Jon Nandaꞌafi 1:10 - Basef Buꞌwami Godi

¹⁰ Fowa' gani anan nanda' etap anae' nataga, dei' nafi'i nape etap anae'. Ea' esis amam nematawa etapasi ina segawana, owa'.

Jon Nandaꞌafi 1:10 Iomraidhean Croise

Matyu Nandaꞌafi 11:27

Ahalome ae'anai nanda' amamaga hiami hi'alam mape lagel ae'anai. Ina enin epen negawa ae' Nogalomana Godi, owa'etin. Anan atona nogawe. Ea' owa' enin epen negawa Ahalome, owa'etin. Ae' Nogalomana ananiwei atowe egawana. Ea' emi egafis ihi'ambasa Ahalomei, isima wapoti' esis etis sogawana.

Jon Nandaꞌafi 1:11

Anan nafi'i nataga ofagama etap hiagoma esis Juda, ea' epes hiesi Ananisi ina sogawana sa'i sofa'ana sembale'efana, owa'etin.

Jon Nandaꞌafi 1:18

Owa' anona epen nieti Gode. Owa'etin. Nogalomana anama Godi atotona natolona. Anan na'ama etin si'i God. Anan nape felefele' endilisi naloma Ahalomana ea' nawalapa basef ofagema ma ape' nihi'ambapa God.

Jon Nandaꞌafi 1:3

Anan nanda' epes ea' nanda' amamaga hiami. Owa' anom amamaga motaga anona eaf, owa'etin. Epes saloma amamaga matagai hiami anan atona nanda'am mataga.

Jon Nandaꞌafi 1:5

Howalagon anama nanda' owamb howalagon. Ea' owamb ina naofeniagon, owa'.

Jon Nandaꞌafi 17:25

Ahalome bu'unai endilisi, esis amam nematawa saila waf etapanai ina sogawa ine'. Ea' ae' egawa ine'. Ea' esis amama alupisi sogawa ine' nasapa'e afi'i.

Jon Nandaꞌafi 5:17

Ea' Jisas nagwamama basef amam na'i, “Ahalome ae'anai nanda' maol nimeguf hiami nafi'i notambel dei' nemaf anae' Sabat wapoti'. Ea' ae' wapoti' anda' maol si'i anan.”

Aposel 14:17

Ea' anan ina nape nandambahi'i, owa'. Anan nihi'ambapa waf ananinai ma nanda' waf bu'unai ma ape'. Anan napani heven nanda' asaf nalai ma ipe' ea' nanda' amamaga gwa'aimi bu'wami mataga dende' nimeguf amamumi. Ea' nowapoti'mipa gwa'aimi ipe', nanda' opalef ipe'imi mandanifel.”

1 Korin 1:21

Dei' main, God Anan gawainai na'i epes etapasi ina la'ifisa sogawa Anan ma gawa anama asasinai atona, owa'. God nahopa eaf asasinai. Ea' anan okom na'i nofa'ai amam nematawa sombale'efanai sotanimani. Esis sombale'efa basef amama wa'ipasami epes etapasi sa'i wafimi gawa a'ami. Esis sembale'efa basef amama ea' God nefa'as sotanimani.

1 Korin 2:8

Owa' anona aman atotona agilinai ma etap anae' nogawa basefa gawa anama, owa'. I'i amam mogawana, dei' ina maunda Dembinai lawag usi'inai tu'wanainai, owa'. Anan agel lu'unai endilisi.

1 Korin 8:6

ea' hapaimi. God ape' manda' lotumanai atotona nape. Anan God ahalomapa, anan atona ofagonama amamaga hiami. Anan ofagema ape' mape etap anae', manda' maol ananinai atona. Ea' Dembinai atotona nape, anan Jisas Krais. Lagel ananinai atona dei' God nanda' amamaga hiami mataga mape. Krais atona nanda' ape' mataga mape dambaipai.

Kolosi 1:16

God nanda' amamaga amama hiami mape ilif etapi mataga mape lagel nogalomanai atona. Anan atona nanda' amam la'ifimi hiami mape mali'i mape la'afena etap naloma otaga maloma agufumi dembemi maloma amam dembemi ensel maloma amam dembemi la'ifimi mumafi ambagof. Anan nanda' amamaga amama maloma epes hiesi dei' ape' matolomi maloma amamaga amama ape' owa' meatolom naepi. God nanda' amamaga hiami mataga mape ma lagel Nogalomanai atona. Ea' amamaga amama maloma epes hiesi ananimi atom.

Hibrui 11:3

Ape' mombale'efa God, amama atom dei' mogawa Anan nanda' amamaga mape ilif etapi matagama basef Ananimi atom. Ea' ape' mogawa amamaga hiami ape' matulumi, amama God nanda'ama amamaga amama ape' owa' meatoloma naep ape'imi.

1 Jon 3:1

Eh! Ahalomapa God okom nainailapa endilisi. Ea' Anan nofalapa awasi ananipai. Endilisi, ape' awasi ananipai atepa. Isima sandaiwa'ma Godi sape etap anae', esis ina sogawa God, owa'. Amama atom dei' esis ina sagawa ape' wapoti'.