Jems 2:21 - Basef Buꞌwami Godi

²¹ Fowa' gani akunamapa ape'inai Abraham na'i nondolali ma nogalomana ananinai Aisak nondolalimana ma Goda balata anama sondolalima Goda. Amama atom dei' God na'ipana na'i anan aman bo'ona andeande'. Anan nanda' waf bu'unai dei' God na'ipana basef amama na'ama.

Jems 2:21 Iomraidhean Croise

Matyu Nandaꞌafi 12:37

Basef ipe'imi atom anona nemaf God neme'epamam newaloga ipe' ni'i ipe' epes bu'wipei. Ea' i'i owa', ea' basef amama ipe'imi atom anona nemaf God neme'epamam wapoti' newaloga ipe' ni'i ipe' epes aopei.”

Matyu Nandaꞌafi 3:9

Ipe' ina ukup mondanda' mi'i, ‘Abraham anan ahalomapa ape'inai’, owa'. Ae' a'ipipa endilisi, God anan la'ifinai ma nonda' otamba amama motaga epes si'i awasi Abrahami.

Luk Nandaꞌafi 1:73

Anan na'i basef amama endilisimi atom na'iam la'ifimi gani ilif naloma akunamapa ape'inai Abraham.

Luk Nandaꞌafi 16:24

Ea' nofalana na'i, ‘Ahalome Abraham, ine' niti uwahipiwi nesapa' Lasarus nufi'i nola faf ananinai tu'wanina atona embel nupihi'ame afega ae'anai. Ae' ame' nimanimi lu'wami endilisi ma nif amae'.’

Luk Nandaꞌafi 16:30

Ea' na'ipana na'i, ‘Ahalome Abraham, owa'etin. Ina nambimb mome'am, owa'. Ea' i'i enin epen naga'i nehafel hi'agif nefe'ma amam, nambimb meme'ana momboma opalef.’

Jon Nandaꞌafi 8:39

Esis Juda sagwamana basef sa'i, “Bafalamapa ape'inai Abraham.” Ea' Jisas na'i, “I'i ipe' Abraham batawisanai, ipe' penda' maol Abrahami. Owa'etin. Ea' pa'i mehipa pehe eaga'. Ae' a'ipipa basef endilisimi atom ame' God na'ipiami. Abraham ina nanda' waf anama si'i ipe' pa'i pehe ega', owa'etin.

Jon Nandaꞌafi 8:53

Ea' sahali'ana wapoti' sa'i, “Ine' nikila' bafalomapa ape'inai Abraham? Anan naga' ea' amam profet wapoti' maga'. Ea' ine' na'i ine' emi egafina?”

Aposel 7:2

Ea' Stiven na'ipama basef na'i, “Ipe' sahin owan paloma ipe' ahape wapoti' ipe' peme' ae'. Fowa' gani bafalomafa afa'inai Abraham nape etap hiagoma Mesopotamia ina dei' nafe' wambel Haran, ata' owa'. Nogota anama God Dembinai nihi'ambana nafifili howalagon ea' natagamana.

Basef Amama Pol Nandaꞌam Mafeꞌma Esis Romi 3:20

Dei' main, waf anama maila mi'uli anama, owa' enin epen atitin anona nemaf nefa' agel epen bu'unai andeande' ma naep Godi, owa'. Mi'uli anama nihi'ambapa waf aonai ape' manda'anai.

Basef Amama Pol Nandaꞌam Mafeꞌma Esis Romi 4:1

Ape' mi'i basefa Abraham akunamapa ape' Judai mi'imama? Anan nanda' maina God na'i anan epen bu'unai?

Basef Amama Pol Nandaꞌam Mafeꞌma Esis Romi 4:12

Ea' anan akunamas epes isima Juda satopa' alopi wapoti'. Ea' esis ina satopa' alop atona, owa'. Esis saila bo'wagah Abrahami sombale'efa God si'i fowa' anan nembale'efana nogota anama ata' owa' neatopa' alop.

Basef Amama Pol Nandaꞌam Mafeꞌma Esis Romi 4:16

Abraham nembale'efa God. Amama atom dei' God na'ipana basef amama endilisimi atom bu'wami ma ape' mogawa endilisi God na'ipas basef amama wapoti' na'i ape' hiapai bafalomapa Abrahami, nase'apam etin si'i presen. Ina nase'asa epes isima saila mi'uli anama atona, owa'. Emi egafis sembale'efa God na'ama etin si'i Abrahami, esis wapoti'. Anan nali' nembale'efa God nataga bafalomapa nali' endilisi ma ape' hiapai emi egafipa dei' magi' membale'efa God.

Hibrui 11:17

Abraham nembale'efa God endilisi ma basef amama na'i endilisimi atom nalomanomi. Ea' dei' God nagwamba Abrahama nese'ana Aisak nondolalimana ma God. Endilisi, Abraham nape nohafa noha nogalomana ananinai nondolalimana.

Jems 2:18

Ea' enin epen na'i, “Ine' epen nembale'efa Krais ea' ae' anda' waf bu'unai.” Dei' a'ipa epen inima na'ama a'i, “Ine' nihi'ambe bale'ef anama ine'inai waf bu'unai owa' neataga nelomana. Waf bu'unai ae' anda'anai ihi'ambena bale'ef ae'anai.”

Jems 2:24

Basef amama mail buk Baibeli mihi'ambapa dei' ipe' pegawa bale'ef atona God ina na'i epes bo'wes andeande', owa'. Esis sombale'ef endilisi ma sanda' waf bu'unai wapoti', anan nofalas na'i epes bu'wasi andeande'.