Jon Nandaꞌafi 1:11 - Basef Buꞌwami Godi

¹¹ Anan nafi'i nataga ofagama etap hiagoma esis Juda, ea' epes hiesi Ananisi ina sogawana sa'i sofa'ana sembale'efana, owa'etin.

Jon Nandaꞌafi 1:11 Iomraidhean Croise

Matyu Nandaꞌafi 15:24

Ea' Jisas nagwa basef na'ipa'w na'i, “God nasapa' ae' afi'i ma epes sape si'i sipsip higilalapi isima esis Israeli etis.”

Luk Nandaꞌafi 19:14

Ea' esis wambel atona aman anamai ukup aoma anan endilisi. Ea' nafe' sasapa' anom amam magi'mana mafe' ma'i, ‘Ape' mandaiwa'ma ine' nepe king ma ape'.’

Jon Nandaꞌafi 1:10

Fowa' gani anan nanda' etap anae' nataga, dei' nafi'i nape etap anae'. Ea' esis amam nematawa etapasi ina segawana, owa'.

Jon Nandaꞌafi 1:12

Ea' esis emi egafis amam nematawa seambale'efanai, nese'asa esis agofa setaga awasi Godi.

Jon Nandaꞌafi 19:27

Ea' na'ipa ae' alupuwei ananiwei na'i, “Nemata'w akwama mama'wena ine'ikwi.” Nogota anama ae' Jon efa'akw kwafe' ipat ae'anai ma imafia'w la'ela'ef kwape.

Jon Nandaꞌafi 3:32

Anan na'i basef nawalapa amamaga amama hiami natolom negawam ea'i. Ea' ina enin epen neme' basef amama anan na'iami, owa'etin.

Aposel 13:26

Ipe' sahin owan, ipe' epes hiesi pataga wambota Abrahami, enipa owa' Judaipei panda' lotuma Godi, peme'. Dei' basef amama God nasapa'am mafi'mai ape' hiapai. Basef amama ma anan nambimb nofa'apa mokwaha waf aonai motanimani.

Aposel 13:46

Ea' Pol naloma Barnabas ina umbamaham, owa'. Amam la'ifim ma'ipasam alihim ma'i, “Endilisi, afa' ata' wi'ipipa basef Godi ipe' Juda pili'. Ea' ipe' pewa' alafugaha basef amama. Amama ipe' pa'iam pa'i, ‘Ape' mandaiwa'ma mofa' ambal namunai ma mope andeande' la'ela'ef.’ Ipe' pa'i na'ama dei' ipe' peme'. Afa' dei' okwaha ipe' ofe' ugi'ma epes owa' Judaisi wi'ipasa basef amama.

Aposel 21:6

Ea' esis sa'i basef sandanifel salomafa ma mondaso'ama lagof etin ea' sotanima safe' ifagw asasimi, afa' wafe' sip.

Basef Amama Pol Nandaꞌam Mafeꞌma Esis Romi 15:8

Ae' a'ipipa na'ama. Krais nafi'i nataga nanda' maol nape owina nagiambama esis Juda. Anan nanda'am na'ama ma nihi'ambasa God na'i basef endilisimi atom. Basef amama endilisimi atom fowa' na'iam naloma dambami bafasas akupas asasimi mandawalap alihim.

Basef Amama Pol Nandaꞌam Mafeꞌma Esis Romi 9:1

Basef amama ae' a'iemi endilisi, ae' aman Kraisi ea' ina ambase'am, owa'. Ambal Bu'unai Godi nihi'ambe nalome umafi basef mape opaf nomoni mihi'ambe ma'ipi a'i basef endilisimi atom.

Basef Amama Pol Nandaꞌam Mafeꞌma Esis Romi 9:5

Bafapapa akupapa ape'imi dambami mali'i amama ape'imi atom. Ea' esimbel ape'imi atom, Krais nataga epen, anan God nandandepana nasapa'ana nafi'i, nape nali'ma epes saloma amamaga hiami numafiam. Anan God endilisinai ea' mefela agel ananinai la'ela'ef. Endilisi.

Galesia 4:4

Ea' nogota anama God na'ianai nataga, anan nasapa' Nogalomana ananinai nafi'i etap anae'. Ano'w nemata'w kolana nataga epen nape owina mi'uli esis Juda sailanai.