Jems 5:15 - Basef Buꞌwami Godi

¹⁵ I'i amam mombale'ef endilisi ma monda' beten mohali' God, epen inima netaga bo'wen. Dembinai nigiambaman netaga bo'wen. I'i epen inima nali' nenda' waf aonai, God nokwaha waf aonai enin nanda'anai.

Jems 5:15 Iomraidhean Croise

Matyu Nandaꞌafi 17:20

Ea' na'ipam na'i, “Bale'ef ipe'inai ata' sa'ona, Amama atom dei' ipe' ina la'ifipa, ata' owa'. A'e, ae' a'ipipa endilisi, i'i bale'ef ipe'inai so'ona, nendahama si'i nalelef sa'umi mastetimi lawag, nambimb ipe' pi'ipa halaf nani pi'i, ine' degia nefe' newala gani wa'ol, nendegia nefe'. Ipe' pembale'efa ae' la'ifipa, na'ama dei' la'ifipei ma penda' maolan hianai naninani. [

Jon Nandaꞌafi 5:14

Anom nimeguf mafe'ma ea', Jisas natolona ipat lu'unai Godi sanda' lotuwanai na'ipana na'i, “Neme'! Dei' ine' ambo'wena ea'. Ea' ine' owa' nitanima nefe' nenda' waf aonai wapoti, owa'. Na'ama amamaga awami endilisi motagamena.”

Jon Nandaꞌafi 6:39

Okom aman anama nasapa'e afi'i nape na'ama. Esis amam nematawa hiesi anan nase'eas ae'asi, ae' ina ekwaha enin atitin nefe' higililan, owa'etin. Ae' efelas wapoti' sehafel hiagilif nemaf akutainai.

1 Korin 1:21

Dei' main, God Anan gawainai na'i epes etapasi ina la'ifisa sogawa Anan ma gawa anama asasinai atona, owa'. God nahopa eaf asasinai. Ea' anan okom na'i nofa'ai amam nematawa sombale'efanai sotanimani. Esis sombale'efa basef amama wa'ipasami epes etapasi sa'i wafimi gawa a'ami. Esis sembale'efa basef amama ea' God nefa'as sotanimani.

2 Korin 4:14

Dei' main, afa' ogawa God nafela Dembinai Jisas nohafel hi'agif, anan nofela ape' wapoti' moloma Jisas ea' nofa' afa' oloma ipe' nokolasepa atogon mofe' mope felefele' molomana.

Jems 1:6

Epes isima esis sombale'efana endilisi ma sonda' beten sohali'a God. Ina sope ukup biambiefim, owa'. Esis sombale'efana la'ifis. Emi egafis sape ukup biambiefimi, esis ina sembale'efana la'ifis, owa'. Ukup asasimi si'i embel uf nalo naoh mohafel.

Jems 5:13

I'i enin epen ipe'ini nefa' nimanimi, enin nenda' beten nihali' God. I'i enin epen nendanifel, enin nenda' awalefa nefela agel Godi.

Jems 5:16

Amama atom dei' ipe' pewalapa waf aonai ipe' panda'anai atona etin ea' penda' beten ama ipe atona etina God nonda'epa bo'wepa. I'i enin epen bo'wen, beten ananinai la'ifina endilisi.

Jems 5:20

Emi egafis sagiambama epen nanda' waf aonai ma nekwaha waf enin nanda'anai nitanimani, epes isima sagiambamani sefa'an natanimani nakwaha neaga'. Amama atom God dei' nakwaha waf aonai hianai enin nanda'anai.