Jon Nandaꞌafi 12:5 - Basef Buꞌwami Godi

⁵ Ea' Judas na'ipas na'i, “I'i afa' ofa' sanda amama enis epes sose'afa moni 300 kina sotalom ofa'ana oso' epes isima kwahusa gwa'aimi maim, wila. Owa'etin.”

Jon Nandaꞌafi 12:5 Iomraidhean Croise

Matyu Nandaꞌafi 18:28

Ea' aman anama nawisi ande' nati anona amam atom manda' maol etini, anan nowaola wiafa moni kwawie'in si'i 10 kina. Ea' nombalo' aman anama nowa'ana sisihina bini'w anani'wi na'ipana na'i, ‘Ine' negwame wiaf ine'inai hi'ilana!’

Matyu Nandaꞌafi 20:2

Anan nafe' na'i naloma anom manda' maoli ea' nalomam ukup etifima otamba atuwasi meafa'ami, mofa' wan kina atona etina nemaf anama. Ea' nasapa'am mafe' manda' maol aof ananinai.

Luk Nandaꞌafi 12:33

Ipe' pese'asa amamaga hiami ipe'imi ma enis epes sotalomepam, ea' pefa' otamba pewalogam pese' isima kwahusi pigiambamas. Ipe' penda' maol pegolopa paos otambaimi anona nemaf owa' motaga aom. Ipe' pekolasa otamba wiga maim amamaga bu'wami atom heven ilif nemaf owa' hegilialami. Anama sakowalefi ina suwis sokowalopam, owa'. Sopafowa maim owa' meatotopa'am hiahaom, owa'.

Luk Nandaꞌafi 18:22

Ea' Jisas name' basef amama na'ipana na'i, “Ine' anona waf bu'unai atotona ata' owa' neanda'ana. Ine' fo'o nese'asa amamaga ine'imi hiami enis epes sotaluma ine' nefa' moni anama nenda'ana neso' isima kwahusi. Nenda'am na'ama ma anona nemaf nefa' amamaga bu'wami gani heven ilif. Ea' nifi'i nembale'efe ae' nila ae'.”

Luk Nandaꞌafi 6:41

Dei' maina ipe' pati usan sa'unai nape naep sahin owan ipe'isi, ea' ipe' owa' pegawa hapataf lu'unai nape naep ipe'imi?

Jon Nandaꞌafi 12:4

Ea' anona alupunai Jisasi Judas Kariotinai kowalana ma sanda amama nandaiwa'ma kwakolo'wam kwasapalom. Aman anama nambimb neawalapa Jisas ni'ipa amam naumbih ma meahana.

Jon Nandaꞌafi 12:6

Ea' Judas okom ananinai ina na'i nigiambama isima kwahuwisi, owa'. Anan na'iam na'ama ma nonda' wal nofa' otamba amama. Dei' main, anan numafi bek anama Jisas naloma alupumi ananimi maolo' otamba amamimi matolo'ma. Ea' hihif Judas nakoalopam otamba amama.

Jon Nandaꞌafi 13:29

Judas numafi otamba afa'imi. Na'ama anom alupumi Jisasi ukup ma'i Jisas na'ipana ma nefe' notala anom gwa'aimi ma nonda' gwa'aimi amama o na'ipana na'i nose'asa otamba isima kwahusi.

Jon Nandaꞌafi 6:7

Ea' Filip nagwamana basef na'i, “I'i afa' otala bret 200 kina, ina atuwasi dondo'ma epes isima hiesi sea'ana, owa'.”