Jon Nandaꞌafi 10:12 - Basef Buꞌwami Godi

¹² I'i anona aman nenda' maola neafa' otamba atomi ma numafi sipsip amamai, anan okom ni'i nofa' otamba atom. Anan ina nambimb numafi sipsip andeande', owa'. Anan ina aman endilisi numafi sipsipi, owa'. Maina nemaf niti nombagw maitu aolupi mufi'i, anan umbamohana nokwaha sipsip atom mitu nofa' nefe'. Ea' nombagw amama muwis moha sipsip mofa' mefe' atona etin.

Jon Nandaꞌafi 10:12 Iomraidhean Croise

Matyu Nandaꞌafi 10:16

Ea' Jisas na'ipam wapoti' na'i, “Ipe' peme', ae' esapa'epa pefe' si'i sipsip pefe' la'afena nombagw wandafumi aolupumi. Na'ama ipe' ukup mondanda' andeande' pefe' pila gawa si'i iguf mafe'. Ea' pila waf bu'unai si'i anona amil ma'unai, ipe' ina ukup mope aoma penda' waf aonai, owa'.

Matyu Nandaꞌafi 7:15

Ipe' pindumafuma andeande'ma amam profet mambaso'mami ma'i mawalipasa basef Godi. Amam mafi'i mambaso'mepa manda' ufunufeni mataga patolom ande' atogon mape bo'om sa'umbilim si'i sipsip. Ea' ukup amamumi nomon aom endilisi ma ipe' ma'i mohambombagepa mohepa si'i nombagw wandafumi. Ea' ipe' ina peme'am, owa'.

Jon Nandaꞌafi 10:13

Aman anama nanda' maola otamba atomi, nambimb niti nombagw amama mufi'i, ea' umbamohana nofa' nefe'. Dei' main, anan nanda' maola otamba atom, ea' nandaiwa' ma numafi sipsip andeande'.

Jon Nandaꞌafi 10:2

Epen anama bu'unai nawisi utai, anan numafi sipsipi.

Jon Nandaꞌafi 10:3

Aman numafi utai nawisi'amana uta ma numafi sipsip. Amam sipsip mame' malogel ananinai. Anan nofala agofa sipsip ananimi, ea' nao'wam mawisi ande'.

Aposel 20:29

Ae' egawa atuwasi ikwahipa efe', nambimb anom amam awami si'i nombagw wandafumi mufi'i motaga la'afena ipe' ea' mohambombaga esis Kristen si'i nombagw maha sipsip.

1 Timoti 3:3

Ina nea' embel laifimi hiami, owa'. Ina okom wandafuna mehip, owa'. Nonda' epes sa'osa'ombemas. Ina nohas etin, owa'. Ina okom ni'ini'i ma otamba.

1 Timoti 3:8

Ea' na'ama etina amam amama magiambama agufumi siosi, amam ukup mope andeande'ma maol amamunai. Amam ina mi'i malogof biam, owa'. Ina mea' embel la'ifimi hiami endilisi mohaga mogaol, owa'. Ea' ina mombaso'mas molomas mofa' otamba enis epesi, owa'.

2 Timoti 4:10

Dei' main, Demas okom na'ina'i waf aonai etapanai ea' nakwahowe nafe' Tesalonaika. Kresens nafe' etap hiagoma Galesia, ea' Taitus nafe' etap hiagoma Dalmesia.

Taitus 1:7

Ine' negawa agufumi mumafi esis Kristeni, amam mumafi opeh Godi. Ea' amam amama fe' pe amamunai andeande'ma anona nemaf esis amam nematawa ina siti anona waf aonai amam manda'anai, owa'. Anona aman ama amam agufumi, anan ina nonda' waf aonai, o okom wandafuna mehip, owa'. Anan ina nea' embel nohaga nogaol nohas etin, owa'. Anan ina okom nohafel ni'ini'i endilisi ma nonda' waf aonai ma nofa' otamba, owa'.

1 Pita 5:2

ipe' pimafi amam nematawa God nasi'ipasi andeande' si'i amam mumafi sipsipi mumafiam. Ipe' ukup mohafel endilisi ma pimafias si'i okom Godi na'i penda'am. Ipe' penda' maol ananinai andeande', ina penda'ana ukup mopoma pefa' otamba atom, owa'. Opalef ipe'imi mohafel endilisi ma penda' maol Godi.

2 Pita 2:3

Amam amama kowalami endilisi, amama atom nambimb monda' basef baso'maimi ukup amamumi atom ma'iami ma mofa' otamba maim ipe'imi. Fowa' gani God nogawa nandandepa anona nemaf mapomam ma nowaloga amam mofe' wambel aonai hel. God nandondomba anom amamaga mohamboga amam endilisi ata' mape la'ela'ef mohafa amam. Ina ma'oh, owa'.