Jems 2:5 - Basef Buꞌwami Godi

⁵ Ipe' sahin owan ae'ipei, ipe' peme'! God nandandepa epes isima kwahusi ma otamba hiahaom maim ma dei' sape la'ifis sombale'efana la'ela'ef sape bo'wes andeande' si'i epes isima amamaga hiamisi. Anan nandandepasa sofa' amamaga bu'wami wambel Ananinai. Amamaga amama na'i basef endilisimi atom la'ifimi noso' emi egafis ukup maimaila Godi.

Jems 2:5 Iomraidhean Croise

Matyu Nandaꞌafi 11:5

Isima naep mase'asi asati wapoti', bo'wagah awamisi safe' andeande', awes aonai nanda' alop asasinai nambu'wi ambo'wes, aligah mase'asi same' basef andeande', saga'i sotanima sohafel wapoti' ea' kwahusi same' basef bu'wami Godi.

Matyu Nandaꞌafi 25:34

Ea' ae' dembiwei king i'ipa esis isima sape lagel kwahisinai i'i, ‘Ipe' Ahalome ae'anai nofalo'mepa ma pendanifel, ipe' piwis kingdom Ananinai pefa' amamaga amama ipe'imi fowa' etap owa' ata' neatagai ma'omipei.

Matyu Nandaꞌafi 5:3

Anan na'i, “Ipe' emi egafipa pegawa ea' ipe' etipa owa' la'ifipama penda' maol bu'unai Godi, dei' ipe' pandanifel pape andeande'. Dei' main, ipe' pawis ea' kingdom heveni.

Mak Nandaꞌafi 7:14

Ea' Jisas nofalai amam nematawa hiesi wapoti' safi'mai anan ea' na'ipas anom basef womun etin na'i, “Ipe' hipei peme' basef ae'ami okokomam pegawam andeande'.

Luk Nandaꞌafi 12:21

Amama na'ama etin si'i epes satama amamaga hiami asasimi atom sambe'am ma'oh. Esis amamaga a'asa naep Godi.”

Luk Nandaꞌafi 12:32

Ipe' epes si'i sipsip kwaie'umi ina umbamohepa, owa'. Ahalomepa ipe'inai okom bo'ona ma ipe' piowis wambota ananinai numafipa.

Luk Nandaꞌafi 16:22

Anom afagof mafe'ma ea', aman anama falafunai naga', ea' anom ensel mofa'ana mafe' mahaponana nape wambel bu'unai felefele'ma Abraham. Ea' aman anama amamaga hiamunai anan wapoti' naga, sawana.

Luk Nandaꞌafi 16:25

Ea' Abraham na'ipana na'i, ‘Nogalome, ine' okom nondanda'ma fowa' ata' nape naminai etap anae' nefa' amamaga bu'wami atom. Ea' Lasarus nofa' amamaga hiami awami. Ea' dei' wambel ana'e opaf ananinai nape bo'ona, ea' ine' nefa' nimanimi lu'wami.

Luk Nandaꞌafi 22:29

Ahalome ae'anai nase'e agel lu'unai na'ipi ape dembiwei, imafi enis epes. Ea' na'ama etin ae' ese'epa agof lu'wami i'ipipa pepe dembipei king pimafi enis epes.

Luk Nandaꞌafi 6:20

Jisas nati amam alupumi ananimi na'ipam na'i, “Ipe' kwahupei otamba maim a'ipei, ipe' pawis ea' wambota Godi numafipa. Amama atom dei' ipe' pandanifel pape.

Jon Nandaꞌafi 7:48

Ina anona dembinai o anona Farisi nembale'efana, owa'. Ea' amam nematawa isima hiesi, ina sogawa mi'uli Godi, owa'. Isima anona nemaf God nogwamasa waf aonai esis sanda'anai.”

Aposel 7:2

Ea' Stiven na'ipama basef na'i, “Ipe' sahin owan paloma ipe' ahape wapoti' ipe' peme' ae'. Fowa' gani bafalomafa afa'inai Abraham nape etap hiagoma Mesopotamia ina dei' nafe' wambel Haran, ata' owa'. Nogota anama God Dembinai nihi'ambana nafifili howalagon ea' natagamana.

Basef Amama Pol Nandaꞌam Mafeꞌma Esis Romi 8:17

Ape' mape awasi Godi. Ea' anona nemaf mofa' amamaga bu'wami Ahalomapai moloma amamaga anan nambe'ama Krais numafiami mofa'am moloma Krais. I'i dei' ape' mofa' nimanimi molomana, anona nemaf mofa' pe bu'unai endilisi nonda'apa mififil molomana.

1 Korin 2:9

Ea' ae' a'i basefa gawa anama si'i Baibel na'i, “Amamaga maim God nandondombam ea' ma emi egafis ukup maila Anan endilisi, amama mikila' ukup epesi. Esis ina la'ifisa same'am satolom sagawama ukup maloma naep aligah asasimi, owa'.”

2 Korin 4:15

Amamaga amama nimanimi hiami matagamafa ma wigiambamapa. Afa' wafe' wa'ipasa basef God nigiambamas na'a mefe' motaga la'ela'ef mefe'agon hi'ilagon. Ea' esis sonda' beten sinifela God sefela agel ananinai lu'una.

2 Korin 6:10

Afa' opalef nimanim endilisi, ea' la'ela'ef wandanifel. Wape si'i isima amamaga a'asi kwahusi ea' wase'asa amamaga afa'imi ma epes hiesi. Afa' amamaga a'afa si'i isima kwahusi, ea' waf bu'unai Godi nihi'ambafa wape si'i amamaga hiamifai.

2 Korin 8:9

Endilisi, ipe' pegawa eaf dembinai Jisas Krais nagiambamapa na'a. Eaf anama na'ama. Fowa' anan amamaga hiamunai, ea' dei' nataga wafinai endilisi. Nagiambamepa na'a nataga nape kwahunai, amama atom dei' ipe' pefa' waf bu'unai naloma amamaga hiami bu'wami.

Efesus 1:18

Ae' anda' beten ahali'ana ma nonda' ukup ipe'imi pegawa waf bu'unai ma amamaga bu'wami Anan nofalepa pape pehafami. Ma pegawa ambal namunai mape la'ela'ef noloma wambel Godi nahopagoma howalagon endilisima. Amama God nandondomba ma anona nemaf na'i nose'apa moloma epes ananisi endilisi.

Efesus 3:8

Endilisi ae' ape falafuwei agi' endilisi ma amam nematawa hiesi Godi. Ea' Anan okom nainaili nagiambame na'a ma anda' maol awalipa esis sololama Godi basef bu'wami ma Krais. Waf anama naloma basef amama bo'om endilisi mikila' gawa epes hiesi, ea' ina la'ifisa sagawa ofagema amama, owa'.

1 Tesalonaika 2:12

Wa'ipipam na'ama ma ipe' penda' waf nefe' andeande'ma God nitilipa ninifelipa. Ea' nofalepa pafi'i piwis pelomana wambel Ananinai howalogoma.

2 Tesalonaika 1:5

Waf anama ipe'inai bu'unai, God nihi'ambafa na'ama. Anan nowaloga ape' ma waf ananinai bu'unai atona. Nonda'am na'ama ma ni'i ipe' bu'upei ma piowis wambel Ananinai. Dei' ipe' pefa' nimanimi hiami. God nambimb nonda'epa bo'wepa ma pepe wambel Ananinai

1 Timoti 6:18

Ine' kipa epes isima amamaga hiamisi, sonda'ama sigiambama maol bu'unai. Esis la'ela'ef sowaloga amamaga asasimi soso' enis epes.

2 Timoti 4:18

Anona nemaf Dembinai nigiambame ma waf anama aonai hianai esis sanda'mianai, ea' nofa'e etanima nohapone epe wambel Ananinai gani ilif heven. Ae' a'i pepel howalagon nopaina la'ela'ef. Endilisi.

2 Timoti 4:8

Dei' amamaga amama bu'wami sasagih sikila'i sefa'ami sandandombam ma'ome. Amama na'ama. Nambimb Dembinai nofale ni'ipi ni'i, “Ine' aman bu'winai.” Dembinai anan aman bu'unai nowalogas ma nemaf anama. Nemaf anama lu'unai Anan nese'e amamaga amama bu'wami. Ea' ina noso' ae' atowe, owa'. Anan nose'asam emi egafis ukup maimaila Anan notaga nondawalap sotolona.

Hibrui 11:26

Anan okom na'i, i'i anan nofa' ambal aonai ma agel Kraisi, amama bu'wami endilisi mikila' otamba hiami maloma sosaf bu'unai hianai naninani esis Isipi. Dei' main, anan okom napoma amamaga amama bu'wami endilisi anona nemaf God na'i endilisi niese'anami.

Jems 1:12

Emi egafis saitu la'ifisa hiahaom meagwambasi matagamas, esis sondanifel. Dei' main, nemaf anama esis sikila' amama waf aonai naninani ea' hi'ilana, anona nemaf esis sofa' amamaga bu'wami si'i prais. Amama na'ama. Ambal namunai God na'i endilisi noso'asam emi egafis ukup maimaila anan.

Jems 1:16

Ipe' sahin owan, ae' okom nainailipa. Na'ama ipe' pembaso'ma ipe' etipa.

Jems 1:19

Ipe' sahin owan ae'ipei, ipe' ukup mopoma basef amama na'ama. Ipe' hipei pendandombam ulala peme' basef. Ea' ina pi'i anom basef pegwam ulal, owa'. Ea' ina ukup wandafum mehip, owa'.

Jems 1:9

Sahin owan Kristen emi egafis kwahusi esis sondanifel ma God nafelas nigiambamas dei' anona nemaf wapoti'.

1 Pita 1:4

Ea' dei' mape mohafana anona nemaf nose'apa amamaga bu'wami endilisi. Amama bo'om endilisi, ina anona nemaf aom folo'olam hi'ilam, owa'. Amama mape bo'om la'ela'ef, God nambe'am ma'oh mohafa ipe' otaga ilif.

2 Pita 1:11

I'i ipe' pilam, anona nemaf God nonda' eaf nogal alihina pendanifel pefe' piwis wambel Jisas Krais Dembinai ape'inai nape la'ela'efa. Anan atona nofa'apa motanimani.

Revelesen 2:9

Ae' egawa nimanimi amama matagamipei ea' Ae' egawa ipe' pape kwahupei otamba hiahaom maim a'epa. Owa'etin. Ipe' amamaga hiami ma'omepa gani ilif heven. Ae' egawa basef amama awami enis epes sa'iama ipe'. Amam nematawa isima sambaso'mepa sa'i, ‘Afa' Juda.’ Ea' esis ina saila waf Judai, owa'. Esis sambaso'mepa. Esis wambota Satani etis. Ae' egawa amamaga amama.

Revelesen 21:7

Emi egafis situ la'ifisa sili'amona wandafa waf aonai, esis anona nemaf sofa' amamaga amama hiami bu'wami do'ok a'ipipami. Ea' ae' epe God asasisiwei, esis sope awasi ae'asi.

Revelesen 3:18

Ea' ese'epa gawa ma ipe'. Gol Ae'ami dei' fandom mataga bo'om endilisi. Andeande'ma ipe' petalom petaga bu'upei amamaga hiami endilisi. Andeande'ma petala luwaguf afitimi pelam muli'akwa alop ipe'inai ma esis ina siti alop ipe'inai nope wafifina ea' ambagof aom, owa'. Andeande'ma ipe' petala anona marasin penda'ana naep ipe'imi ma piti andeande'.