Biblia Todo Logo
Bìoball air-loidhne

- Sanasan -




Jon Nandaꞌafi 1:18 - Basef Buꞌwami Godi

18 Owa' anona epen nieti Gode. Owa'etin. Nogalomana anama Godi atotona natolona. Anan na'ama etin si'i God. Anan nape felefele' endilisi naloma Ahalomana ea' nawalapa basef ofagema ma ape' nihi'ambapa God.

Faic an caibideil Dèan lethbhreac




Jon Nandaꞌafi 1:18
41 Iomraidhean Croise  

Ahalome ae'anai nanda' amamaga hiami hi'alam mape lagel ae'anai. Ina enin epen negawa ae' Nogalomana Godi, owa'etin. Anan atona nogawe. Ea' owa' enin epen negawa Ahalome, owa'etin. Ae' Nogalomana ananiwei atowe egawana. Ea' emi egafis ihi'ambasa Ahalomei, isima wapoti' esis etis sogawana.


Ahalome ae'anai nanda' amamaga hiami hi'alam mape lagel ae'anai. Ina enin epen negawa ae' Nogalomana Godi, owa'etin. Anan atona nogawe. Ea' owa' enin epen negawa Ahalome, owa'. Ae' Nogalomana ananiwei atowe egawana. Ea' emi egafis ihi'ambasa Ahalomei, isima wapoti' esis etis sogawana.”


Basef mataga epen ea' anan nape la'afena ape', ea' wati howalagon pepel Ananinai. Howalagon anama pepel Nogalomana atona, Ahalomana nasapa'ana nafi'i. Ape' mati amama nagiambamapa etin nanda'apa la'ifipa ma nihi'ambapa waf endilisinai nape si'ina ma anan.


Fowa' gani Aisaia nati pepel howalogon Jisasi ea' na'iam na'ama ma anan atona.


Ae' alupuwei Jisasi, anan okom nainaila ae'i ape felefele'ma Anan.


Ea' Jisas na'ipana na'i, “Filip, nogota launa ape alomepa, ine' owa' ata' negawa ae'? Emi egafis sati ae', esis sati Ahalome ae'anai wapoti'. Dei' maina ine' ata' na'i, ‘Ae' ihi'ambepa Ahalome ae'anai ipe'?’


Ae' awalapa agel ine'inai ea' ma esis. Ea' ae' ewalapana etin la'ela'ef hihif. Ama esis sofa' waf anama ukup maimaila epes hiesi si'i ine' okom nainaila ae' ma ae' epe nomona esis.”


Ae' awalapa agel ine'inai ea' a'ipa epes isima ine' naso' ae'asi ma etap anae'. Epes isima ine'isi naso' ae'asi. Esis saila basef ine'imi andeande'.


Endilisi ae' a'ipina, afa' wa'i amamaga afa' wagawami, ea' wawalapa amamaga amama watolomi. Ea' ipe' pewa' alafugaha basef amama afa' wawalapami.


Ina enin epen atitin nati Ahalome, owa'. Fowa' ae' ape aloma God afi'i etap anae' ae' atowe atolona.


God baso'omunai ma etap anae' nasopama opalefa epes isima owa' sembale'efa Godi. Ama basef amama bu'wami ofagema ma nafifili Kraisi ina muwis nomona opalef asasimi, owa'. Esis ina sati Krais nandati na'a si'i God, owa'.


Krais anan na'ama etin endilisi si'i God anama ape' owa' meatolonai. Anan nali'i endilisi ma amamaga hiami God nanda'ami mape ilif etapi hi'alam maloma amamaga ambagof mapaimi maloma epes hiesi wapoti'.


Anan dembinai King nape la'ela'ef. Anan owa' neaga'i, epes owa' la'ifisa sotolona. Anan atona God endilisinai. Ae' a'i agel lu'unai pepel nafifili mopoma Anan atona la'ela'ef. Endilisi.


Ea' anan atona owa' neaga'i, nape nafifili lu'unai endilisi. Ea' ape' dei' ina la'ifipama mefe' felefele'ma anan, owa'. Dei' enin epen owa' neatolonai. Owagama wapoti' owa' enin epen la'ifina neati Anan, owa'. Ae' a'i agel ananinai lu'unai noloma pepel Ananinai nopoma Anan atona la'ela'ef. Endilisi.


Ina enin epen nati God, owa'. I'i ape' atepa ukup mimila sahin owan ape'isi, God nope la'ifina ma ape' ea' okom ananinai nainaila ape'i atuwasi nope nolomapa opalef ape'imi nomona monda'am na'ama etin ape' ukup mimila sahin owan ape'isi.


I'i enis epes si'i, “Ape' ukup maimaila God,” ama esis ukup wandafuma Kristen alupusi, epes isima sambaso'mami. Dei' main? Ina enin epen atitin nati God, owa'. Emi egafis sati alupusi asasisi ma owa' ukup mimilas, epes isima ina la'ifisa ukup mila God owa' seatolona naepi, owa'.


God nihi'ambapa anan okom nainailapa na'ama. Anan nasapa' Nogalomana Ananinai atotona nafi'i etap anae' ma ape' mofa' ambal namunai ma Anan.


Ape' mogawa Nogalomana Godi nafi'i ma nose'apa gawa ma mogawa anan God endilisinai. Ape' mape la'ifipa ma Anan endilisinai naloma Nogalomana Ananinai Jisas Krais. God anama endilisinai anan ofagonama ambal namunai napaipa mape andeande' la'ela'ef hihif.


Lean sinn:

Sanasan


Sanasan