Jon Nandaꞌafi 13:1 - Basef Buꞌwami Godi

¹ Nemaf anama lu'unai esis Juda sa' gwa'aimi amama Pasova owa' ata' notagai. Jisas nogawa nogota ananinai nataga ea' ma nokwaha etap anae' nefe'ma Ahalomana. Ea' okom ananinai nainaila epes ananisi sape etapi endilisi. Na'ama dei' nihi'ambasa okom ananinai lu'unai nainailas.

Jon Nandaꞌafi 13:1 Iomraidhean Croise

Matyu Nandaꞌafi 26:45

Ea' notanima nafi'mai amam mapoma na'ipam na'i, “Ipe' ata' papoma noma'w pa'oh etin? Peme'! Nogota ae'anai nataga. Dei' nemaf anae' anona aman aonai nifi'i nulumai anom amam awami mufi'i mowa' Ae' ataga epen endilisiwei.

Matyu Nandaꞌafi 28:20

Ea' piwalipasa sila basef bu'wami hiami ae'ami fowa' awalipipami ma basef la'ifimi. Endilisi ae' ape alomepa ma nimeguf hiami danda, pefe' pefe' ma nemaf akutainai nogota hi'ilana.”

Luk Nandaꞌafi 22:53

Nimeguf hiami la'ela'ef ae' ape alomepa ipat lu'unai Godi awalapa basef bu'wami ma esis amam nematawa hiesi, ea' ipe' owa' peambale'e. Ea' dei' nogota anae' nemaf ipe'inai. Dei' waf anama owambunai a' nikila' ae'.”

Luk Nandaꞌafi 9:51

Nogota God na'i nofa' Jisas nolata heven nafi'i felefele', ea' Jisas okom la'ifim na'i nefe' Jerusalem.

Jon Nandaꞌafi 11:55

Ina nogota laona ma esis Juda seagwa' gwa'aimi lu'wami sa'i Pasova, owa'. Ea' esis Juda hiesi sakwaha wambel asasinai safe' Jerusalem atogon. Safe'ma siela basef Godi fowa'imi sosa'of sotofa alogwa sondondomba alop asasinai ma God nieti esis bo'wes andeande' ma seagwa' gwa'aimi amama.

Jon Nandaꞌafi 12:23

Ea' Jisas nagwamama basef na'ipam na'i, “Ae' ataga epen endilisiwei afi'i. Nogota anama nataga ea' God nihi'amba epes hiesi ma nafifili pepel ae'anai.

Jon Nandaꞌafi 13:29

Judas numafi otamba afa'imi. Na'ama anom alupumi Jisasi ukup ma'i Jisas na'ipana ma nefe' notala anom gwa'aimi ma nonda' gwa'aimi amama o na'ipana na'i nose'asa otamba isima kwahusi.

Jon Nandaꞌafi 13:3

Ea' Jisas nogawa Ahalomana nanda' anan la'ifina ma numafi amamaga hiami. Ea' nogawa anan nape naloma God nafi'i ea' nambimb notanima nefe'mana wapoti'.

Jon Nandaꞌafi 13:34

Dei' ase'epa mi'uli ae'anai dambainai ma ipe' ukup ipe'imi mimila ipe' atona etin si'i okom ae'anai nainailipa. Ea' na'ama etin, ukup ipe'imi mimila ipe' atona etin.

Jon Nandaꞌafi 14:28

Ipe' pame'am ea' basef amama do'ok a'ipipami. Ae' ikwahipa efe'. Nambimb itanimamipei ifi'i. I'i ipe' ukup mila Ae' endilisi, ipe' pendanifel ma Ae' efe'ma Ahalome. Dei' main? Ahalome Anan dembinai nikila' Ae'.

Jon Nandaꞌafi 14:31

Ea' ae' a'i esis amam nematawa saila waf etapanai sogawa ae' okom nainaila Ahalome endilisi. Na'ama dei' anda'am na'ama etin si'i anan na'ipi. Ea' dei' afa' ofe'.

Jon Nandaꞌafi 16:28

Fowa' gani ae' ape aloma Ahalome ea' akwahona afi'i etap anae'. Dei' ae' a'i ekwaha etap anae' etanima efe'ma anan.”

Jon Nandaꞌafi 17:1

Jisas na'i basef na'ama ma ea', naniga nati heven ilif nanda' beten na'i, “Ahalome, nogota nataga ea'. Dei' ine' nese'e agel lu'unai ae' nogalomena ine'iwei, ma atuwasi la'ifiwi ma efela agel ine'inai lu'una.

Jon Nandaꞌafi 17:16

Esis ina saila waf etapanai si'i ae' wapoti' ina etap anae'wei, owa'.

Jon Nandaꞌafi 17:26

Ae' awalapa agel ine'inai ea' ma esis. Ea' ae' ewalapana etin la'ela'ef hihif. Ama esis sofa' waf anama ukup maimaila epes hiesi si'i ine' okom nainaila ae' ma ae' epe nomona esis.”

Jon Nandaꞌafi 17:5

Ahalome, fowa' etap anae' owa' ata' notagai ae' ape alomena efa' agel lu'unai. Dei' ine' nese'e agel anama lu'unai si'i fowa'.

Jon Nandaꞌafi 18:4

Ea' Jisas nogawa amamaga hiami atuwasi meatagamanai. Ea' nafe' nahali'am na'i, “Ipe' pagolopa emi?”

Jon Nandaꞌafi 19:28

Ea' Jisas nogawa maol hianai ananinai ahi'alana, ea' okom na'i anom basef mape Buk Baibel motaga mondawalap. Ea' na'i, “Ae' eap nase'e ma embel.” Anan na'iam na'ama naila basef amama Baibelimi.

Jon Nandaꞌafi 2:13

Nemaf anama sea' gwa'aimi lu'wami Pasova felefele'ma neataga, Jisas nondowasa' Jerusalem.

Jon Nandaꞌafi 7:30

Esis same' basef amama ananimi, opalef aoma anan sa'i sefa'ana sonda'mana basef. Owa'etin. Dei' main, nemaf anama ananinai ina dei' nataga, ata' owa'.

Jon Nandaꞌafi 7:6

Ea' Jisas na'ipam na'i, “Nimeguf hiami ipe'imi atom, ea' nemaf ae'anai dahandahama ina dei' nataga, ata' owa'. Nogota ae'anai neataga ae' efe' Jerusalem.

Jon Nandaꞌafi 8:20

Ea' Jisas ata' nawalapa basef anama nomon ipat lu'unai Godi sanda' lotuwanai ma rum sambe' otamba moni sanda' ofa anai na'oma. Ea' ina anona aman nafe' nombalo'ana nofa'ana ma neanda' basef, owa'. Dei' main, nogota ananinai ata' owa' neataga.

Basef Amama Pol Nandaꞌam Mafeꞌma Esis Romi 8:37

Ea' amamaga amama hapaimi. Krais anan okom nainailapa endilisi ea' la'ela'ef nanda'apa la'ifipa mikila' amamaga amama endilisi.

1 Korin 1:8

Jisas Krais nambimb nonda'epa ma pepe la'ifipa la'ela'ef pefe' petagama nemaf akutainai. Nemaf anama Dembinai ape'inai Jisas Krais niefi'ianai ipe' basef ofagema a'epa nemaf anama.

Hibrui 3:14

Ape' fowa' mali' mombale'efana, ea' dei' mombale'efana la'ifipa la'ela'ef, mefe' motagama moga'. I'i ape' monda'am na'ama la'ela'ef, ape' amam nematawa endilisi Kraisi, mape la'ifipa malomana.

Hibrui 3:6

Ea' Krais nape nogalomana Godi naila basef endilisi nanda' maol andeande' ma nape Dembinai numafi epes wambota Godi. I'i la'ela'ef ape' mombale'efana la'ifipa mogawa anona nemaf Krais niefi'i nofa'apa mefe' heven mope andeande', ape' mape wambota Ananinai.

Hibrui 6:11

Ae' okom na'i ipe' hipei atona etin ukup ma'i penda' waf bu'unai pigiambama epes Godi pefe' pefe' petagama nemaf anama Krais niefi'ianai. Penda'am na'ama ma pegawa endilisi anona nemaf Anan nefa'epa pitanimani.

1 Pita 1:13

Ea' dei' ipe' pendondomba ukup ipe'imi ma penda' maol bu'unai, pimafi alop noloma ukup ipe'imi pepe andeande'. Ea' pembale'efa God pepe ukup bo'om pehafa Jisas Krais anona nemaf notaga nondawalap alihinama nigiambamepa na'a nofa'epa petanimani.

1 Jon 4:19

God nali' okom nainailapa endilisi. Amama atom dei' ape' ukup maimaila anan naloma epes hiesi wapoti'.