Jems 5:20 - Basef Buꞌwami Godi

²⁰ Emi egafis sagiambama epen nanda' waf aonai ma nekwaha waf enin nanda'anai nitanimani, epes isima sagiambamani sefa'an natanimani nakwaha neaga'. Amama atom God dei' nakwaha waf aonai hianai enin nanda'anai.

Jems 5:20 Iomraidhean Croise

Jon Nandaꞌafi 5:24

Endilisi ae' a'ipipa. Emi egafis seme' basef ae'ami ma sembale'efa anan nasapa'e afi'i, isima sefa' ambal namunai ea' ma seape andeande' la'ela'ef hihif. Esis ina sanda' basef lu'wami ma kot, owa'. Esis sefa' ambal namunai nikila'a ga'.

Basef Amama Pol Nandaꞌam Mafeꞌma Esis Romi 11:14

Maol anama ae' okom na'iana endilisi ma efela esis Juda wambota ae'asi ma kowalasa ipe' dei' pape andeande' paloma God. Ama ae' efa' esis Juda tu'wanis etis sotanimani sifi'mai God.

1 Korin 1:21

Dei' main, God Anan gawainai na'i epes etapasi ina la'ifisa sogawa Anan ma gawa anama asasinai atona, owa'. God nahopa eaf asasinai. Ea' anan okom na'i nofa'ai amam nematawa sombale'efanai sotanimani. Esis sombale'efa basef amama wa'ipasami epes etapasi sa'i wafimi gawa a'ami. Esis sembale'efa basef amama ea' God nefa'as sotanimani.

1 Korin 9:22

Ama naep epes isima ina la'ifisi, ataga si'i esis ama efa'ai epes ina la'ifisi. Ae' ataga si'i efa' waf epes hiesi endondomba iaguf hiami ma efa' enis epes sotanimani.

1 Timoti 4:16

Nindumafuma andeande'ma waf ine' nanda'anai, ma basef amama niwalipasami. La'ela'ef nenda'am na'ama la'ifina. I'i ine' nenda'am na'ama, nambimb God nigiambamena neloma esis seme' basef ine' na'ipasami sailam, nofa'epa petanimani pepe andeande'.

Filemon 1:19

Dei' ae' Pol ahapila pen lagel ae'anai atona anda' basef amama bandami atom, ae' nambimb egwamena wiaf anama. Endilisi ine' wapoti' nape si'i newaola anona wiafa ae'. Wiaf anama ina si'i otamba maim, owa'. Anama ambal ine'inai atona. Dei' main, fowa' a'ipina basef bu'wami nembale'efa God nefa' ambal namunai nape andeande'.

Jems 1:15

Ea' ukup ape'imi mohafel manda'apa manda' waf aonai. Anona nemaf waf anama aonai notaga lu'una, nonda'apa moga'.

Jems 1:21

Amama atom dei' ipe' kwahago waf aonai neloma waf aonai hianai hi'ilana. Waf anama aonai epes hiesi sanda'ana la'ela'ef. Ea' pinindifa ipe' pepe owina Goda pefa' basef amama ananimi mope opalef ipe'imi. Basef amama la'ifimi ma mofa'ai ipe' pitanima pifi'mai God.

Jems 5:15

I'i amam mombale'ef endilisi ma monda' beten mohali' God, epen inima netaga bo'wen. Dembinai nigiambaman netaga bo'wen. I'i epen inima nali' nenda' waf aonai, God nokwaha waf aonai enin nanda'anai.

Jems 5:19

Sahin owan ae'ipei, i'i enin epen ipe'ini nekwaha nembale'efa basef endilisimi Godi, ma enin epen nigiambaman nefa'an nitanimani, ipe' ukup mopoma basef amama.

1 Pita 4:8

Basef lu'wami mape mali'ma basef hiami amama. Ipe' ukup mimila sahin owan ipe'isi la'ifipa endilisi. Dei' main, waf anama ukup mimilasanai nase'ala waf hianai aonai ea' nikila' waf hianai hi'alana.

Revelesen 20:6

Epes isima sotanima sohafel nemaf anama nali'i, esis sandanifel sope bo'wes andeande'. Ea' ga' anama niegi'i ina la'ifina nohagofa epes isima, owa. Esis sope pris Godi sope pris Kraisi sondolalimam. Ea' sope dembesi soloma Kraisa sumafi enis epes afagof 1,000-peleim.