Jon Nandaꞌafi 13:8 - Basef Buꞌwami Godi

⁸ Ea' Pita na'ipa Jisas na'i, “Owa'. Ine' owa' nesa'opa bo'wagah ae'ami, owa'.” Ea' Jisas nagwamana basef na'i, “I'i ae' owa' easa'opamena bo'wagah ine'imi, ina nambimb nepe alupinai ae'inai, owa'.”

Jon Nandaꞌafi 13:8 Iomraidhean Croise

Matyu Nandaꞌafi 16:22

Ea' Pita nofa' Jisas nelefata nasa gemba ea' na'ipana na'i, “Dembinai, owa'etin. Ae' andaiwa' endilisi ma amamaga amama mogatagama ine', owa', hapaimi!”

Matyu Nandaꞌafi 21:29

Ea' nogalomana nagwamana basef na'ipana na'i, ‘Ae' andaiwa'.’ Anom nimeguf mafe'ma ea', namboma okom ea' nafe'.

Matyu Nandaꞌafi 26:33

Ea' Pita nagwa basef na'ama na'i, “I'i endilisi amam alupumi ine'imi hiemi meambale'efa ine' mi'i mokwahena, hapaimi, ae' embale'efa ine' la'ifiwi ina atuwasi ikwahina, owa'.”

Matyu Nandaꞌafi 26:35

Ea' Pita na'ipana na'i, “Owa'etin. I'i esis soha afa' biafa oga' etin, ae' ina embaho' agel ine'inai, owa'etin.” Ea' alupumi hiami Jisasi ma'iam na'ama etin hi'alam.

Jon Nandaꞌafi 13:6

Nasa'opamafa bo'wagah nafe', natagama Saimon Pita. Ea' Pita na'ipana na'i, “Dembinai, nesa'opame bo'wagah ae'ami, owa'.”

Jon Nandaꞌafi 13:9

Ea' Saimon Pita nagwamana basef na'i, “Dembinai, ina nesa'opame bo'wagah atom, owa'. Nesa'ope hi'ili lagof balaga wapoti' motaga bo'om.”

Jon Nandaꞌafi 3:5

Ea' Jisas nagwamana na'ipana na'i, “Ae' a'ipina endilisi, i'i Ambal Bu'unai Godi owa' nenda'an dambaina embel, ina nambimb la'ifin niowis wambota Godi, owa'etin. Ea' i'i Ambal Bu'unai Godi nolan dambain, enin wilama niowis wambota Godi.

Aposel 22:16

Dei' maina ine' ata' nape nehafana etin? Ine' hafel nefalona nosa'opena nokwahomena waf aonai ine' nanda'anai ma nefa' baptais!’

1 Korin 6:11

Fowa' enipa panda' waf anama. Ea' dei' God nasa'opepa nosahe'epa ea' Ananipei etipa si'ipa. God nanda'epa pataga epes bu'upei ma naep Ananimi. Anan nanda'epa na'ama etina agel Dembinai Jisas Kraisi ma Ambal Bu'unai God ape'inai.

Efesus 5:26

Anan nanda'am na'ama ma sotaga epes Godi etis bo'wes si'i nasa'opas embel sataga bo'wesa basef ananimi.

Kolosi 2:18

I'i emi egafis sepe sinifa na'oh nandondo'oh asasinai ma amamaga esis satolomi o sambaso'mas si'i esis so'umbelisi sape owina enis epes o senda' lotu ma amam ensel, ipe' ina pi'i aho'ma epes isima sembaso'mepa ma pefa' amamaga bu'wami ipe'imi ma'omepa ipe' ilif, owa'. Epes isimi na'amaisi safela agof asasimi lu'uma amamaga sa'oh sandondo'oh satolomi ea' ukup mapoma esis etis saila waf anama etapanai.

Kolosi 2:23

Endilisi, mi'uli anama nataga si'i mi'uli gawa bu'unai napeinai ea' na'ipapa nafelapa na'ipapa la'ifipama monda' lotu ma amam ensel ea' na'ipapa moha alop ape'inai. Ea' mi'uli anama ina la'ifina nagiambamapa matofa waf aonai alopanai ma okom apinai, owa'etin.

Taitus 3:5

Anan ina okom napoma anona waf bu'unai ape' manda'anai dei' nofa'apai, owa'. Okom dahowinai ananinai atona nofa'apa motanimani. Anan nasa'opapa ea' mataga awasi dambaipai, Ambal Bu'unai Godi nase'apa ambal namunai ma ape'.

Hibrui 10:22

Amama atom dei' ape' mofe' felefele'ma Goda waf anama. Ape' mokwaha waf hianai baso'mainai ma opalef ape'imi ea' mombale'efana endilisi. Ukup mopoma Krais atona, Anan nakolo' esimbel Ananimi nasa'opa opalef ape'imi mataga bo'om. Basef mape opalef nomoni ina ma'iam ma'ipapa basef mihi'ambapa waf aonai ape' manda'anai, owa'. Ea' ape' ukup mopoma Anan nasa'opa alop ape'inai embel galagami.

Revelesen 7:14

Ea' agwamana basef a'i, “Dembinai ae'inai, ine' etina negawas.” Ea' Anan na'ipi na'i, “Epes isima fowa' sape etap sofa' nimanimi lu'wami ma lagof esis naumbih. Esis sasa'opa luwaguf asasimi ma esimbel sipsip anama noganai, dei' mataga afitim.