Jems 3:17 - Basef Buꞌwami Godi

¹⁷ Ea' gawa nafi'i heveni nawalapa waf bu'unai na'ama. Waf nape nali'i, ukup epesi mope bo'om andeande'. Ea' waf bu'unai hianai wapoti' na'ama. Epes sape opalef awanema opalef etifim maloma enis epes. Ea' sanda' waf so'uso'umbilinai sati uwahipis endilisi ea' sanda' waf bu'unai ma sagiambama enis epes. Esis ina malogof biam sa'i anom basef, owa'. Sa'i basef endilisimi atom. Esis ina sanda' waf biefina sanifela enis sosambala enis, owa'. Esis ukup ma'i epes hiesi na'ama etin.

Jems 3:17 Iomraidhean Croise

Matyu Nandaꞌafi 23:28

Ipe' pape na'ama etin. Esis epes sati alop ipe'inai ande' sa'i ipe' panda' waf bu'unai. Ea' nomon waf aonai baso'omunai ma malogof biagufi patopa' basef anai ma mi'uli Godi amama mape si'ima ipe'.

Matyu Nandaꞌafi 5:8

Ea' ipe' emi egafipa ukup mape bo'om andeande' ma waf aonai a'epa, dei' ipe' pandanifel ea'. Dei' main, ipe' anona nemaf piti God.

Matyu Nandaꞌafi 5:9

Ea' ipe' emi egafipa panda' maola pahagofa wandaf patalogamas seanda' waf bu'unai, dei' ipe' pandanifel ea'. Dei' main, God nambimb nofalepa ni'i ipe' awasi ananipei.

Luk Nandaꞌafi 21:15

Dei' main, nemaf anama ae' atowe enda' basef mope malogof ipe'imi ese'epa gawa bu'unai ma epes isima ina la'ifisa seagwa basef amama ae' iesi'ipami, owa'.

Luk Nandaꞌafi 6:36

Ahalomepa ipe'inai na'i uwahipis esis sanda' waf aonai. Ipe' penda'am na'ama etin si'i anan nati esis uwahipis.

Jon Nandaꞌafi 1:14

Basef mataga epen ea' anan nape la'afena ape', ea' wati howalagon pepel Ananinai. Howalagon anama pepel Nogalomana atona, Ahalomana nasapa'ana nafi'i. Ape' mati amama nagiambamapa etin nanda'apa la'ifipa ma nihi'ambapa waf endilisinai nape si'ina ma anan.

Jon Nandaꞌafi 1:47

Ea' Jisas nati Nataniel nafi'mai anan na'ipana na'i, “Niti aman anama Israelinai endilisi, aman bu'unai. Anan owa' ni'i anom basef baso'maimi.”

Aposel 11:24

Barnabas anan aman bu'unai, Ambal Bu'unai Godi napaina nembale'efa God andeande'. Ea' nagiambama esis amam nematawa hiesi ma sembale'efa Dembinai ea' sawisi epes hiesi Godi.

Aposel 9:36

Anona wambel Jopa ano'w nemata'w kwaila Jisasi kwape, agel akwa'unai Tabita. Diga esis Griki sofala'w sa'i Dorkas, agel anona mafin sa'i dia. La'ela'ef akwa'w kwanda' waf bu'unai ma kwagiambama esis amam nematawa kwahusi ma gwa'aimi maim.

Basef Amama Pol Nandaꞌam Mafeꞌma Esis Romi 12:18

Ipe' ina ukup mi'i wandaf, owa'. I'i ipe' la'ifipa, pepe opalef etifim pelomas hi'ilas.

Basef Amama Pol Nandaꞌam Mafeꞌma Esis Romi 12:9

Ipe' ukup maimaila esis sahin owan, ipe' ukup milas endilisi. Ipe' ina pembaso'am, owa'. Ipe' pewa' alafugah endilisi ma waf aonai, pepe la'ifipa endilisi ma waf bu'unai.

Basef Amama Pol Nandaꞌam Mafeꞌma Esis Romi 15:14

Ipe' alupipei ae'ipei, opaf ae'anai egawa endilisi ma ipe' panda' waf bu'unai la'ela'ef ea' pegawa gawa hianai naninani. Ea' ipe' wila ma pese'asa nomonas bu'wami sahin owan.

1 Korin 12:8

Epen atitin Ambal Bu'unai Godi nase'an pepela nihi'ambamasa gawa hianai bu'unai naninani ma nowalapa basefa epes hiesi. Ea' enin epen Ambal Bu'unai Godi anama atona nase'ana pepela newalapa basef ofagema waf Godi ma esis amam nematawa sogawam andeande'.

2 Korin 10:1

Ae' Pol ahali'ipa nimanis aila waf Kraisi so'umbilinai si'i anan nanda' okom ananinai nefe' owina epes hiesi. Dei' anifelipa ma anom amamaga etifim. Enis epes sambaso'me sa'ipi na'ama sa'i, “Anan ata' nape naloma ape' nanda' anan nafe' sa'osa'ona nafe' owin, ea' nogota anama nafe' napani laogon nanda' basef la'ifimi ma ape'.”

2 Korin 6:6

Wanda' waf bu'unai ea' wahapila gawa bu'unai, opalef awanem waitu la'ififa ma nimanimi. Wanda' waf bu'unai ma enis epes. Ofa' pepel Ambal Bu'unai Godi, wanda' waf anama endilisi ma ukup maimaila enis epes wagiambamas. Ina wa'i basef malogof atom, owa'.

2 Korin 7:11

Ipe' ukup mi'i andeande' ma nimanimi amama ipe'imi. God nanda'am mawalapai waf bu'unai naninani hianai ma ipe'. Amama mafelepa pahafel ulala pekwaha waf aonai ipe'inai. Ipe' ambagof aoma epen inima ipe'ini nanda' waf aonai, amama atom dei' umbamehepama basef a'ipipama okom wandafunai Godi. Opalef ipe'imi malef endilisi ma pa'i petolowe ea' la'ifipama pegalo'ma epes isima sanda' waf aonai. Ipe' pagalo'ma epen inima napani laogon. Panda'am na'ama ma pihi'amba epes hiesi waf aonai ofagena a'epa ma amamaga mali' matagamapei.

2 Korin 9:10

La'ela'ef God nase'as olelemb gwa'aimi hiami epesa sawam aof. Ea' nase'as gwa'aimi mamumami hiami epesa sagwa'am. Ea' nambimb nese'epa amamaga ipe' wapoti' ma pese'asam enis epes. Ama amamaga amama ipe'imi motaga lu'um endilisi ma pese'asam wapoti', si'i enin epen nawa olelemb gwa'aimi ma anom nimeguf mafe' ea', nala' gwa'aimi hiami endilisi nefa'am.

Efesus 5:9

Epes safe' alipi sawalapai waf bu'unai, endilisinai hianai.

Filipai 1:11

Ae' anda' betena waf bu'unai Jisas Krais nawalapanai nambimb nepe si'ina ma ipe', nese'ana agel lu'unai Goda epes hiesi siti pepel nafifili Ananinai.

Filipai 4:8

Alupipei, dei' ae' a'i enda' basef akutaimi ma ipe'. A'i ipe' ukup mopoma anona waf na'ama. Maim amamaga endilisimi, bu'wami moloma amamaga bu'wami dende' ma epes sanifelami, moloma amamaga bu'wami hiami si'i amama, ipe' ukup mopoma amama.

Kolosi 1:10

Wanda'am na'ama ma nambimb ipe' petaga la'ifipama fe' pe ipe'inai netaga bo'ona endilisi dende'ma waf Dembinai. Wanda'mepa betena Anan niti waf ipe' panda'anai nenda' okom ananinai bo'ona ipe' nondanifamepa. Ama penda' maol naninani hianai bu'unai hi'ilana pegewana andeande' pikila' fowa' pali' pagawana.

1 Tesalonaika 2:7

Afa' wape aposel Kraisi endilisi. Anan nasapa'afa ma onda' maol Ananinai. Ea' dei' wi'i a'e, wi'ipipa mehipa pese'afa anom amamaga gwa'aimi maim. Ea' owa'. Nogota nanima wape walomepa afa' wanda' waf so'umbilanai endilisi ma ipe', si'i ano'w nemata'w kumafi awasi akwa'usi andeande'.

1 Timoti 5:21

Ae' a'ipina andeande'ma naep Godi naloma Krais Jisas maloma amam ensel God nandandepami. Ine' nila basef amama andeande'. Ine' owa' ninifala anom amam awomimi ni'ipam mehip. Ea' ina nenda' anom dembemi sa'ombemam ni'ipam so'umbel, owa'. Ni'ipa epes hiesi na'ama etin. Ina ninifala enis epes ea' nenda' enis alupusi sa'ombemas, owa'. Ni'ipas na'ama etin.

2 Timoti 2:24

Aman anama nanda' maola Dembinai ina ni'i anom basef wafimi nifitapam neloma enis epes, owa'. Anan niti amam nematawa hiesi uwahipis nose'as opaf. Anan nope dembinai tisa, nosopama okom wandafunai, nope niti esis sonda'mana waf aonai.

Taitus 1:15

Ukup epes isima opalef bo'oma waf bu'unai, amamaga hiami bo'om andeande' ma esis. Ea' ukup epes isima aom ea' esis owa' sombale'efa Kraisi, opalef asasimi ina bo'om, owa'. Ukup asasimi maloma basef mape opalef asasimi nomoni aom endilisi.

Taitus 3:2

Esis owa' sonda' enin epen findiwan ma basef awami. Esis ina sifitap, owa'. Sope opalef awanem. Esis la'ela'ef sope sonda' waf so'uso'umbilinai ma epes hiesi.

Hibrui 12:11

Ahalomapa nase'apa nimanimi ma nanda'apa mail basef ananimi, nemaf anama ape' ina mandanifel, owa'. Ukup ape'imi aom endilisi. Nahapa ma monda' waf bu'unai. Atuwasi monda' waf bu'unai atona, opalef ape'imi mope awanem.

Hibrui 12:14

Ipe' dei' penda' maol la'ifipa ma pila waf opalef mope awanem peloma epes hiesi. Ea' pila waf anama bu'unai andeande', pepe Dembinai ananipei etipa endilisi. Epen waf anama a'ani, anona nemaf enin ina niti Dembinai, owa'.

Jems 1:17

Amamaga bu'wami hiami si'i presen, amama ahalomapa ape'inai nase'apam misila'i heven. Anan nanda' mafifili aon alipunai owambunai maloma ondowa motawa ilif otaga. Owaf naluwi, ambagof laom bandam. Ea' God ina nandaho'of na'ama si'i ambogof, owa'. Anan nape na'ama etin la'ela'ef hihif.

Jems 1:5

Emi egafis gawa bu'unai a'asi, esis sonda' beten sihali' Goda nose'asana. Dei' main, Anan nase'asa amamaga hiami na'a ma epes hiesi, ina ninifalis, owa'.

Jems 2:13

Dei' main, emi egefis owa' siti uwahipis enis epes, owagama God ina niti epes isima uwahipisa nemaf anama nowaloga esisanai, owa'. Ea' emi egafis siti enis epes uwahipis, God anona nemaf ina nowaloga epes isima ni'i awes, owa'. Waf anama ape' mi'i uwahipisanai nikila' endilisi.

Jems 2:4

I'i ipe' penda'am na'ama, atuwasi ofagema awami ipe'imi. Ipe' pawaloga sahin owan ipe'isi ma ukup ipe'imi, ea' ipe' ina pawalogas paila waf bu'unai na'ama etin, owa'. Ipe' pawalogasa ukup awami atom.

Jems 3:15

Gawa anama ina nafi'i heven, owa'. Nataga etap anae' ma opalef apimi maloma aman aonai Satan atona.

Jems 4:8

Ipe' pifi'i felefele' endilisi ma Goda Anan nifi'i felefele' endilisi ma ipe'. Ipe' panda' waf aonai, pekwaha waf anama ipe' panda'anai si'i epes sasa'opa lagof asasimi mataga bo'om. Ipe' epes malogof biamipei, ipe' pekwaha waf anama ea' penda' ukup ipe'imi motaga bo'om.

1 Pita 1:22

Ipe' paila basef amama, amama atom dei' manda' opalef ipe'imi bo'om. Ea' dei' ipe' panda' waf anama ukup maimailasanai panda'ana endilisi. Ipe' ina pembase'am alupupei ma alop atona, owa'. Dei' penda' waf ukup maimailasanai la'ifipa pikila' fowa' panda'anai. Ea' ukup mimila Kristen hiesi pindagigiambanama peloma esis.

1 Pita 2:1

Ipe' pendombasa ipe' andeande' ma waf hianai baso'omainai pa'i malogof biamipei ukup kowalipamami maloma waf anama pi'i basef awami alafugaha enis epes. Waf anama aonai, ipe' pekwahona.

1 Pita 2:18

Ipe' panda' maola enis epesi pefe' owina dembemi amama ipe'imi ma maol hianai. Ipe' peme'am ea' umbamehepamam pefela agof amamumi. Ipe' ina penda'am na'ama ma amam bu'wami manda' waf so'umbilinai atom, owa'. Penda'am na'ama ma anom manda' waf aonai wapoti'.

1 Jon 3:18

Alupipei ae'ipei, ape' ina ukup maimaila esis alupisi ma mi'ipasa basefa malogof atom wafimi, owa'. Ape' ukup mimilas endilisi migiambamas monda' waf bu'unai endilisinai mihi'ambamasana.

1 Jon 3:3

Emi egafis sape sohafa Anan nufi'i, esis sape sandondombam opalef asasimi la'ela'ef ma sope bo'wes andeande' si'i Krais nape.