Jon Nandaꞌafi 10:4 - Basef Buꞌwami Godi

⁴ Nao'wa sipsip ananimi hiami mawisi ande' hi'alam ea' nali' nafe', amam magi'mana mafe'. Dei' main? Amam mogawa maf ananinai.

Jon Nandaꞌafi 10:4 Iomraidhean Croise

Matyu Nandaꞌafi 16:24

Dei' Jisas na'ipa alupumi ananimi na'i, “Ae' efa' nimanimi anda' maol Godi sehe ega' lawag usi'inai tu'wanainai. I'i emi egafis si'i sila ae', esis senda'am na'ama etin si'i ae' ma sieili. Ea' sehagofa ukup asasimi ma maina maol esis sa'i senda'anai.

Jon Nandaꞌafi 10:16

Ae' anom sipsip maitu anagon. Amam ina maitu nomon endalelemb amama, owa'. Amam maitu endalelemb anagon. Ae' okom na'iam endilisi anona nemaf efa'am mifi'i mome' maf ae'anai ekolasom mitu endalelemb etifigin ea' ae' atowe imafiam.

Jon Nandaꞌafi 10:27

Sipsip ae'ami mame' maf ae'anai ea' egawa amam ea' amam maila ae'.

Jon Nandaꞌafi 10:3

Aman numafi utai nawisi'amana uta ma numafi sipsip. Amam sipsip mame' malogel ananinai. Anan nofala agofa sipsip ananimi, ea' nao'wam mawisi ande'.

Jon Nandaꞌafi 10:5

Ea' sipsip ina magi'ma anona epen, owa'. Na'ama mondafa'mana mofa' mefe' atona etin. Dei' main? Amam ina mogawa maf ananinai, owa'.”

Jon Nandaꞌafi 10:8

Amam fowa' mumafi sipsipi, amam hiami manda' wali ea' sipsip ina mame' maguf amamumi, owa'.

Jon Nandaꞌafi 12:26

Emi egafis si'i sonda' opeh ae'ami, esis sila ae'. Mamagoma ae' eapoma, isima sanda' opeh ae'ami esis sope soloma ae'. Ea' emi egafis sonda' opeh ae'ami, Ahalome ae'anai nambimb nefela agof asasimi motaga lu'um.”

Jon Nandaꞌafi 13:15

Ae' ea' ihi'ambepa waf anama ae'anai. Ipe' penda'am na'ama etin si'i ae' anda'am.

Jon Nandaꞌafi 18:37

Ea' Pailat na'i, “Na'ama ine' enina king dembinai?” Ea' Jisas nagwamana basef na'i, “Ine' na'i ae' anowe dembiwei king. Basef amama endilisimi. Mama'we kolae ma epe king dembiwei. Ae' afi'i etap anae' ma iwalipasa basef endilisimi. Emi egafis sonda' waf endilisinai, esis seme' basef ae'ami.”

Jon Nandaꞌafi 3:29

I'i anona aman nese' ano'w nemata'w, nemata'w akwama ea' anani'wi nase'akwi. Ea' alupunai aman anama nendanifela naitu name' basefa aman anama dei' nase'akwi nafi'i. Dei' na'ama etina ae' andanifel endilisi ma okom ae'anai, andanifela Dembinai Jisas.

1 Korin 11:1

Ipe' okokoma waf ae'anai pila ae' si'i ae' okokoma waf Kraisi ailana.

Efesus 5:1

Ipe' pila waf God nanda'anai. Anan okom nainailipa pape si'i awasi ananipei.

Hibrui 12:2

Naep ape'imi miti Jisas atona anan ofagonama bale'ef ape'inai, nowataniana netaga andeande'ma mombale'efana la'ifipa la'ela'ef mope. Fowa' Anan okom napoma danifela anona nemaf na'i nofa'anai, dei' naitu la'ifina. Ea' nefa' lawag usi'inai tu'wanainai naga'. Anan okom napoma nambimb nofa' nimanimi lu'wami noga' lawag anama, amama falafumi atom. Anan ina umbamahana ma ga' anama, owa'. Ea' dei' nape felefele'ma sia bu'unai Godi lagel da'isinai.

Hibrui 6:20

Anama ipat Godi lu'unai sanda' lotuwanai natawa heveni Jisas nali'apa nafe' nawis ipat anama nomon ma nagiambamapa. Anan nataga pris dembinai nape nali' ma pris hiami dei' nape la'ela'ef hihif na'ama etin si'i Melkisedek.

1 Pita 2:21

God nofalai ipe' ma pila waf anama pefa' nimanimi ma waf bu'unai ipe' panda'anai. Dei' main, Krais atona name' nimanimi ma nagiambamapa. Ea' nihi'ambepa waf anama bu'unai ananinai ma pilana.

1 Pita 4:1

Krais nofa' nimanimi alop ananinai ea' ipe' wapoti' ukup motaga la'ifim na'ama etin si'i Anan. Dei' main, emi egafis ipe'isi sefa' nimanimi ma alop asasinai, esis sakwaha waf aonai.

1 Pita 5:3

Ipe' owa' pepe si'i epes sofa' agof lu'wami ma pepe dembipei pi'ipas basef la'ifimi esis amam nematawa isima Godi ipe' pimafiasi, owa'. Ipe' pepe andeande'ma esis sitilipa sila waf ipe' panda'anai.