Jems 3:13 - Basef Buꞌwami Godi

¹³ Ipe' emi egafipa gawa bu'unai hianai napaipei, ipe' pepe na'ama. Fe' ipe'inai nihi'ambas gawa ipe'inai enis epesa penda' waf bu'unai noloma maol bu'unai. Maol anama ipe' panda'anai pepe owina epes pila waf gawa bu'unainai.

Jems 3:13 Iomraidhean Croise

Matyu Nandaꞌafi 11:29

Peme' basef ae'ami pilam penda' waf ae'anai. Waf anama si'i anona lawag ae' ase'epana pewandefana ekaguf ipe'imi. Ea' pelafa gawa ae'anai ma pegawa ae'. Dei' main? Ae' anda' waf sa'umbilinai ma epes, ae' ina afela agel ae'anai atona, owa'. Ipe' pifi'mai ae' ma nambimb pepoma noma'wa ambagof ipe'imi.

Matyu Nandaꞌafi 21:5

“Ipe' pi'ipa epes sape Saioni pi'i, ‘Ipe' piti, dei' king dembinai ipe'inai anona nemaf nifi'mai ipe'. Anan nanda' waf sa'umbilifi, ea' notoma donki noganai nofa'ana nifi'i.’ ”

Matyu Nandaꞌafi 5:5

Ea' ipe' emi egafipa mamaipama pape sa'ombel owina enis epes, dei' ipe' pandanifel ea'. Dei' main, ipe' anona nemaf pefa' amamaga bu'wami God na'i endilisi ma nease'epam.

Matyu Nandaꞌafi 7:24

Emi egafis seme' basef ae'ami ma sielami, esis si'i epen gawainai nala' ipat ananinai netawa etap anama otambaiguma la'ifiguma.

1 Korin 6:5

Ae' anda' basef amama ma monda' ambagof ipe'imi aom. Dei' main? Gawaimi ipe'imi hiami mape la'afena ipe' amam la'ifima mowaloga anom basef motaga la'afena sahin owan bias ipe'isi.

2 Korin 10:1

Ae' Pol ahali'ipa nimanis aila waf Kraisi so'umbilinai si'i anan nanda' okom ananinai nefe' owina epes hiesi. Dei' anifelipa ma anom amamaga etifim. Enis epes sambaso'me sa'ipi na'ama sa'i, “Anan ata' nape naloma ape' nanda' anan nafe' sa'osa'ona nafe' owin, ea' nogota anama nafe' napani laogon nanda' basef la'ifimi ma ape'.”

2 Korin 8:24

Ea' ipe' pihi'ambanago waf ukup mimila enis epes. Penda'am na'ama ma amam wanom ama esis Kristen hiesi sogawa endilisi waf anama ipe'inai, ma sogawa wapoti' afa' wa'i endilisi nambimb ipe' pigiambama esis kwahusi.

Galesia 5:23

waf so'umbilanai, naloma waf ukup bo'omi mapaisa sumafi alop andeande'. Owa' anom basefa mi'uli atotona nape lu'una nikila' waf anama bu'unai, owa'.

Galesia 6:1

Sahin owan, ipe' i'i piti enin epen ipe'ini nenda' anona waf aonai, ipe' enipa pape la'ifipama Ambal Bu'unai Godi pigiambaman pi'ipan so'uso'umbel. Ipe' hipei atona etin pindumafuma andeande' ma waf ipe' panda'anai. Na'ama Satan nogwamba ipe' wapoti'.

Galesia 6:4

Epes hiesi atona etin ata' sowaloga maol asasinai deindei', bo'ona o aona. I'i bo'ona, epen inima nindanifel ma maol anama ananinai. Ea' enin maol a'ana newaloga maol enin epeni.

Efesus 4:2

Ipe' pepe la'afen endilisi ma epes hiesi penda'as sa'osa'ombemas. Esis sonda'mepa waf aonai, pinindifa ukup ipe'imi la'ifim pepe pitilis. Ipe' ina ukup mohafel aom, owa'. Ukup mimila sahin owan ipe'isi pigiambamas pefa' nimanimi pelomas.

Filipai 1:27

Dei' fe' ipe'inai nefe' bo'ona nila basef bu'wami Kraisi. I'i ae' efe'mago ipe', o i'i eme' basef atoma ipe', ea' hapaimi. A'i ata' egawa ipe' paitu la'ifipa opalef etifim pandagigiambanama pafela esisa sembale'efa basef amama bu'wami

Kolosi 3:12

God anan nandandepepa ea' pape amam nematawa ananipei okom nainailipa endilisi. Ea' ipe' penda' waf bu'unai na'ama. Ipe' piti epes hiesi uwahipis la'ela'ef pigiambamas penda'as andeande'. Ipe' petalogofa ipe' pepe owina enis epes, penda' waf so'umbilinai ma esis ea' pepe piti esis sonda'mepa waf naninani aonai ipe' ma tol pepe opalef awanem.

1 Timoti 4:12

Esis sati ine' ukup ma'i, ine' ata' awomina, ea' ina ni'i aho'ma si'i ine' aman falafinai, owa'. Ine' nepe si'i ikwaf bu'unai ma esis Kristen sila waf bu'unai ine' nanda'anai ma fe' pe ki bale'ef ine'inai, noloma waf anama okom na'ina'ianai noloma waf bu'unai.

1 Timoti 6:11

Ea' ine' aman Godi newa' alafugama amamaga amama ea' nefe' nila waf anama bu'unai. Nenda' maola nefa' waf bu'unai endilisinai Godi, nembale'efa Jisasa okom ninila epes hiesi. Nenda'am na'ama ma nitu la'ifina ma waf aonai enis sonda'menanai. Ine' nenda' waf so'uso'umbela enis epes.

2 Timoti 2:25

Anan nuwalipas sa'ombel nihi'amba andeande' epes isima sandaiwa'manai sosambala basef ananimi. Anan nonda' maol na'ama nigiambamas, anona nemaf somboma opalefa sogawa basef endilisimi andeande'.

Taitus 3:2

Esis owa' sonda' enin epen findiwan ma basef awami. Esis ina sifitap, owa'. Sope opalef awanem. Esis la'ela'ef sope sonda' waf so'uso'umbilinai ma epes hiesi.

Hibrui 13:5

Ipe' ina pila waf aonai anama ukup mohafel endilisi ma otamba, owa'. Amamaga ipe' pahapilami, amama ipe' ukup mopomam na'ama mi'i, “Amama andeande'. Amama nambimb dende'ma ape'.” Dei' main, God na'iam na'i, “Ae' ina anona nemaf okom nose'e ipe' ewa'epa alafuga, owa'.”

Jems 1:21

Amama atom dei' ipe' kwahago waf aonai neloma waf aonai hianai hi'ilana. Waf anama aonai epes hiesi sanda'ana la'ela'ef. Ea' pinindifa ipe' pepe owina Goda pefa' basef amama ananimi mope opalef ipe'imi. Basef amama la'ifimi ma mofa'ai ipe' pitanima pifi'mai God.

Jems 2:18

Ea' enin epen na'i, “Ine' epen nembale'efa Krais ea' ae' anda' waf bu'unai.” Dei' a'ipa epen inima na'ama a'i, “Ine' nihi'ambe bale'ef anama ine'inai waf bu'unai owa' neataga nelomana. Waf bu'unai ae' anda'anai ihi'ambena bale'ef ae'anai.”

Jems 3:1

Ipe' sahin owan ae'ipei, na'ama ipe' hipei petaga gawaipei tisa etipa, owa'. Dei' main, ipe' pegawa anona nemaf God nowaloga afa' tisa wawalipasa basef bu'wami Ananimi nowalogafa ma basef la'ifimi endilisi. Ea' enis Kristen nowalogas sa'osa'ombel.

Jems 3:17

Ea' gawa nafi'i heveni nawalapa waf bu'unai na'ama. Waf nape nali'i, ukup epesi mope bo'om andeande'. Ea' waf bu'unai hianai wapoti' na'ama. Epes sape opalef awanema opalef etifim maloma enis epes. Ea' sanda' waf so'uso'umbilinai sati uwahipis endilisi ea' sanda' waf bu'unai ma sagiambama enis epes. Esis ina malogof biam sa'i anom basef, owa'. Sa'i basef endilisimi atom. Esis ina sanda' waf biefina sanifela enis sosambala enis, owa'. Esis ukup ma'i epes hiesi na'ama etin.

1 Pita 1:15

God nofala ipe', Anan bo'ona andeande'. Ea' ipe' wapoti' pepe na'ama etin si'i Anan, pepe ananipei etipa andeande' ma fe' pe anama ipe'inai hi'ilana.

1 Pita 2:12

Ipe' penda' waf bu'unai andeande' ma naep esis sololama Godi. Penda'am na'ama ma maina nemaf esis si'i basef awamima ipe', atuwasi siti waf bu'unai ipe' panda'anai ea' sinifela waf anama si'i bu'unai. Penda'am na'ama, ea' nemaf akutainai Anan niefi'ianai ma esis sefela agel Ananinai lu'una.

1 Pita 2:9

God nosahe' ipe' ea' pape epes Ananipei. Ipe' panda' maola dembinai king Jisas Krais pendilalimana si'i pris. Ea' pape amam nematawa Godi etipa epes hiesi ganima hiagoma. God nosahe'epa ea' Ananipei etipa ma pewalapa pepel bu'unai naloma agel lu'unai Ananinai. Anan nofalepa nanda'epa pakwaha owamb pafi'mai nafifili bu'unai Ananinai.

1 Pita 3:4

Sosaf ipe'inai na'ama, ipe' pefalo'ma opalef ipe'imi nomona ukup ipe'imi ma waf bu'unai endilisinai. Sosaf anama ina anona nemaf aona, owa'. Nope la'ela'ef na'ama. Opalef ipe'imi mope awanem ea' ambagof ipe'imi mope andeande'ma waf so'umbilinai. Sosaf anama bu'unai endilisi ma naep Godi.