Jems 2:23 - Basef Buꞌwami Godi

²³ Ea' basef amama mail buk Baibeli mataga alihim mandawalap. Basef amama ma'i, “Abraham nembale'efa God, dei' God nofalana na'i anan aman bu'unai andeande'.” Ea' God nofalana na'i, “Anan alupunai Ae'anai.”

Jems 2:23 Iomraidhean Croise

Mak Nandaꞌafi 12:10

Ipe' patalifa basef Godi pegawam ea'. Basef Baibeli ma'i na'ama ma'i, ‘Owap anama mala' ifagwi magwasi'ana dei' nataga nape owap nape nali'i nembalo' ipat.

Mak Nandaꞌafi 15:27

Felefele'ma Jisas naima, amam soldia maunda anom biam manda' waf aonai manda' wali. Amam maunda Jisas nail la'afen, ea' maunda amam biam mail wa'owa'ol. [

Luk Nandaꞌafi 4:21

Ea' na'ipas na'i, “Ipe' pame' ae' atalifa basef Godi fowa'imi etin ea', dei' mataga alihim endilisi mandawalapa ae'.”

Aposel 1:16

“Sahin owan ae'ipei, anom basef mail buk Baibel fowa' gani Ambal Bu'unai Godi na'ipa dembinai king Devit ma'iam na'ama ma'i aman anama Judas anona nemaf nonda' waf aonai ma nihi'amba Jisas naumbih Ananimi. Eaf ina naso', owa'. Nagal. Basef amama mataga alihim. God atona na'i, dei' basef amama mataga mandawalap. Fowa' Judas ina dei' nanda' waf aonai nawalapa Jisasa amam, ata' owa', nogota anama

Basef Amama Pol Nandaꞌam Mafeꞌma Esis Romi 11:2

Epes hiesi isima Godi anan fowa' nandandepas ea', ina nali'amonas, owa'. Ipe' pegawa basef Elaijai mail Baibeli. Elaija nanda' beten nanda' kotima esis Israela God, na'i na'ama na'i,

Basef Amama Pol Nandaꞌam Mafeꞌma Esis Romi 9:17

Ea' Baibel na'i God na'ipa dembinai king Fero na'ama na'i, “Ae' a'i ihi'ambasa pepel ae'anai epes hiesi ma anona nemaf sowalapa agel ae'anai ma etap hiagoma. Amama atom dei' afelena nanda' amamaga amama.”

Galesia 3:22

Amamaga mamumami mombalo'apa mape etap anae'. Waf aonai anama nombalo'apa mapoma anona nemaf ape' mombale'efa Kraisi mofa' amama bu'wami. Amama fowa' gani God na'i basef endilisimi atom ma anona nemaf noso' esis sembale'efa Kraisi sefa'am.

Galesia 3:6

Ipe' ata' ukup mopoma Abraham. Anan si'i anona ikwafa waf bu'unai pembale'efa God. Basef Baibelimi ma'iam alihim ma'i, “Abraham nembale'efa God. Amama atom dei' God na'i anan aman bu'unai.”

2 Timoti 3:16

Ambal Bu'unai Godi atona nafela ukup amam profeti manda' basef amama hiami mape Buk Baibeli. Basef amama bu'wami ma mose'apa gawa bu'unai, mih'ambapa waf aonai ma mokwahona, mihi'ambapa fe' ape'inai, muwalipapa ma mila waf bu'unai.

Jems 2:24

Basef amama mail buk Baibeli mihi'ambapa dei' ipe' pegawa bale'ef atona God ina na'i epes bo'wes andeande', owa'. Esis sombale'ef endilisi ma sanda' waf bu'unai wapoti', anan nofalas na'i epes bu'wasi andeande'.

1 Pita 2:6

Dei' main, basef fowa' God na'iami mail buk Baibeli ma'iam na'ama ma'i, “Peme', Ae' anda' anona owap lu'unai na'oh etap. Owap anama bu'unai satalona moni lu'unai nape nali'i ma nonda' ipat la'ifina. Dei' ae' ambe' owap anama na'oh wambel lu'unai Saion. Emi egafis sombale'efa Anan, esis ina anona nemaf ukup aom, owa'.”