Jon Nandaꞌafi 15:2 - Basef Buꞌwami Godi

² Agof hiami su'utip owa' mielami, amama Ahalome natopa'am nakwahom. Ea' anom agof mail mola gwa'aimi amama anan nandombasom natopa'am bandam ama nambimb mope bo'om mil mola gwa'aimi hiami andeande'.

Jon Nandaꞌafi 15:2 Iomraidhean Croise

Matyu Nandaꞌafi 13:12

Emi egafis sembale'efa basef Godi nambimb God nowatanimasam wapoti'. Ea' isima owa' sembale'ami, nambimb basef kwawie'im amama esis sombale'efami, God nondalombasam esis sopan etin.

Matyu Nandaꞌafi 13:33

Ea' nawalapa anom basef womun etin wapoti' ma esis na'i, “Epes isima siowis kingdom heveni si'i yis ano'w nemata'w kofa'am kwambomam maloma plaua hiami mala dram lu'unai ea' plaua hiami matef lu'um.”

Matyu Nandaꞌafi 15:13

Ea' nagwa basef womun etina amam na'ipam na'i, “Ahalome ae'anai nape heveni nawa amamaga anona aof. Ea' amamaga hiami anan owa' neawami, amama anona nemaf nigiam moloma nombalef masilimb.

Matyu Nandaꞌafi 21:19

Ea' nati anona lawag fik notawa eaf ea' nafe' natolona. Ea' ina nati anom su'utip mailana, owa'. Apul atom. Ea' na'ipana na'i, “Ine' ina ata' anom su'utip milina wapoti'. Owa'.” Ea' mehip lawag anama bowana ea' alina hi'alana.

Matyu Nandaꞌafi 25:29

Dei' main? Emi egafis sahapila amamaga amama nambimb sofa' anom wamenai wapoti' ma sefa' hiami. Ea' emi egafis amamaga a'asi, amamaga kwaiyo'um esis sahapilami, amama nambimb endalombasam esis.

Matyu Nandaꞌafi 3:10

Tamia'w kwa'oh lawag ofagema. Lawah hiami owa' mola su'utip bu'wami, anona nemaf solam sotopa'am sokwahom mefe'ma nif.

Matyu Nandaꞌafi 3:12

Anan nahapila anol savol lagof ananimi ma niesimba'am wit si'i rais amama andeande'. Ama nefa' bu'wami nuwis nembe'am ipat ananinai. Awami nembefam nofam nif amama lu'wami fandom mape la'ela'efi.”

Matyu Nandaꞌafi 7:19

Lawah hiami owa' mieil mola su'utip bu'wami, amama esis salam saofam nif.

Mak Nandaꞌafi 4:20

Ea' anom mowa etap bu'unai si'i epes isima same' basef bu'wami sembale'am sanda' waf bu'unai. Enis si'i mola gwa'aimi 30-peleim, enis si'i mola 60-peleim, ea' enis si'i mola 100-peleim.”

Luk Nandaꞌafi 8:13

Anom mowa mafe' anagon otambaiguma, amama si'i enis epes same' basef Godi ea' sofa'am mehip sandanifelamam. Ea' isima si'i masilimb ina mondala mowala etap owini. Esis sembale'am nogota bandana etin ea', Satan nagwambas sanda' waf aonai ea' satanima sakwaha sombale'efa God.

Jon Nandaꞌafi 15:1

Ae' si'i lawag wain si'ina endilisi. Ahalome ae'anai Anan si'i ofagenama aofi. Aof anama sawa lawah su'utip wainim gwa'aimi mailami.

Jon Nandaꞌafi 15:16

Ipe' ina pali' pesaho' ae' ipe'iwei, owa'. Ae' ali' andandepepa ea' ae'ipei. Ea' anda'epa panda' opeh bu'wami. Ama pefe' penda' opeh bu'wami si'i lawah mola gwa'aimi ma opeh bu'wami ipe'imi mope andeande'. Penda'am na'ama ma i'i ipe' penda' beten pihali' Ahalome ma anom amamaga agel ae'anai, anan nose'epa.

Jon Nandaꞌafi 15:3

Basef amama Ae' a'ipipami monda'epa pataga bo'wepa ea'.

Jon Nandaꞌafi 15:6

Emi egafis owa' seape ae'i, esis sogalo'mas si'i satopa' agof alimi. Ama satamam saofam nif fandom hi'alam.

Jon Nandaꞌafi 15:8

I'i ipe' pela gwa'aimi hiami, Ahalome ae'anai nofa' agel lu'unai. Ama pihi'amba amam nematawa hiesi ipe' pepe alupipei Ae'ipei.

Jon Nandaꞌafi 17:12

Nogota anama ae' ape aloma esis, ae' emafias sape pepel ine'inai, pepel anama ine' nasi'ianai. Ae' emafias andeande' ea' ina enin atitin higilalan, owa'. Aman hegilialanai, anan atona nambimb nefe' wambel aonai ma basef ine'imi mail buk Baibeli motaga endilisi mondawalap.

Basef Amama Pol Nandaꞌam Mafeꞌma Esis Romi 11:17

God nindiwam nelefata anom agof lawah oliv ea' nofa'ai anona agela anona lawag oliv aolupunai nuwataniana lawag anama sawana aof. Ipe' owa' Judaipei, ipe' si'i agel lawag anama aolupunai. Amama atom dei' ipe' pefa' amamaga maim bu'wami mataga ma epes isima Juda si'i agel lawag anama aolupunai nofa' ifata nombalef lawag sawana nape aofi.

Basef Amama Pol Nandaꞌam Mafeꞌma Esis Romi 11:22

Ea' ipe' ukup ma'i andeande' okom biefim Godi uwahipimi maloma wandafumi wapoti'. Epes sakwaha waf ananinai, na'ipasa basef la'ifimi. Ea' ipe' God na'i uwahipipei, i'i ipe' pila uwahipimi amama, andeande'. I'i owa', anona nemaf notopa'epa wapoti'.

Basef Amama Pol Nandaꞌam Mafeꞌma Esis Romi 8:28

Maim amamaga ma'i meatagamapai, bu'wami awami hiami, God nanda'am manda' maol atom migiambama ape' epes ukup maimaila anani. Ape' epes nofalapa ea' ma monda' maol Ananinai mila okom Ananinai.

1 Korin 13:1

I'i ae' egawa ma i'i diga naninani epesi soloma enseli wapoti' ma ae' owa' okom mimilas ese'asa okom igiambamas, basef ae'ami falafumi atom si'i saha olef wata malef etini.

Taitus 2:14

Krais anan nakwaha ambal bu'unai ananinai ma natala ape' natagahepa ma waf aonai hianai mosambala mi'uli Godi. Anan na'i nondombasa ape' ma motaga epes ananipai atepa bu'upai, ukup mohafela monda' opeh lu'wami ma mila waf hianai bu'unai.

Hibrui 12:15

Ipe' pindumafuma andeande'. Na'ama enin alupini ipe'ini newa ma waf aonai nelolama God nigiambaman etina nefa'an netanimani nepe andeande'. Na'ama enin alupini ipe'ini nenda' waf aonai si'i lawag aonai nail nola gwa'aimi awami, ea' nese'epa nimanimi ipe' nenda' ipe' hipei petaga awepa ma naep Godi.

1 Jon 2:19

Enis epes sakwaha ape' ea'. Fowa' epes isima ina ape'isi endilisi, owa'. I'i ape'isi endilisi, esis sope solomapa la'ela'ef. Owa'. Esis sakwahepa ea'. Amama atom dei' ape' mogawas andeande', epes isima hiesi ina epes ape'isi, owa'.

Revelesen 3:19

Epes hiesi emi egafis Ae' okom nainailas, isima Ae' enda' megah mohas ehas bolam ma enda' waf asasinai notaga bo'ona. Ea' ipe' wapoti' ukup mopoma waf ipe'inai hianai, pemboma opalef pekwaha waf aonai pifi'mai Ae'.