Jon Nandaꞌafi 14:1 - Basef Buꞌwami Godi

¹ Ea' Jisas na'ipafa na'i, “Opalef ipe'imi ina mohafel nimanim, owa'. Ipe' pembale'efa God, pembale'efa ae' wapoti'.

Jon Nandaꞌafi 14:1 Iomraidhean Croise

Jon Nandaꞌafi 11:33

Jisas nati akwa'w kwape kwalef etin ea' nati amam Juda mafi'i maloma'w malef wapoti'. Ea' nati esis uwahipis opaf ananinai aona endilisi na'i nelef etin.

Jon Nandaꞌafi 12:27

Ea' Jisas na'ipam wapoti' na'i, “Dei' opaf ae'anai nataga aona. Ae' basef owa'etina ie'iam. Atuwasi ae' i'i, ‘Ahalome, nekwahome nimanimi amama ma'i meatagama ae' dei'i?’ Owa'. Ae' afi'i nogota anae' ape etap anae' ma opeh amama atom ae' enda'ama sehe ega'.

Jon Nandaꞌafi 12:44

Ea' Jisas na'ipas mehip na'i, “Emi egafis sembale'efa ae'i, esis ina sembale'efa ae' atowe, owa'. Sembale'efa anan nasapa'e afi'i wapoti'.

Jon Nandaꞌafi 13:19

Ae' dei' ape a'ipipa basef amama ma waf anama ina dei' nataga, ata' owa'etin. Ama nambimb notaga nondawalap, ipe' pembale'efa ae' ea' ma'uwi.

Jon Nandaꞌafi 16:24

Fowa' ipe' ina pahali'ana ma pefa' anom amamaga agel ae'anai, owa'. Dei' pihali'anamam, pefa'ama opalef ipe'imi bo'om endilisi.

Jon Nandaꞌafi 16:3

Fowa' esis ina sogawa Ahalome naloma ae' wapoti', owa. Na'ama esis sanda' waf anama aonai.

Jon Nandaꞌafi 16:6

Ae' a'ipipa basef amama ea' ma ipe'. Ea' dei' opalef ipe'imi nimanim endilisi.

Jon Nandaꞌafi 5:23

God nanda'am na'ama ma dei' esis amam nematawa hiesi safela agel ae' Nogalomanai ananiwei lu'una na'ama etin si'i safela agel Ahalomei lu'una. Emi egafis owa' seafela agel ae' Nogalomanai lu'una, amama ina safela agel Ahalomei God nasapa'e afi'i lu'una, owa'.

Jon Nandaꞌafi 6:40

Okom Ahalome ae'anai nape na'ama. Amam nematawa emi egafis seme' basef ae'ami seambale'efa ae'i, esis anona nemaf sofa' ambal namunai sope andeande' la'ela'ef hihif. Ea' efelas wapoti' sehafel hi'agilif nemaf akutainai.”

2 Korin 2:7

Ea' dei' penda' anona wafa anan. Andeande'ma pekwaha waf aonai ananinai pigiambamana notaga la'ifina penda' opaf ananinai awanena. Na'ama nimanimi lu'wami endilisi monda' okom ananinai aona ea' nokwaha Dembinai.

Efesus 1:15

Basef do'okimi endilisimi atom. Amama atom dei' la'ela'ef anda'mepa beten ipe'. Nemaf anama nali'i ame' basefa waf ipe'inai pembale'efa Dembinai Jisasa ukup bo'om ea' maimaila amam nematawa hiesi Godi. Ae' anda'am nemaf anama afi'i afi'i ataga dei', ae' ina akwahipa ma beten, owa'etin. Ae' okom na'i ipe' anda' beten anifela Goda ipe'.

2 Tesalonaika 2:2

Enis epes sa'ipipa sa'i nemaf Dembinai anona nemaf niefi'ianai nataga ea'. Ae' ine' egawa. Basef amama Ambal Bu'unai Godi na'ipanam enin epen na'ipi pas o enin epen na'iam okom ananinai atona o esis sa'i afa' wanda' basef amama wasapa'am mafo'o wa'ipasa basef amama? I'i peme'asa basef amama, ipe' ina pehafel gegelalasipa kwapete' mehip ea' ukup ipe'imi aom, owa'

1 Pita 1:21

Anan atona nagiambamepa dei' pembale'efa God. Anan nafela Krais nohafel hi'agif nase'ana agel lu'unai Anan. Amama atom dei' pembale'efa God atona pegawa endilisi anona nemaf anan atona nofa'epa pitanimani.