Jems 5:11 - Basef Buꞌwami Godi

¹¹ Ape' ukup ma'i amam maitu la'ifim dei' ma'i amam mandanifel. Ipe' pegawa aman anama Jop. Anan naitu la'ifina opaf awanena ma nimanimi matagamana. Nape la'ela'ef nogota laona, Dembinai nagiambamana. Dembinai na'i uwahipipa ape' endilisi ea' okom nainailapa.

Jems 5:11 Iomraidhean Croise

Matyu Nandaꞌafi 10:22

Anona nemaf epes hiesi wambel hiagoma siti ipe' pila basef ae'ami, ea' opalef aoma ipe' endilisi. Ea' emi egafis sembale'efa Ae' la'ifis situma seatagama nemaf akutainai, anona nemaf God nefa'as sotanimani.

Luk Nandaꞌafi 1:50

Okom dahowinai ananinai nape la'ela'ef ma emi egafis umbamahasa sa'i sila Anan. Ea' nape la'ela'ef naloma epes isima sope na'ama etin dei' awasi bafasas ehasas anona nemaf seatagai.

Luk Nandaꞌafi 11:10

Dei' main, emi egafis sohali' Godi, sofa' amamaga. Emi egafis sogolopa amamaga, nambimb sotolom. Ea' emi egafis seha utai, nambimb God nuwisi'amasana esis.

Luk Nandaꞌafi 6:36

Ahalomepa ipe'inai na'i uwahipis esis sanda' waf aonai. Ipe' penda'am na'ama etin si'i anan nati esis uwahipis.

Basef Amama Pol Nandaꞌam Mafeꞌma Esis Romi 2:4

God nanda'epa andeande' endilisi, ea' ata' nape nohafepa nogota launai, ina nagwamepa waf aonai nase'epa nimanimi ulal, owa'. Waf anama bu'unai Godi ipe' ukup ma'i falafunai? Anan nanda'mepa waf anama bu'unai ma ata' pemboma opalef. A'i ipe' pegawa amama?

Efesus 1:6

God nanda'am na'ama ma ape' mefela agel Ananinai minifelona ma waf bu'unai Anan nanda'anai nagiambamapa na'a. Waf anama nawalapa pepel nafifili Ananinai. Anan nagiambamapa na'a nase'apa nogalomana okom Ananinai nainailana endilisi, ea' mape la'ifipa malomana.

Efesus 2:4

Ea' God nati owahipipa endilisi ape' epes, okom lu'unai nainailapa.

Hibrui 10:39

Ape' ina epes umbamahapa matanima mefe' makwaha mombale'efa God ama owagama higililapa, owa'. Ape' epes mombale'efana mofa' ambal namunai mope andeande' la'ela'ef.

Hibrui 3:14

Ape' fowa' mali' mombale'efana, ea' dei' mombale'efana la'ifipa la'ela'ef, mefe' motagama moga'. I'i ape' monda'am na'ama la'ela'ef, ape' amam nematawa endilisi Kraisi, mape la'ifipa malomana.

Hibrui 3:6

Ea' Krais nape nogalomana Godi naila basef endilisi nanda' maol andeande' ma nape Dembinai numafi epes wambota Godi. I'i la'ela'ef ape' mombale'efana la'ifipa mogawa anona nemaf Krais niefi'i nofa'apa mefe' heven mope andeande', ape' mape wambota Ananinai.

Jems 1:12

Emi egafis saitu la'ifisa hiahaom meagwambasi matagamas, esis sondanifel. Dei' main, nemaf anama esis sikila' amama waf aonai naninani ea' hi'ilana, anona nemaf esis sofa' amamaga bu'wami si'i prais. Amama na'ama. Ambal namunai God na'i endilisi noso'asam emi egafis ukup maimaila anan.

Jems 1:2

Ipe' sahin owan ae'ipei, maim nimeguf amamaga meagwambipei motagamepa, ukup ipe'imi mi'i andeande' pendanifel etin pepan.

1 Pita 1:13

Ea' dei' ipe' pendondomba ukup ipe'imi ma penda' maol bu'unai, pimafi alop noloma ukup ipe'imi pepe andeande'. Ea' pembale'efa God pepe ukup bo'om pehafa Jisas Krais anona nemaf notaga nondawalap alihinama nigiambamepa na'a nofa'epa petanimani.

1 Pita 3:14

I'i ipe' pefa' nimanimi ma waf bu'unai ipe' panda'anai, ipe' pendanifel endilisi. Ipe' ina umbamehepama epes ea' ina ukup aom, owa'.

2 Pita 2:9

Basef amama ma'ipapa alihim ma'i Dembinai numafi epes bu'wasi saila waf ananinai andeande'. Maina nemaf amama meagwambasi motagamas, anan nogawa ma nili'akwas sope andeande'. Ea' Anan nahapila esis sanda' waf aonai ma nogwamasa nimanimi ma waf aonai esis sanda'anai sape la'ela'ef sofe' sotagama nemaf anama Anan nowalogasanai.