Jems 5:8 - Basef Buꞌwami Godi

⁸ Ipe' wapoti' penda' opalef ipe'imi la'ifim ea' pepe opalef awanem. Dei' main, nemaf Dembinai notanima niefi'ianai felefele' notaga.

Jems 5:8 Iomraidhean Croise

Luk Nandaꞌafi 21:19

Ipe' pepe la'ifipa ma anona nemaf pefa' ambal namunai.

Jon Nandaꞌafi 21:22

Ea' Jisas nagwamana basef Pita na'i, “I'i ae' i'i anan nope ambal nopaina nope nefe' nefe' anama ae' etanimani, amama ina maol ine'inai, owa'. Ine' nila ae'.”

Basef Amama Pol Nandaꞌam Mafeꞌma Esis Romi 8:25

Ea' amamaga ape' ata' owa' meatulumi ape' mogawa endilisi anona nemaf mofa'ami, amama ape' ukup la'ifim mapomam ea' mape mohafam.

Galesia 5:22

Ea' Ambal Bu'unai Godi nawalapai waf bu'unai na'ama. Waf ukup maimaila enis epes, danifel, opalef awanemi, waf nape natilisa sonda'mena waf aonai, waf sati uwahipisanai, waf ukup bo'oma enis epes nigiambamas, nanda' amamaga andeande' ma naep epesi God wapoti',

Filipai 4:5

Penda' waf so'umbilinai ma epes hiesi sitilipa sogawa ipe' paila waf bu'unai anama. Dei' main, Dembinai felefele' niefi'i.

1 Tesalonaika 1:10

Ea' esis sa'i ipe' pape pehafa Nogalomana Ananinai anona nemaf nekwaha heven notanima nifi'i. Anan Jisas, fowa' naga' ea' God nafelona wapoti'. Anona nemaf owagama God okom wandafunai ma emi egafis sanda' waf aonai. Ea' dei' Jisas nagalo'mapa ma okom anama wandafunai.

1 Tesalonaika 2:19

Owagama Dembinai ape'inai nifi'i wapoti', ape' mitu naep Ananimi. Nemaf anama afa' ukup bo'om mopoma main? Ea' ondanifela amamaga maim bu'wami? Owa'etin. Nemaf anama afa' ondanifelama ipe' etipa. Nemaf anama ape' hiapai mefe' mope molomana.

1 Tesalonaika 3:13

Wa'i ipe' penda' waf anama ma God nonda'epa petaga la'ifipa opalef ipe'imi. Ama anona nemaf Dembinai ape'inai netambel nifi'i nulumai esis hiesi sambale'efanai sape andeande' ma ipe' pepe bo'wepa andeande' basef a'epa ma naep Godi ahalomapa ape'inai.

2 Tesalonaika 3:5

Afa' wa'i Dembinai nonda' opalef ipe'imi ma pegawa God okom nainailipa endilisi. Afa' wa'i nemaf anama nimanimi motagamepa, pitu la'ifipa ma pepel Kraisi atona penda' waf bu'unai atona.

Jems 5:3

Moni ipe'inai gol siliwa nowa'w nasagiham aom. Nowa'w anama si'i enin epen ni'ipipa waf aonai ipe' panda'anai nataga nandawalap. Ea' nowa'w anama nonda' alop ipe'inai si'i nif fandumi. Ipe' piwaniam hiahaom otamba maim ma nimeguf akutaimi motaga felefele'ma God nonda'mepa basef.

Jems 5:9

Ipe' ina piti waf sahin owan ipe'si sanda'anai pi'i aona, owa'. Na'ama anona nemaf God nowaloga ipe'. Jas nape felefele'ma uta.

1 Pita 4:7

Nogota amamaga amama ma'i hi'ilamanai nafi'i felefele'. Amama atom ipe' ukup mope andeande' ea' pimafi alop ipe'inai andeande'ma ipe' la'ifipa ma penda' beten.

Revelesen 22:20

Ae' Dembiwei a'i basefa amamaga mail buk anae', Ae' a'i amama endilisimi atom. Ea' dei' a'i, “Endilisi, Ae' anona nemaf ifi'i mehip!” Endilisi, Dembinai Jisas, ine' nifi'i!