Jon Nandaꞌafi 14:2 - Basef Buꞌwami Godi

² Ipat Ahalome ae'anai alihina satopa' rum hiami mape mandandaepa. I'i owa', fowa' ae' a'ipipa. Endilisi, ae' efe' endondomba wambel ipe'inai.

Jon Nandaꞌafi 14:2 Iomraidhean Croise

Luk Nandaꞌafi 14:22

Ea' aman anama nanda' maolananai na'i, ‘Dembinai, ae' aila basef ine'imi ea', ati ipat ina dei' si'ina, ata' owa'.’

Jon Nandaꞌafi 13:33

Ipe' so'upei, ae' elomepa ope nogota bandana efe'. Ipe' atuwasi pegolopa ae' ea' ina petolowe, owa'. Anama ae' eafe'ma, ipe' ina la'ifipama nambimb peafo'o, owa'. Basef amama atom fowa' a'ipa amam Juda, dei' a'ipipam wapoti'.

Jon Nandaꞌafi 13:36

Ea' Saimon Pita nahali'ana na'i, “Dembinai, ine' nefe' eti?” Ea' Jisas nagwamana basef na'i, “Anama dei' ae' eafe'ma, ina nambimb nigi'mi nefo'o, owa'. Ea' owagama ine' nigi'mi nefo'o.”

Jon Nandaꞌafi 14:28

Ipe' pame'am ea' basef amama do'ok a'ipipami. Ae' ikwahipa efe'. Nambimb itanimamipei ifi'i. I'i ipe' ukup mila Ae' endilisi, ipe' pendanifel ma Ae' efe'ma Ahalome. Dei' main? Ahalome Anan dembinai nikila' Ae'.

Jon Nandaꞌafi 16:4

Ea' dei' a'ipipa ea' ma amamaga amama. Ama nemaf anama neataga ma esis sonda'epa na'ama, ipe' ukup mondanda'ma basef amama dei' a'ipipami.

Jon Nandaꞌafi 17:24

Ahalome, ae' okom na'i esis amam nematawa ine' nasi'iasi sefe' sope solome wambel ae' eapoma. Ae' okom na'i esis siti pepel la'ifinai noloma nafifili ae'anai, anama ine' nasi'ianai. Fowa' etap anae' ata' owa' notagai nogota anama ine' okom naila ae'. Ea' nase'e pepel nafifili anama.

Aposel 9:16

Nambimb ae' ihi'ambana nimanimi lu'wami nefa'ami ma nowalapa agel ae'anai. Na'ama ine' dei' fo'o netolona.”

2 Korin 5:1

Dei' afa' ogawa na'ama. Nemaf anama ipat anama sowalo' selanai sanda'ana etap anae' nondatal aona, ea' hapainai. Afa' anona ipat God na'i nose'afanai dambainai. Ipat anama epes ina sanda'ana sala'ana lagof asasimi, owa'. Anama napani heven ea' notawa la'ela'ef hihif.

1 Tesalonaika 5:9

Dembinai God ina nosahe'apa ma mofa' okom wandafunai ananinai nefa'apa, owa'etin. Anan nosahe'apa ma Jisas Krais Dembinai ape'inai nofa'apa motanimani.

Taitus 1:2

Ae' anda' maola agiambama bale'ef asasinai ma esis sogawa ma sondanifel sope sohafa ambal anama namunai nope andeande' la'ela'ef. Fowa' gani God ata' owa' nonda' anom amamaga motaga etap anae', anan nali' na'iam ma nose'apa ambal anama ape'. Anan ina nambaso'ami, owa'.

Hibrui 11:10

La'ela'ef Abraham okom na'i ata' niti wambel taun anama gani ilif olalef maim la'ifimi motawa. God atona gawainai Anan okom na'i nonda' wambel anama, ea' nanda'ana.

Hibrui 13:14

Dei' main, ape' mogawa etap anae' ape' ina anona wambel taun nape la'ela'ef, owa'. Ape' dei' mape manda'am magolopa wambel taun anama anona nemaf na'i neatagai.

Hibrui 6:20

Anama ipat Godi lu'unai sanda' lotuwanai natawa heveni Jisas nali'apa nafe' nawis ipat anama nomon ma nagiambamapa. Anan nataga pris dembinai nape nali' ma pris hiami dei' nape la'ela'ef hihif na'ama etin si'i Melkisedek.

Hibrui 9:8

Pris anama nawis nanda' maol anama ma Ambal Bu'unai Godi nihi'ambapa na'ama. Ipat anama rum wa'ana mondolalima God nimeguf hiami maol ata' nape ma monda'ana. Eaf anama ma ape' mofe' muwis gani sa'i, “Bo'wagoma andeande' endilisi”, anama ina nataga nandawalap alihina, ata' owa'.

Revelesen 21:2

Ea' ati taun wambel bu'unai Godi, anama Jerusalem dambaiguma. Ati taun anama nape naloma God, nakwaha heven ilif nisila'i. Wambel anama nanda' sosaf bu'unai atona nandandombol si'i nemata'w kwa'i koso' amani kwanda' sosaf bu'unai atona ma koso' aman akwa'unai.

Revelesen 3:12

Emi egafis situ la'ifisa sili'amona wandafa waf aonai, anona nemaf Ae' enda'as situ la'ifis si'i olaf nombalo' ipat lu'unai Godi Ae'anai. Ea' epes isima ina sokwaha ipat anama lu'unai sotanima suwisi ande' wapoti', owa'. Sope andeande' nomon la'ela'ef. Anona nemaf enda' agel Ahalome Godi nila esis noloma agel wambel anama lu'unai God Ae'anai Jerusalem, wambel namunai bu'unai. Wambel anama anona nemaf nokwaha heven God Ae'anai napoma nisila'i. Ea' agel namunai Ae'anai wapoti' enda'ana nila esis.

Revelesen 3:21

Emi egafis situ la'ifisa sili'amona wandafa waf aonai, Ae' anona nemaf i'i aho'ma esis sope solome ma sope dembesi balata king Ae'anai. Na'ama etin si'i fowa' Ae' aitu la'ifiwi ali'amona wandafa waf aonai. Ea' dei' ape aloma Ahalome Ae'anai ape balata king Ananinai.