Jems 4:1 - Basef Buꞌwami Godi

¹ Maina waf ofagena ma nanda' ipe' panda' lopa' fitap pape la'afena ipe'? Ukup awami atom mafela ipe' dei' panda' lopa' fitap la'ela'ef opalef nomon, alop ande' wapoti'. Ea' amama atom.

Jems 4:1 Iomraidhean Croise

Matyu Nandaꞌafi 15:19

Amamaga awami mape ukup nomon mawisi ande' amama. Ukup awami, waf soha enis seaga', waf sanda' so'a waulanai, ea' sonda' anona waf aonai si'i waf anama so'a waulanai, wal, baso'am, findiwa.

Jon Nandaꞌafi 8:44

Ahalomepa ipe'inai Satan ea' ipe' paila nomonas ananimi atom. Fowa' dambadamba nafi'i nafi'i nataga dei', anan naha epes saga', ea' nowa' alafugama basef endilisimi. Nomonas ananimi ina mapoma basef endilisimi, owa'. Anan nambaso'mas nimeguf hiami la'ela'ef. Basef baso'maimi anan na'iami, amama si'i diga ananinai. Dei' main, anan epen nambaso'ami ea' ofagenama basef baso'maimi hiami.

Basef Amama Pol Nandaꞌam Mafeꞌma Esis Romi 7:23

Ea' ati anona waf nape alop si'ina wa'ana ae'anai nomon. Ea' waf anama napa' naloma mi'uli anama nape okom ae'anai. Waf anama atona nape alop wa'ana ae'anai nembalo' ae' nanda'e anda' maola waf anama aonai.

Basef Amama Pol Nandaꞌam Mafeꞌma Esis Romi 7:5

Fowa' ata' mape la'ela'efa opalef apimi, mi'uli anama God fowa' naso' Mosesanai nafilai ukup awami ma alop ape'inai. Ea' manda' maola waf aonai nawalapai ga'.

Basef Amama Pol Nandaꞌam Mafeꞌma Esis Romi 8:7

Emi egafis ukup mila waf apinai, isima sataga naumbih Godi. Dei' main, esis ina sape owina mi'uli hianai Godi, owa'. Ina la'ifisa sila mi'uli anama, owa'.

Galesia 5:17

Ape' mogawa opaf apinai na'i nohogofa Ambal Bu'unai Godi, ea' Ambal Godi na'i nohogofa opaf apinai. Amam biam mandahihianama mafitap mape. Ea' amamaga ipe' pa'i pienda'ami ina la'ifipama panda'am, owa'.

Kolosi 3:5

Ipe' peha waf aonai hianai etapanai opaf apinai noga', waf anama na'ama. Waf so'a waolanai naloma waf aonai, waf anama aonai ukup mohafemanai, ukup ma'i anom amamaga enis epesi. Waf anama si'i waf saila god baso'omainai.

2 Timoti 2:23

Ea' ine' newa' alafugama basef amama mamumami awami falafumi ma epes isima ukup mase'asi gawa a'asi. Ine' negawa basef amama atom mawalapa ukup mamumami wandafumi ma'i mandahihianamam.

Taitus 3:3

Ine' negawa fowa' ape' wapoti' owa' ukup bo'om, ape' mosambala basef ea' Satan nambaso'mapa. Ape' mape owina waf naninani aonai opalef mohafema waf aonai ma alop nandanifel. Ape' mafe' maloma waf anama ukup aoma enis epes ma kowalapama amamaga asasimi. Esis sofala ape' naumbih asasipai ea' ape' wapoti' manda' naumbih malomas.

Taitus 3:9

Ea' basef amama mamumami falafumi esis sa'iama sosambala waf bu'unai, sa'i sondahihianama sa'i agof hiami bafasas akupas asasisi etis, sofitapa mi'uli fowa' God naso' Mosesanai, amama ine' nindihi'amam. Dei' main, ape' mogawa basef amama ina magimbamepa mawalapa anona waf bu'unai, owa'.

Jems 1:14

Ea' ukup awami ape'imi atom mafelapa makikipapa ma mafe' matolo'w isalef si'i anona mafin aolupunai nafe' natolo'w esag.

Jems 4:3

Nemaf anama ipe' panda' betena pefa' amamaga amama, ipe' ina pefa'am, owa'. Dei' main, ukup ipe'imi ina mape bo'om etifima pahali' God, owa'. Ipe' ukup ma'i pefa' amamaga penda'am pefa'am pekwahom amama ukup ipe'imi atom.

1 Pita 1:14

Ipe' pila waf Godi si'i awasi saila basef mamasasi. Fowa' ipe' gawa a'epa ata' pape waf anama aonai ukup mase'epa. Dei' ipe' ina ata' pila waf anama wapoti', hapainai.

1 Pita 2:11

Ipe' alupipei ae'ipei endilisi, ae' a'i i'ipipa anom basef la'ifimi, ipe' si'i epes anona wambelipei pafi'i pailas pape nogota bandana ma etap anae'. Dei' ipe' pewa' alafugaha waf aonai ukup awami mohafamanai, na'i nopa' noloma ambagof ipe'imi.

2 Pita 2:18

Amam amama matotopa' basef Godi ma'i ma'oh etina basef falafumi awami amamumi. Amam ma'ipa enis epesa waf ukup mohafemanai ma so'a waola waf naninani aonai alopunai. Amam manda' waf anama ea' mambomefa enis epes ata' dei'aol sataga sa'i sokwaha waf aonai epes isima sololama Godi sanda'anai ea' mambomefas saila amam.

2 Pita 3:3

Ipe' ata' ukup mogawa amama muli'. Nimeguf amama akutaimi anom amam monda'iafipei motaga mila ukup awami amamumi ma waf amam manda'anai. Ea' monda'iafipa na'ama