Jon Nandaꞌafi 10:3 - Basef Buꞌwami Godi

³ Aman numafi utai nawisi'amana uta ma numafi sipsip. Amam sipsip mame' malogel ananinai. Anan nofala agofa sipsip ananimi, ea' nao'wam mawisi ande'.

Jon Nandaꞌafi 10:3 Iomraidhean Croise

Jon Nandaꞌafi 10:14

Ae' aman bu'uwei imafi sipsip andeande'i. Ae' egawa sipsip ae'ami ea' sipsip mogawa ae'.

Jon Nandaꞌafi 10:16

Ae' anom sipsip maitu anagon. Amam ina maitu nomon endalelemb amama, owa'. Amam maitu endalelemb anagon. Ae' okom na'iam endilisi anona nemaf efa'am mifi'i mome' maf ae'anai ekolasom mitu endalelemb etifigin ea' ae' atowe imafiam.

Jon Nandaꞌafi 10:4

Nao'wa sipsip ananimi hiami mawisi ande' hi'alam ea' nali' nafe', amam magi'mana mafe'. Dei' main? Amam mogawa maf ananinai.

Jon Nandaꞌafi 10:9

Ae' si'i uta. Emi egafis siwisi ae' nomon, God nefa'as seatanimani. Esis suwis suwisi sea' gwa'aimi bu'wami.

Jon Nandaꞌafi 6:37

Emi egafis Ahalome nase'eas ae'i, isima nambimb sifi'mai ae'. Emi egafis si'i seafi'mai ae'i, ae' ina anona nemaf egalo'mas, owa'etin endilisi.

Jon Nandaꞌafi 6:45

Basef anona profet na'iami mape buk Baibeli ma'i na'ama ma'i, ‘God anona nemaf nuwalipas amam nematawa hiesi.’ Ea' ae' a'ipipa, amam nematawa emi egafis seme' basefa Ahalome ae'anai ma seagawa anan, esis sifi'mai ae'.

Basef Amama Pol Nandaꞌam Mafeꞌma Esis Romi 8:30

Epes isima fowa' nosahe'as ea', Anan nofalas wapoti'. Ea' isima nofalas ea'i, Anan na'i esis epes bu'wasi ananisi etis ma naep Ananimi ea' nase'as pepel nafifili ananinai ma anona nemaf seandati si'i Anan.

1 Korin 16:9

Dei' main, God nausi'ame eaf nagal alihina ma enda' maol bu'unai eloma amam nematawa hiesi samboma opalef sembale'efa God endilisi. Ea' hiesi sandaiwa'ma sonda' maol anama.

Filipai 4:3

Ea' dei' ahali' ine' aman alupinai endilisi nanda' opeh Godi andeande', a'ipinago nigiambamago nematawa awama biawa. Awau la'ela'ef wandao'oma walome wanda' opeh la'ifiwa wawalipasa basef bu'wami Godi. Ea' Klemen naloma enis epes ae'asi wanda' opeh atom Godi, esis wapoti' sanda' opeh salomafa. Agof asasimi mape nomona buk ambal namunainai agof epes sope andeande' la'ela'ef mailanai.

Kolosi 4:3

Ipe' penda' beten pihali' Goda nagiambamafa wapoti' na'ama. Anan nusi'amafa uta afa' ma owalapa basef Ananimi. Ama awalapa basef amama Krais fowa' mape mandambahi'i. Amama atom dei' ae' ape kalabus.

2 Timoti 2:19

Ea' dei' God nawa anona olaf la'ifinai dei' notawa. Olaf anama anom amef mailana ma'i na'ama ma'i, “Dembinai nogawa andeande'ma epes isima Ananisi.” Ea' anom wapoti' ma'i, “Emi egafis sa'i agel Dembinai, sokwaha waf aonai.”

1 Pita 1:12

Ea' God nihi'ambamam ea' amam ina manda' maol magiambama amam atoma basef amama, owa'. Manda' maol magiambama ipe', ma'i basef amama ma amamaga bu'wami anona nemaf meatagai. Ea' dei' amam mawalipipa basef bu'wami Godi ma'ipipa amamaga amama atom. Ma'ipipa ma pepel Ambal Bu'unai Ananinai nisila'i otaga ilif. Amam profet amama, ina amam atom ukup ma'i basef amama mogawam, owa'. Amam ensel wapoti' ma'i mogawam.

1 Jon 4:6

Ea' ape' epes Godi. Emi egafis sogawa God, esis seme' basef ape'imi. Ea' emi egafis owa' epes Godi, isima ina same' basef ape'imi, owa'. Ea' amama atom dei' ikwaf anama nihi'ambapa ma mogawa epes isima. I'i Ambal Bu'unai Godi endilisinai nupais, seme' basef ape'imi. Ea' i'i ambal nambaso'mami nupais, ina seme' ape', owa'.

3 Jon 1:14

Ae' okom ma'i anona nemaf efo'o itilina, ea' afa' biafa ondatima wi'i basef amama.

Revelesen 20:15

I'i Anan natoma balata kingi owa' nieti agel anin epeni nope buk anama, nefelen nokwahin newala hul anama nif amama fandumi mapeinai.

Revelesen 3:20

Ipe' peme', Ae' aha uta aitu. Emi egafis seme' malogel Ae'anai ma susi' uta, Ae' iwis nomon epe elomas ope atogon wea' gwa'aimi.

Revelesen 7:17

Dei' main, sipsip noganai naitu felefele' endilisi ma balata kingi, anan nope numafias. Anan no'was safe'ma embel amama mataga anona ifata ma sofa' embel amama ambal namunai napaimi. Ea' God anona nemaf nupati'amasa embif hiami naep asasimi ma esis ina ata' selef wapoti', owa'.”