Jon Nandaꞌafi 13:5 - Basef Buꞌwami Godi

⁵ Ea' nakolo' embel anom dis nafe' notawa nasa'opamafa bo'wagah afa' alupufai ananifai ea' nanda' taul anama nowaha'anai nandisamafa bo'wagah.

Jon Nandaꞌafi 13:5 Iomraidhean Croise

Luk Nandaꞌafi 7:38

Ea' kwawis kwafe' kwaitu alafuga Jisasi felefele'ma bo'wagah ananimi kwalef. Ea' embif akwa'umi maluwi mowala bo'wagah Jisasi ea' kwanda' auf balagaimi kopati' embif akwa'umi, kwape kwasisi' bo'wagah ananimi kwanda' lotumana. Ea' kwakolo' sanda anama bo'wagah ananimi.

Luk Nandaꞌafi 7:44

Ea' nandamboma nati nemata'w akwama na'ipa Saimon na'i, “Ine' niti nemata'w akwama? Ae' afi'i awis ipat ine'inai. Ine' owa' nase'e embel esa'opa bo'wagah ae'ami, owa'etin. Ea' nemata'w akwama kwasa'opa bo'wagah ae'ami ma embif maluwi naep akwa'umi. Ea' kopati'am balaga akwa'unai.

Jon Nandaꞌafi 13:10

Ea' Jisas nagwamana basef na'i, “Emi egafis sasa'of ea', esis ina atuwasi sesa'of wapoti', owa'. Esis bo'wes ea'. Ipe' hipei ipe' bo'wepa ea'. Anona ipe'inai atotona ata' owa' bo'ona andeande'e.”

Jon Nandaꞌafi 13:6

Nasa'opamafa bo'wagah nafe', natagama Saimon Pita. Ea' Pita na'ipana na'i, “Dembinai, nesa'opame bo'wagah ae'ami, owa'.”

Jon Nandaꞌafi 13:8

Ea' Pita na'ipa Jisas na'i, “Owa'. Ine' owa' nesa'opa bo'wagah ae'ami, owa'.” Ea' Jisas nagwamana basef na'i, “I'i ae' owa' easa'opamena bo'wagah ine'imi, ina nambimb nepe alupinai ae'inai, owa'.”

Jon Nandaꞌafi 19:34

Ea' anona soldia nanda' wamba'w napisila lambeh Jisasi wa'ol. Ea' mehip etin esimbel maloma embel kolo'alam mawisi.

Aposel 22:16

Dei' maina ine' ata' nape nehafana etin? Ine' hafel nefalona nosa'opena nokwahomena waf aonai ine' nanda'anai ma nefa' baptais!’

1 Korin 6:11

Fowa' enipa panda' waf anama. Ea' dei' God nasa'opepa nosahe'epa ea' Ananipei etipa si'ipa. God nanda'epa pataga epes bu'upei ma naep Ananimi. Anan nanda'epa na'ama etina agel Dembinai Jisas Kraisi ma Ambal Bu'unai God ape'inai.

Efesus 5:26

Anan nanda'am na'ama ma sotaga epes Godi etis bo'wes si'i nasa'opas embel sataga bo'wesa basef ananimi.

Hibrui 10:22

Amama atom dei' ape' mofe' felefele'ma Goda waf anama. Ape' mokwaha waf hianai baso'mainai ma opalef ape'imi ea' mombale'efana endilisi. Ukup mopoma Krais atona, Anan nakolo' esimbel Ananimi nasa'opa opalef ape'imi mataga bo'om. Basef mape opalef nomoni ina ma'iam ma'ipapa basef mihi'ambapa waf aonai ape' manda'anai, owa'. Ea' ape' ukup mopoma Anan nasa'opa alop ape'inai embel galagami.

1 Jon 1:7

Anan nafifili afitinai. I'i mope mififil si'i anan waf aonai a'apa, ea' mope ukup etifim moloma sahin owan hiesi. Jisas Nogalomana Godi. Ea' esimbel ananimi masa'opa waf aonai ape' manda'anai hianai hi'alana mataga bo'opa.

1 Jon 5:6

Jisas Krais ma'una aman anama nafi'i. Ea' Anan nefa' baptais embel sahana naga' esimbel Ananimi malo. Anan ina nafi'i ma waf nefa' baptaisa embel atom, owa'. Anan nafi'i ma waf sahana naga' esimbel ananimi malo. Ambal Bu'unai Godi ofagonama waf endilisinai hi'alana. Ea' Ambal anama nawalipasa basef amama ma Krais endilisimi.

Revelesen 7:14

Ea' agwamana basef a'i, “Dembinai ae'inai, ine' etina negawas.” Ea' Anan na'ipi na'i, “Epes isima fowa' sape etap sofa' nimanimi lu'wami ma lagof esis naumbih. Esis sasa'opa luwaguf asasimi ma esimbel sipsip anama noganai, dei' mataga afitim.