Jon Nandaꞌafi 13:3 - Basef Buꞌwami Godi

³ Ea' Jisas nogawa Ahalomana nanda' anan la'ifina ma numafi amamaga hiami. Ea' nogawa anan nape naloma God nafi'i ea' nambimb notanima nefe'mana wapoti'.

Jon Nandaꞌafi 13:3 Iomraidhean Croise

Matyu Nandaꞌafi 11:27

Ahalome ae'anai nanda' amamaga hiami hi'alam mape lagel ae'anai. Ina enin epen negawa ae' Nogalomana Godi, owa'etin. Anan atona nogawe. Ea' owa' enin epen negawa Ahalome, owa'etin. Ae' Nogalomana ananiwei atowe egawana. Ea' emi egafis ihi'ambasa Ahalomei, isima wapoti' esis etis sogawana.

Matyu Nandaꞌafi 28:18

Ea' Jisas nafi'i felefele'ma amam na'ipam na'i, “God nase'eana agel lu'unai ma pepel ilifanai etapanai ea'.

Luk Nandaꞌafi 10:22

Ahalome ae'anai nanda' amamaga hiami hi'alam mape lagel ae'anai. Ina enin epen negawa ae' Nogalomana Godi, owa'etin. Anan atona nogawe. Ea' owa' enin epen negawa Ahalome, owa'. Ae' Nogalomana ananiwei atowe egawana. Ea' emi egafis ihi'ambasa Ahalomei, isima wapoti' esis etis sogawana.”

Jon Nandaꞌafi 1:18

Owa' anona epen nieti Gode. Owa'etin. Nogalomana anama Godi atotona natolona. Anan na'ama etin si'i God. Anan nape felefele' endilisi naloma Ahalomana ea' nawalapa basef ofagema ma ape' nihi'ambapa God.

Jon Nandaꞌafi 13:1

Nemaf anama lu'unai esis Juda sa' gwa'aimi amama Pasova owa' ata' notagai. Jisas nogawa nogota ananinai nataga ea' ma nokwaha etap anae' nefe'ma Ahalomana. Ea' okom ananinai nainaila epes ananisi sape etapi endilisi. Na'ama dei' nihi'ambasa okom ananinai lu'unai nainailas.

Jon Nandaꞌafi 17:2

Dei' main? Ine' nendandepe ea' ma ape Dembiwei ali'ma epes hiesi ese'as ambal namunai epes isima hiesi ine' nasi'iesi. Ambal anama nenda' esis sope andeande' la'ela'ef hihif.

Jon Nandaꞌafi 3:13

Ina enin epen etapani nealata gani heven, owa'. Ae' atowe. Ae' ataga epen endilisiwei ea' ae' atowe akwaha heven isila'i, ae' ma'uwi.

Jon Nandaꞌafi 3:35

Ahalomana God okom nainaila Nogalomana ea' nase'ana amamaga hiami ma lagof ananimi.

Jon Nandaꞌafi 7:29

Ea' ae' egawana. Dei' main, fowa' ae' alomana wape etifigin ea' anan nasapa'e afi'i.”

Jon Nandaꞌafi 7:33

Ea' Jisas na'ipas na'i, “Ae' ata' elomepa epe nogota bandana ea' etanima efe'ma Anan nasapa'e afi'i.

Jon Nandaꞌafi 8:14

Ea' Jisas nagwamama basef na'i, “Ae' a'ipasa basefa ae'. Ea' dei' basef amama ae'ami endilisimi atom. Dei' main, ae' egawa ae' ataga afi'ima ea' egawa anama anona nemaf eafe'ma. Ea' ipe' ina pegawa anama ae' ataga afi'ima, o anona nemaf eafe'ma, owa'.

Jon Nandaꞌafi 8:42

Ea' Jisas na'ipas na'i, “I'i God ahalomepa ipe'inai, ukup ipe'imi mimila ae'. Ina ae' atowe ela okom afi'i, owa'etin. Ahalome nasapa'e afi'i ape na'ae.

Aposel 2:36

Ea' dei' Pita na'iam na'ama na'i, “Dei' ape' Israel mogawa isima andeande'. Aman anama Jisas ipe' paundana lawag usi'inai tu'wanainai pahana naga', dei' God nanda'ana nataga nape dembinai anan Krais, God nandandepana nasapa'ana nafi'i.”

1 Korin 15:27

Dei' main, fowa' God na'iam na'ama na'i, “Anona nemaf ae' enda' amamaga hiami moloma epes hiesi wapoti' sefe' owina Anan.” Basef amama ma'i God nanda' amamaga hiami mefe' owina Krais atona. Ea' mogawa basef amama ma'i amamaga hiami amama ina ma'i God, owa'. Anan nanda' amamaga amama hiami mape owina Krais.

Hibrui 1:2

Ea' dei' nogota anae' si'i nogota anama anona nemaf nigi' neatagai endilisi, nawalapa basef na'ipapa malogel Nogalomana Ananinai. God nandandepana ma nemaf akutainai Anan nope Dembinaima amamaga hiami ma etap anae' moloma esis amam nematawa wapoti'. Anan atona nofa'am numafiam. Fowa' gani God na'i Nogalomana Ananinai nanda' amamaga hiami ambagof mapaimi maloma ambagof a'ami mape ilif etapi hi'alam mataga mape.