Jems 5:10 - Basef Buꞌwami Godi

¹⁰ Sahin owan ae'ipei, ipe' ukup mopoma amam profet fowa' mawalipasa basef Godi ma agel Dembinai. Amam opalef awanem maitu la'ifima nimanimi lu'wami matagamami.

Jems 5:10 Iomraidhean Croise

Luk Nandaꞌafi 13:34

Jerusalem, Jerusalem, ipe' paha amam profet afumi, pakwaha otamba paha amam God nasapa'am mafe'mai ipe'i, la'ela'ef ae' a'i ekolasa ipe' epes hipei si'i awata numa'inai nowa'ani nogami nakolasom mawis behenagof ananimi. Owa'etin, ipe' pandaiwa'.

Luk Nandaꞌafi 6:23

Nemaf anama esis sonda'epa na'ama, ipe' pendanifel pialemb etin. Dei' main, amamaga hiami bu'wami ipe'imi ma'oh heven ilif. Fowa' gani akupas bafapas asasisi sanda' amam profet aom na'ama etin.

Aposel 3:21

Dei' napani heven nohafa nemaf anama God nonda' amamaga hiami motaga dambaimi wapoti'. Si'i fowa' gani na'ipipa basef Ananimi endilisimi atom ma amam profet ananimi bu'wami.

Aposel 7:52

Amam profet hiami fowa' gani mapani esis akusepa ipe'isi sanda' waf aonai ma amam hiami saham sanda'am aom. Saha amam profet ma'ipasa Aman Bu'unai anona nemaf neafi'i. Ea' dei' ipe' pawalapana ma amam naumbih mahana naga' ea'.

Hibrui 13:7

Ipe' ukup mopoma amam agufumi ipe'imi fowa' mawalapa basef Godi ma ipe'. Ipe' ukup mopoma fe' bu'unai amamunai ea' pefe' pila waf amam membale'efa God.

Jems 4:11

Ipe' ina piti waf sahin owan ipe'isi sanda'anai pi'i aona, owa'. Epen ni'i basef awamima enin alupini o newaloga sahin owan ananisi, epen inima enin na'i basef awami nawaloga mi'uli Godi. I'i ipe' pi'i basef awami pewaloga mi'uli anama, ina ata' paila mi'uli anama, owa'. Ea' pape si'i dembipei jas pawaloga mi'uli anama.

Jems 5:13

I'i enin epen ipe'ini nefa' nimanimi, enin nenda' beten nihali' God. I'i enin epen nendanifel, enin nenda' awalefa nefela agel Godi.

Jems 5:7

Sahin owan ae'ipei, ipe' pitu la'ifipa opalef awanem pehafa nemaf anama Dembinai niefi'ianai. Ipe' ukup mopoma anona aman nafomona aofi. Anan nohafa anona nemaf gwa'aimi bu'wami sotalom otamba hiami notaga. Anan opaf awanena naitu la'ifina nape nohafa nogota laona ma asaf nilai nonda' gwa'aimi hiami motaga aof ananinai.

Jems 5:9

Ipe' ina piti waf sahin owan ipe'si sanda'anai pi'i aona, owa'. Na'ama anona nemaf God nowaloga ipe'. Jas nape felefele'ma uta.