. Dei' ape etap anae', ape aila pepel Nogalomana Godi embale'fa Anan atona. Anan okom nainaili endilisi, naso' ambal Ananinai God ma nagiambame.

Efesus 3:17

A'i bale'ef ipe'inai atona Krais nope opalef ipe'imi nomon la'ela'ef. Ea' anda' beten ahali' Goda waf ukup maimailasanai nope si'ina ma ipe' ma nonda'epa la'ifipa pila waf anama si'i nombalef lawag nahapila etap nowala la'ifina.

Filipai 1:11

Ae' anda' betena waf bu'unai Jisas Krais nawalapanai nambimb nepe si'ina ma ipe', nese'ana agel lu'unai Goda epes hiesi siti pepel nafifili Ananinai.

Kolosi 1:23

Ea' ipe' pembale'efa basef bu'wami Godi la'ifipa la'ela'ef ma pitu la'ifipa endilisi si'i olaf nali'i nanda' ipat la'ifina. Na'ama ukup mose'epama pegawa endilisi anona nemaf pefa' amamaga amama bu'wami basef bu'wami Ananimi ma'iami. Basef amama pame'am ea' sawalipasama epes hiesi sape etap hiagoma. Basef amama ae' Pol ataga aman anda' maola awalipasami.

Kolosi 1:27

Okom Ananinai nape na'ama. Anan na'i nihi'ambapa basef amama bu'wami endilisi agel lu'unai, mandawalap magiambama esis amam nematawa hiesi. Basef amama na'ama. Krais nape opalef ipe'imi nomona dei' pape pehafa anona nemaf pefa' nafifili Ananinai pelomana.

Kolosi 2:6

Ipe' pembale'efa Krais Jisas pa'i Anan Dembinai ipe'inai. Na'ama dei' pefa' pepel ananinai pepe la'ifipa peloma Anan.

1 Tesalonaika 3:5

Ae' ina ata' epe ehafa ipe' wapoti', owa'. A'i efo'o. Ea' asapa'a anona aman nafo'o nogawa bale'ef ipe'inai ma nigiambamepa. Na'ama aman anama aonai Satan nakikipipa ma panda' waf aonai, ea' maol afa' wanda'anai nalo na'a.

Hibrui 10:39

Ape' ina epes umbamahapa matanima mefe' makwaha mombale'efa God ama owagama higililapa, owa'. Ape' epes mombale'efana mofa' ambal namunai mope andeande' la'ela'ef.

1 Jon 2:6

Emi egafis sa'i, “Ape' mape la'ifipa maloma God”, pe asasinai notaga bo'ona si'i pe Jisas Kraisi.

2 Jon 1:9

Emi egafis sakwaha basef Kraisi ma simbisila' sefe' sila anom basef, God ina nape opaf epes isima, owa'. Emi egafis sembale'efa basef Kraisi la'ifis la'ela'ef, dei' Ahalomana naloma Nogalomana wapoti' mape la'ifim maloma epes isima nomon ukup asasimi.