Jon Nandaꞌafi 1:51 - Basef Buꞌwami Godi

⁵¹ Ea' Jisas na'ipam wapoti' na'i, “Ae' a'ipipa endilisi, anona nemaf ipe' piti heven nindowsi' negal ea' amam ensel Godi molata misila'i ae' ataga epen endilisiwei.”

Jon Nandaꞌafi 1:51 Iomraidhean Croise

Matyu Nandaꞌafi 25:31

Nemaf anama ae' ataga epen endilisiwei iefi'i ilumai pepel howalagon ae'anai, ea' amam ensel hiami molome mifi'i. Ama nemaf anama ae' epe etoma balata lu'unai ae'anai ma howalagon mafi'i heveni.

Matyu Nandaꞌafi 26:24

A'e, ataga epen endilisiwei, atuwasi enis epes sehe eaga' si'i Buk Baibel na'iama ae'. Ea' aman anama nowalapa ae' ma naumbih, anan uwahipina endilisi. Nambimb nimanimi awami endilisi motagamana. Fowa' mama'wana owa' ata' kolanai, andeande'. Ama anan ina notagama amamaga nimanimi awami. Owa'etin.”

Matyu Nandaꞌafi 3:16

Jisas nofa' baptais nakwaha embel walemb nandagiai etin, heven nandausi' ma anan, ea' nati Ambal Bu'unai Godi nafi'mai anan, si'i amil mai'una nufia' nisila'manai.

Matyu Nandaꞌafi 4:11

Ea' Satan nakwahona nafe', dei' ensel Godi mafi'i magiambama Jisas mumafiana.

Matyu Nandaꞌafi 8:20

Ea' Jisas nagwamana na'ipana na'i, “Nombagw aolopumi ma'oh mala etap wambel amamunai. Amiguf wapoti' mufia' mafe' ilif mala' alegah mapeih gani ilif, ea' ae' owa'etin. Ae' ataga epen endilisiwei, wambel a'e ma a'oh alo balaga ae'anai.”

Matyu Nandaꞌafi 9:6

Ae' ataga epen endililsiwei a'i ipe' pegawa ae' la'ifiwei ma eakwahomasa waf aonai hianai amam nematawa sape etapi sanda'anai. Na'ama ae' a'i ihi'ambepa ae' la'ifiwei ma enda' amamaga amama.” Ea' na'ipana na'i, “Ine' hafel fela lahis ine'imi fa'am nefe' ipat ine'inai.”

Mak Nandaꞌafi 1:10

Jisas nakwaha embel walemb nandegiai, nati heven uta nandausi' alihina ma Anan, nati Ambal Bu'unai Godi nafi'mai anan si'i amil mai'una nufia' nisila'manai.

Mak Nandaꞌafi 14:62

Ea' Jisas na'i, “Endilisi ae' ma'uwi. Ea' anona nemaf ipe' piti ae' ataga epen endilisiwei epe lagel da'isinai Godi, epe otaga ilif itanimai ifi'i petolowe.”

Luk Nandaꞌafi 2:13

Ensel anama na'ias na'ama ma ea', mehip anom ensel hiami si'i ami misila'i gani heven mataga maloma ensel anama ea' mandagala mafela agel Godi ma'i,

Luk Nandaꞌafi 2:9

Ea' anona ensel nafi'i nalumai howalogon Dembinai, howalama amam ea' umbamaham endilisi.

Luk Nandaꞌafi 22:43

Ea' anona ensel nafi'i heven ilif nase'ana pepel.

Luk Nandaꞌafi 22:69

Ea' dei' anona nemaf wapoti' ae' ataga epen endilisiwei epe wa'ol lagel da'isinai Godi.”

Luk Nandaꞌafi 24:4

Ea' awau ukup matamea mafe'ma amama. Ea' mehip wati anom amam biam mataga felefele'ma awou. Luwaguf amamumi membal endilisi.

Luk Nandaꞌafi 3:21

Jon napisi'a amam nematawa hiesi ma ea', napisi' Jisas wapoti'. Jisas nofa' baptais ea', anan ata' nanda' beten etin ea', heven uta nandausi'.

Jon Nandaꞌafi 1:50

Ea' Jisas nagwa basef na'i, “Do'ok ae' atilina nape lawag ofagena fik. Amama atom dei' ine' nombale'efa ae'. Endilisi, anona nemaf ine' niti anom amamaga la'ifimi mikila' amama.”

Jon Nandaꞌafi 10:1

Ea' Jisas na'i, “Endilisi ae' a'ipipa, emi egafis owa' suwisi uta endalelemb sipsipi ma esis situ siwisi anagon, epes isima sanda' wali.

Jon Nandaꞌafi 10:7

Ea' Jisas na'ipas wapoti' na'i, “Endilisi ae' a'ipipa, ae' si'i uta sipsip miawisanai.

Jon Nandaꞌafi 13:16

Dei' ae' a'ipipa basef endilisimi atom. Emi egafis agof a'asi sanda' opeh etin, esis ina sape ilifa dembinai asasinai, owa'. Ea' anona dembinai nasapa' enin epen nafi'i, inima ina nikila' dembinai anama ananinai, owa'.

Jon Nandaꞌafi 13:38

Ea' Jisas nagwamana basef na'i, “Ine' na'i a'e endilisi ma neaga' ma niegiambama ae' a' amon? Ae' a'ipina endilisi, dei' owamb anae' awata ata' owa' neanda'am, ine' nembaho' agel ae'anai ni'i wenif ni'i, ‘Ae' owa' egawa Jisase.’ ”

Jon Nandaꞌafi 14:12

Basef endilisimi atom dei' a'ipipa. Emi egafis sembale'efa ae'i, opeh hiami dei' anda'ami, esis wapoti' anona nemaf esis sonda'am. Ama anona nemaf sonda' opeh lu'wami endilisi mikila' opeh ae'ami. Dei' main? Ae' efe'ma Ahalome.

Jon Nandaꞌafi 16:20

Endilisi ae' a'ipipa. Nambimb ipe' pelef mehip pendahowe. Ea' esis amam nematawa saila waf etapanai sondanifel. Ea' ipe' opalef nimanim. Owa'etin. Opalef ipe'imi nimanim ea' nambimb mondamboma monda'epa pendanifel endilisi.

Jon Nandaꞌafi 16:23

Nemaf anama ipe' ina pihali'i ma anom amamaga atom, owa'. Ea' dei' ae' a'ipipa basef endilisimi ipe'. I'i ipe' pihali' Ahalome ma maim amamaga ma agel ae'anai, nambimb nese'epam.

Jon Nandaꞌafi 21:18

Endilisi ae' a'ipina, fowa' ine' ata' so'uso'win, ine' nowaho' let ea' nafe' mamagoma nomonas ine'imi ma'i neafe'ma. Ea' anona nemaf ine' netagama hagena, ine' nesa'ma lagof ine'imi ma anona aman nowaho'mena let nohapilina nefe' anama ine' nandaiwa'ma neafe'ma.”

Jon Nandaꞌafi 3:3

Ea' Jisas nagwamana basef na'i, “Ae' a'ipina endilisi, emi epen God owa' nendan netaga dambaini, enin ina nambimb niowis wambota Godi numafian, owa'etin.”

Jon Nandaꞌafi 3:5

Ea' Jisas nagwamana na'ipana na'i, “Ae' a'ipina endilisi, i'i Ambal Bu'unai Godi owa' nenda'an dambaina embel, ina nambimb la'ifin niowis wambota Godi, owa'etin. Ea' i'i Ambal Bu'unai Godi nolan dambain, enin wilama niowis wambota Godi.

Jon Nandaꞌafi 5:19

Ea' Jisas nagwamama basef amam na'i, “Ae' a'i endilisi a'ipipa. Ae' nogalomana Godi ae' atowe ina la'ifiwei ma enda' anom amamaga ma okom ae'anai atona, owa'. Ae' anda' amamaga amama ati Ahalome nanda'ami, ea' amama atom. Dei' main, amamaga hiami ahalome nanda'ami, amama ae' Nogalomana wapoti' dei' anda'am.

Jon Nandaꞌafi 5:27

Ae' ataga epen endilisiwei. Na'ama God nase'e agel lu'unai ma eawaloga epesa kot ma basef lu'wami.

Jon Nandaꞌafi 6:26

Ea' Jisas nagwamasa basef na'i, “Ae' a'ipipa endilisi, ipe' ina ukup ma'i pepel ae' anda'anai dei' pafi'i pa'i petolowe, owa'etin. Ipe' ukup mapoma bret atona pagwa'anai ma opalef ipe'imi si'im, amama atom dei' pagolope pafi'i.

Jon Nandaꞌafi 6:32

Ea' Jisas na'ipas na'i, “Endilisi ae' a'ipipa, Moses ina nase'epa gwa'aimi amama mafi'i heveni, owa'. Ahalome ae'anai atona nasi'ipei gwa'aimi amama endilisimi.

Jon Nandaꞌafi 6:47

Ae' a'ipipa basef endilisimi atom. Emi egafis sembale'efa ae', esis dei' sefa' ambal namunai sepe andeande' la'ela'ef hihif.

Jon Nandaꞌafi 6:53

Ea' Jisas na'ipam na'i, “Ae' a'ipipa endilisi, ae' ataga epen endilisiwei. I'i ipe' pindaiwa'ma pea' alop neloma esimbel ae'ami, ipe' ina nambimb pefa' ambal namunai, owa'etin.

Jon Nandaꞌafi 8:34

Ea' Jisas nagwamasa basef na'i, “Endilisi ae' a'ipipa, emi egafis sape sanda' waf aonai, waf anama newa'as sape si'i agof a'asi sape owina enis epes.

Jon Nandaꞌafi 8:51

Ae' a'ipipa basef endilisimi atom. Emi egafis sembale'efa basef ae'ami sielam, esis ina anona nemaf soga', owa'. Sope la'ela'ef hihif.”

Jon Nandaꞌafi 8:58

Ea' Jisas nagwamasa basef na'ipas na'i, “Ae' a'ipipa endilisi, fowa' gani Abraham mama'wana ata' owa' kolanai, ae' ali' ape.”

Aposel 10:11

Nati otaga ilif nandawisi' ea' anom amamaga si'i lowaf lu'unai endilisi misila'i ilif mowalai. Anom amamaga mahapila da'malifinama biefigin biefigin malana nisila'i.

Aposel 7:56

Ea' Stiven na'ipam na'i, “Peme'! Ae' ati heven nandawisi' ea' Dembinai nataga epen endilisinai naitu lagel da'isinai Godi.”

2 Tesalonaika 1:7

Anan na'i notagaha nimanimi amama dei' ipe' pefa'ami ea' notagaha nimanimi afa'imi nonda'apa mopoma noma'w andeande'. Nonda'am nemaf anama Dembinai Jisas nokwaha heven notaga alihina nolomai nif lu'wami moloma ensel amama la'ifimi

2 Tesalonaika 1:9

Epes isima nemaf anama sofa' nimanimi awami na'ama. God nohambombagas la'ela'ef. Ea' sope laogona naep Dembinai, howalagon moloma pepel ananinai

1 Timoti 3:16

Endilisi, basef amama ofagema lu'wami endilisi. Mandambaho' mape mafe' mafe' dei' God nihi'ambafam alihim. Basef amama na'ama. Anan nataga epen endilisinai nofa' alop epesi nataga nandawalap. Ambal Bu'unai Godi nihi'ambapa ma anan aman bu'unai nape andeande'. Amam ensel Godi matolona. Basef ananimi sa'ipasam mafe'ma kantri naninani hianai amam nematawa hiesi sololama Godi sembale'efana. Ea' God nofa'ana nalata heven nape nafifili ananinai.

Hibrui 1:14

Dei' amam ensel emi egafum? Amam ambagof bu'wami Godi. Anan nasapa'am mafi'i ma migiambama epes isima dei' God nofa'as sotanimani ma anona nemaf sofa' pe bu'unai.

Basef Ifimba Jut Nandaꞌafi 1:14

Aman anama Enok fowa' nawalapa basefa amamaga anona nemaf migi' meatagai alihima amam amama manda' waf aonai. Anan nataga nagi'ma wambotagw amama 7-peleim mahafela Adami nawalapa basef amama alihim endilisi ma amam na'i, “Ipe' peme'! Dembinai anona nemaf nifi'i noloma ensel ananimi tausen hiami endilisi

Revelesen 19:11

Ea' ati otaga heven nandawisi' nogal, ati anona hos afitinai nape. Epen natomanai agel ananinai sa'i, “Epen numafi opeh ananimi andeande', nanda' waf endilisinai atona.” Anan naila waf bu'unai atona nowaloga esis amam nematawa ma basef lu'wami ea' nanda' wandafa waf bu'unai atona.

Revelesen 4:1

Amama mataga ea', ati gani heven anona uta nandawisi' nape. Ea' maf anama fowa' ae' ame'anai na'i basef amama si'i anona alof nalef ea' na'i, “Ine' lotowi na'ae ilif ihi'ambena amamaga anona nemaf migi' meatagai.”