Jon Nandaꞌafi 10:16 - Basef Buꞌwami Godi

¹⁶ Ae' anom sipsip maitu anagon. Amam ina maitu nomon endalelemb amama, owa'. Amam maitu endalelemb anagon. Ae' okom na'iam endilisi anona nemaf efa'am mifi'i mome' maf ae'anai ekolasom mitu endalelemb etifigin ea' ae' atowe imafiam.

Jon Nandaꞌafi 10:16 Iomraidhean Croise

Matyu Nandaꞌafi 17:5

Anan ata' na'i etin, anom elagw afitimi mafifil endilisi mafi'i mili'akwa amam. Ea' anona malogel na'i natagai elagw amama na'i basef na'i, “Anan nogalome ae'anai, ae' okom nainailana endilisi ea' ae' okom nohafel naila waf ananinai. Ipe' peme' basef ananimi.”

Luk Nandaꞌafi 15:8

I'i ano'w nemata'w anona moni 10-peleina siliwa anona atotona higililana, atuwasi konda' maina kogolopana kwutolona? Akwa'w kwakata lam kombefagon ipat nomon kogolopana andeande' hi'alagon kofe' kofe' ma kwatolona.

Jon Nandaꞌafi 10:11

Ae' aman bu'uwei imafi sipsipi, a'i a'e ma eaga' ma iegiambama sipsip imafiam.

Jon Nandaꞌafi 10:2

Epen anama bu'unai nawisi utai, anan numafi sipsipi.

Jon Nandaꞌafi 10:27

Sipsip ae'ami mame' maf ae'anai ea' egawa amam ea' amam maila ae'.

Jon Nandaꞌafi 10:3

Aman numafi utai nawisi'amana uta ma numafi sipsip. Amam sipsip mame' malogel ananinai. Anan nofala agofa sipsip ananimi, ea' nao'wam mawisi ande'.

Jon Nandaꞌafi 10:4

Nao'wa sipsip ananimi hiami mawisi ande' hi'alam ea' nali' nafe', amam magi'mana mafe'. Dei' main? Amam mogawa maf ananinai.

Jon Nandaꞌafi 10:5

Ea' sipsip ina magi'ma anona epen, owa'. Na'ama mondafa'mana mofa' mefe' atona etin. Dei' main? Amam ina mogawa maf ananinai, owa'.”

Jon Nandaꞌafi 11:52

Kaiafas na'i Jisas ina noga' nigiambama esis Juda etis, owa'. Anan noga' ma nigiambama epes Godi hiesi sape safe' etap hiagomai hi'ilas nefa'as sotanimani, ea' nonda'as sotaga epes hiesi wambota Godi atotona.

Jon Nandaꞌafi 17:20

Ae' ina anda' betena igiambama esis amama atom, owa'etin. Ae' anda' betena agiambama epes isima anona nemaf some' basefa esisa sombale'efa ae'.

Jon Nandaꞌafi 6:37

Emi egafis Ahalome nase'eas ae'i, isima nambimb sifi'mai ae'. Emi egafis si'i seafi'mai ae'i, ae' ina anona nemaf egalo'mas, owa'etin endilisi.

Aposel 15:14

Simeon na'ipapa ma dambadamba God nihi'ambapa nali' nati esis amam nematawa owa' Judaisi uwahipis nofa'ai enis sotanimani sope ananisi.

Aposel 18:10

Dei' main, ae' ape alomena. Amam nematawa hiesi sape taun wambel anama esis ae'asi. Na'ama ina enin epen nehafel nehambombagena, owa'.”

Aposel 22:14

Ea' na'i, ‘God bafapapa ape'imi anan nandandepena ma negawa okom Ananinai ma niti Aman bu'unai. Ama nenda' maol Godi ma neme' basef Ananimi mataga malogel Ananinai.

Basef Amama Pol Nandaꞌam Mafeꞌma Esis Romi 11:25

Alupipei, ae' andaiwa'ma ipe' ukup mohaga mogaola basef amama fowa' mandambahi'i dei' mandawalap alihim. Na'ama ipe' ukup mi'i ma ipe' etipa pi'i, “Ape' mogawa.” Basef amama fowa' mandambahi'i na'ama. Esis Israel opalef asasimi maso'as, ea' ina maso'as la'ela'ef mape, owa'. Mefe' mefe' mondahama nogota anama esis owa' Judaisi hiesi sifi'i sefe'ma God dende' ma ikwaf okom ananinai ma'ianai.

2 Tesalonaika 2:13

Fowa' gani dambadamba God nosahe'epa ma nofa'epa petanimani pambale'efa basef endilisimi. Ama pepel Ambal Bu'unai Ananinai nanda'epa bo'wepa. Ea' la'ela'ef wanifela Goda ipe'. Kristen alupipei, okom Dembinai nainailipa

Hibrui 13:20

God Anan ofagonama okom awanena. Anan nafela Dembinai ape'inai Jisas nohafel hi'agif wapoti'. Esimbel Jisasi malo manda' basef na'i endilisimi atom mape la'ela'ef motaga la'ifim. Esimbel anama atom Jisas nataga Dembinai numafi esis Kristen si'i amam mumafi sipsip.

1 Pita 2:10

Fowa' ipe' ata' pape epes falafipei, ea' dei' pape epes Godi etipa. Fowa' ipe' ina pegawa God nati uwahipipa ma dei' pape andeande', ata' owa'. Ea' dei' pegawa God nati uwahipipa nagiambamepa pape andeande'.

1 Pita 2:25

Esis sahambombaga alop ananinai sanda'ana melegw matomana, amama atom dei' nanda'apa bo'opa wapoti'. Fowa' ipe' pelolama eaf si'i sipsip owa' sumafiami. Ea' dei' ipe' petanima pafi'i ma Dembinai numafi ipe' paloma ambagof ipe'imi andeande' si'i anona numafi sipsipi numafiam andeande'.

1 Pita 5:4

Ama dembinai numafi amam nematawa si'i sipsip Godi notaga nondawalap alihinama ipe', pefa' amamaga bu'wami mope andeande' la'ela'ef, agel lu'unai. Amama ina anona nemaf aom higililam, owa'. Mope la'ela'ef.

Revelesen 3:20

Ipe' peme', Ae' aha uta aitu. Emi egafis seme' malogel Ae'anai ma susi' uta, Ae' iwis nomon epe elomas ope atogon wea' gwa'aimi.