Jems 3:16 - Basef Buꞌwami Godi

¹⁶ Emi egafis ukup mopoma esis etis si'i kowalas ma sofa' agof lu'wami ma amamaga maim hiami enis epesi, epes isima ina sape andeande', owa'. Esis ina sandatama sape etifigin saloma enis epes, owa'. Sanda' lopa' fitap etina sanda' waf naninani aonai.

Jems 3:16 Iomraidhean Croise

Mak Nandaꞌafi 3:25

I'i enis epes hiesi anona wambota sape ipat atotona sondawaloga epes biefis sopa', esis sandawaloga biefis, ina nambimb sope la'ifis, owa'. Sandawaloga biefis ea'.

Aposel 19:29

Ea' epes hiesi sape taun anama sanda'am sa'i mehip endilisi. Ea' sohafel safe' anama sondowa'anima sa'i basefa. Sahondo' Gaius naloma Aristarkus Masedoniaimi mafi'i maloma Poli mafe' maloma esis.

Basef Amama Pol Nandaꞌam Mafeꞌma Esis Romi 2:8

Ea' enis ukup mapoma esis etis sowa' alafugaha basef endilisimi saila waf aonai. Epes isima anona nemaf God okom wandafuna endilisi nindaiwa'masa waf aonai esis sanda'anai.

1 Korin 14:33

Dei' main, God ina ofagenama sa'i basef mamumami, owa'. Anan nanda' waf bu'unai opalef etifim mape awanem. Wambel hiagoma esis amam nematawa Godi sondowa'anima sape,

1 Korin 3:3

Dei' main, ipe' ata' pape la'ela'ef paila waf etapanai. Endilisi, waf anama nawalapai waf kowalasanai naloma ukup aoma sahin owan ma basef safitapami ata' mape la'ela'efa ipe'. Amama mihi'amba ape' hiapai ipe' ata' paila waf anama aonai etapanai. Waf anama epes etapesi atona.

2 Korin 12:20

Ae' umbamahe a'iam na'ama a'i nabimb efo'o etaga ma itilipa ina pepe bo'wepa si'i okom ae'anai na'i efo'o iti ipe' pepe bowepa, owa'. Ea' ipe' wapoti' nambimb piti ae' ina epe bo'awe si'i pa'i piti ae' epe, owa'. Na'ama waf naninani hianai nope. Basef lopa' fitapaimi, waf kowalepa ma anom amamaga, migimigah, findiwa, daha basef, sasambala basef, basef manda'as sanda hape'ma sape deindei'. Ea' ipe' ina peme' andeande'ma pila ukup etifima waf sanda' lotuwanai, owa'. Paila ukup deindei'. Ae' umbamahema amama.

Galesia 5:20

sandagala sanifela god baso'omunai, sanda' mu'uhup, sanda' ufial ma'akw, waf nefala enis naumbih, ukup mapoma esis etis, lopa' fitap, waf kowalasa anom amamaga enis epesi, ukup wandafum, basef wandafumi sondaha pepe'ma biefis, sowala wambotagw,

Jems 3:14

Ukup ipe'imi ina kowalepa ma pefa' amamaga hiahaom otamba maim enis epesi, owa'. Ipe' ina pefela agof ipe'imi, owa'. Ipe' penda' waf anama pi'i ipe' etipa gawaipei, ipe' pambaso'mas. Na'ama hapaimi. Gawa anama ipe'inai ina endilisinai, owa'.

1 Jon 3:12

Ape' ina mila waf Keini, hapainai. Kein wambota aman aonai Satani ea' naha owalomana Abel naga'. Dei' maina nahana naga'? Anan kowalana ma opeh bu'wami owalomana nanda'ami dei' nahana naga'. Ea' opeh ananimi aom.