Jems 5:7 - Basef Buꞌwami Godi

⁷ Sahin owan ae'ipei, ipe' pitu la'ifipa opalef awanem pehafa nemaf anama Dembinai niefi'ianai. Ipe' ukup mopoma anona aman nafomona aofi. Anan nohafa anona nemaf gwa'aimi bu'wami sotalom otamba hiami notaga. Anan opaf awanena naitu la'ifina nape nohafa nogota laona ma asaf nilai nonda' gwa'aimi hiami motaga aof ananinai.

Jems 5:7 Iomraidhean Croise

Matyu Nandaꞌafi 16:27

Ae' ataga epen endilisiwei, anona nemaf ae' ifi'i elomai amamaga bu'wami pepel nafifili noloma amam ensel ae'ami. Ama nemaf anama, ae' egwamasa amamaga hiami esis amam nematawa hiesi mondahama waf esis sanda'anai hianai.

Matyu Nandaꞌafi 16:28

Ae' a'ipipa endilisi! Enis epes dei' saitu na'ae, esis ina nambimb soga' ulal, ata' owa', siti ae' ataga epen endilisiwei eape si'i dembiwai king iefi'i.”

Matyu Nandaꞌafi 24:27

Ipe' piti otaga holhol pelepele' holala nataga gani aon natefima ea' howalagon nafe' anama hiagoma aon nowalama naso'ma. Ae' ataga epen endilisiwei, nemaf anama ae' etanima iefi'i, enda'am na'ama etin hiesi sotolowe.

Matyu Nandaꞌafi 24:44

Ea' ipe' wapoti' naep motawai pepe. Dei' main? Ae' ataga epen endililsiwei iefi'i anona nemaf ipe' ina pegawa pi'i ifi'i ulal nemaf anama, owa'.

Luk Nandaꞌafi 18:8

Ae' a'ipipa endilisi, nambimb nigiambamas mehip. Ae' ataga epen endilisiwei. Ea' anona nemaf ae' iefi'i, nemaf anama iti amam nematawa etapesi sembale'efa ae', o owa'?”

Luk Nandaꞌafi 21:27

Ae' ataga epen endilisiwei. Nemaf anama siti ae' eloma elagw otaga ilif ifi'i eloma amamaga mafifili bu'wami Godi moloma pepel ananinai.

Luk Nandaꞌafi 8:15

Ea' anom mowa etap bu'unai, si'i enis same' basef bu'wami sembale'am la'ifis. Opalef asasimi bo'om same' basef Godi sailam. Esis sape la'ifis sanda' waf bu'unai la'ela'ef, isima sape si'i olelemb mataga malo mail mola gwa'aimi andeande'i.

Jon Nandaꞌafi 21:22

Ea' Jisas nagwamana basef Pita na'i, “I'i ae' i'i anan nope ambal nopaina nope nefe' nefe' anama ae' etanimani, amama ina maol ine'inai, owa'. Ine' nila ae'.”

Jon Nandaꞌafi 21:23

Ea' basef baso'maimi wafimi amama mafe'ma afa' alupufai Jisasi ma'iam na'ama ma'i, “Aman anama anona nemaf ina noga', owa'.” Ea' Jisas ina na'ipafa basef amama esis sa'iami, owa'. Basef amama kwamaimi. Jisas na'i basef amama atom na'i, “I'i ae' i'i anan nope nefe' nefe' ma nemaf ae' etanimani, amama ina maol ine'inai, owa'.”

Basef Amama Pol Nandaꞌam Mafeꞌma Esis Romi 15:4

Dei' main, basef hiami fowa' amam manda'am mail Baibeli manda'am mawalipa ape'. Basef amama monda'apa motaga la'ifipa mi'i endilisi God nigiambamapa ma mope andeande'.

Basef Amama Pol Nandaꞌam Mafeꞌma Esis Romi 2:7

Enis epes sape la'ifis la'ela'efa waf bu'unai sagolopa eafa sofa' agof lu'wami, siti nafifili ma sope andeande' la'ela'ef. Epes isima God anona nemaf nonda'as sope andeande' la'ela'ef.

1 Korin 1:7

Ea' dei' ipe' pape ukup mohafel endilisi pehafa Dembinai ape'inai Jisas Krais anona nemaf notaga nondawalap alihina. Nemaf anama pape pehafana pefa' presen hianai Ambal Bu'unai Godi nase'epana na'a.

Galesia 5:5

Ea' owa' etin. Ape' mombale'efa Kraisa pepel Ambal Bu'unai Godi. Ea' mogawa endilisi mape mohafa anona nemaf God ni'i ape' bu'upai ma okom ananinai.

Galesia 6:9

Amama atom dei' ape' ina ala'uta napa ma monda' waf bu'unai, owa'. Monda'ana la'ela'ef. I'i bihiguf ape'imi monda' maol la'ifina, anona nemaf mola' gwa'aimi bu'wami endilisi.

Kolosi 1:11

Afa' wanda'mepa beten wapoti' na'ama. Wa'i God nonda'epa petaga la'ifipama pepel Ananinai bu'unai nafifili endilisi. Ama ipe' nambimb pitu la'ifipama pefa' maim nimanimi meatagamipei ma pendanifel ea' opalef ipe'imi ina mohafel endilisi, owa'. Mope so'umbel.

1 Tesalonaika 1:3

Afa' la'el'ef wa'ipa God ahalomapa ape'inai ma ipe' wanda' betena ipe'. Ipe' pembale'efa God panda' waf bu'unai. Fowa' ipe' paso' opalefa God naloma enis epes wapoti'. Ea' dei' panda' maol lu'unai Godi. Ipe' ukup mape la'ifipa pehafa Dembinai Jisas Krais nifi'i. Ea' afa' wanda' beten nimeguf hiami ma ipe'.

1 Tesalonaika 2:19

Owagama Dembinai ape'inai nifi'i wapoti', ape' mitu naep Ananimi. Nemaf anama afa' ukup bo'om mopoma main? Ea' ondanifela amamaga maim bu'wami? Owa'etin. Nemaf anama afa' ondanifelama ipe' etipa. Nemaf anama ape' hiapai mefe' mope molomana.

1 Tesalonaika 3:13

Wa'i ipe' penda' waf anama ma God nonda'epa petaga la'ifipa opalef ipe'imi. Ama anona nemaf Dembinai ape'inai netambel nifi'i nulumai esis hiesi sambale'efanai sape andeande' ma ipe' pepe bo'wepa andeande' basef a'epa ma naep Godi ahalomapa ape'inai.

Hibrui 6:15

Ea' Abraham name' basef amama dei' ina ala'uta nana, owa'. Nape sa'ombel nohafa amamaga bu'wami God fowa' na'i neaso'anami mila basef amama na'i endilisimi atom.

Jems 4:11

Ipe' ina piti waf sahin owan ipe'isi sanda'anai pi'i aona, owa'. Epen ni'i basef awamima enin alupini o newaloga sahin owan ananisi, epen inima enin na'i basef awami nawaloga mi'uli Godi. I'i ipe' pi'i basef awami pewaloga mi'uli anama, ina ata' paila mi'uli anama, owa'. Ea' pape si'i dembipei jas pawaloga mi'uli anama.

Jems 5:10

Sahin owan ae'ipei, ipe' ukup mopoma amam profet fowa' mawalipasa basef Godi ma agel Dembinai. Amam opalef awanem maitu la'ifima nimanimi lu'wami matagamami.

Jems 5:3

Moni ipe'inai gol siliwa nowa'w nasagiham aom. Nowa'w anama si'i enin epen ni'ipipa waf aonai ipe' panda'anai nataga nandawalap. Ea' nowa'w anama nonda' alop ipe'inai si'i nif fandumi. Ipe' piwaniam hiahaom otamba maim ma nimeguf akutaimi motaga felefele'ma God nonda'mepa basef.

2 Pita 3:4

mi'i, “Anan na'i basef endilisimi atom na'i nifi'i wapoti'. Ea' dei' anan ata' nape eti? Nogota fowa' dambadamba bafasapa saga'anai amamaga amama hiami hi'alam ata' mape la'ela'ef na'ama etin si'i fowa' dambadamba etap anae' nataga mafi'i mataga dei'.”