Jems 2:18 - Basef Buꞌwami Godi

¹⁸ Ea' enin epen na'i, “Ine' epen nembale'efa Krais ea' ae' anda' waf bu'unai.” Dei' a'ipa epen inima na'ama a'i, “Ine' nihi'ambe bale'ef anama ine'inai waf bu'unai owa' neataga nelomana. Waf bu'unai ae' anda'anai ihi'ambena bale'ef ae'anai.”

Jems 2:18 Iomraidhean Croise

Basef Amama Pol Nandaꞌam Mafeꞌma Esis Romi 14:23

Ea' emi egafis ukup biefima sea'am, ofagema asasimi atom. Dei' main, esis ina sombale'ef la'ifis ma sa'am, owa'. Amamaga hiami epes owa' sombale'efa God sanda'ami, amama awami.

Basef Amama Pol Nandaꞌam Mafeꞌma Esis Romi 3:28

Ape' mogawa emi egafis sembale'efa Jisas atona, God na'i esis sataga epes bu'wasi andeande'. Ea' esis ina saila mi'uli anama God fowa' naso' Mosesanai, owa'.

Basef Amama Pol Nandaꞌam Mafeꞌma Esis Romi 4:6

Fowa' Devit wapoti' nanda' anom basef mail buk Baibela emi egafis God natilis na'i epes bu'wasi, isima sandanifel. Esis ina sanda' maol, owa'. Sembale'efana etin dei' na'i esis epes bu'wasi.

Basef Amama Pol Nandaꞌam Mafeꞌma Esis Romi 8:1

Basef amama mali'i ofagema amama. Ape' amam nematawa mape la'ifipa maloma Krais Jisas, ina ata' anom basef dei' ma God nonda'mapa basef lu'wami mofa' nimanimi ma waf aonai ape' manda'anai, owa'etin.

Basef Amama Pol Nandaꞌam Mafeꞌma Esis Romi 9:19

Ea' anona ma ipe' atuwasi ni'ipa ae' na'ama ni'i, “I'i na'ama, dei' maina God ata' na'iam etin na'i epen ofagema mapomana waf aonai anan nanda'anai? Emi la'ifina nesambalo' okom Godi? Owa'etin.”

1 Korin 13:2

I'i Ambal Bu'unai Godi nose'e presen amamaga bu'wami nefele ma ewalipasa basef Godi ma egawa okom hiami Godi mape mandamabahi'i hi'ilam, ama egawa gawa hianai wapoti', ma embale'efa God la'ifiwi endilisi ma la'ifiwi ma i'ipama halafutagw mindiki'ah mefe' gani to'wan, ea' ae' owa' okom ninila esis amam nematawa endilisi, ae' falafuwei atowe.

2 Korin 5:17

Emi egafis sope soloma Kraisi, God nanda' esis sataga dambais endilisi. Dei' peme' andeande'. Waf anama apinai asasinai hi'alana. Dei' saila waf dambainai.

2 Korin 7:1

Ipe' alupipei afa'ipei endilisi, ape' mofa' basef amama Godi endilisimi la'ifimi. Ea' mokwaha amamaga amama awami mape nomona alop naloma ambagof ape'imi ea' mope bu'upai umbamahepama God mila waf bu'unai.

Galesia 5:6

Emi egafis sepe la'ifisa Krais Jisas, waf anama matopa' alopanai o owa' motopa' alopanai anama falafunai atona owa' la'ifina. Ea' waf sombale'efa Krais atona nawalapai waf ukup maimailasanai. Amama bu'wami endilisi mikila'.

1 Timoti 1:5

Ea' mi'uli anama dei' a'ipinanai, i'i esis sombale'efana silana, basef mape opalef nomoni ma'iami ma'ipas mihi'ambasa waf esis sanda'anai ina aona, owa'. Esis sombale'efa God endilisi. Ama nambimb waf anama hianai nefela ukup asasimi mimila God noloma enis epes wapoti'.

Taitus 2:7

Ine' etina nenda' waf bu'unai atona amam mutilina ma milina monda' waf hianai bu'unai. Opeh amama niwalipa epes, ine' owa' ni'iam moloma basef awami, owa'. Ni'ipas basef bu'wami endilisimi atom. Okom ine'inai nopoma waf bu'unai atona nenda' opeh amama niwalipas la'ela'ef.

Hibrui 11:31

Nemata'w akwama kwanda' so'a waola amami Rahap, akwa'w kombale'efa God. Amama atom dei' amam biam mandambaho' mafi'i matologini kumafiam andeande'. Ea' dei' akwa'w ina afu'w kwaloma epes isima wambelisi sosambala basef Godi, owa'.

Hibrui 11:33

Amam amama membale'efa God. Amama atom dei' maitu la'ifim mikila' wandaf mahagofa soldia amam king dembemi hiami. Mape dembemi mumafiasa waf bu'unai ea' mofa' amamaga bu'wami God na'i niese'amami. Ea' masopama malogofa mafis amama laion wandafumi lu'wami.

Hibrui 11:6

Epes owa' sembale'efa God, esis ina nambimb sila okom Ananinai, owa'. Dei' main, emi egafis si'i sefe' felefele'ma God, esis sombale'efana sogawa endilisi Anan nape namunai la'ela'ef. Ea' sembale'efana ma God nose'as amamaga bu'wami epes isima sagolopana endilisi.

Jems 2:14

Ipe' sahin owan ae'ipei, i'i enin epen ni'i, “Ae' embale'efa Krais” ma waf ananinai ina bo'ona, bale'ef ananinai falafunai atona. Bale'ef anama ina la'ifina ma anona nemaf God nofa'an notanimani, owa'.

Jems 3:13

Ipe' emi egafipa gawa bu'unai hianai napaipei, ipe' pepe na'ama. Fe' ipe'inai nihi'ambas gawa ipe'inai enis epesa penda' waf bu'unai noloma maol bu'unai. Maol anama ipe' panda'anai pepe owina epes pila waf gawa bu'unainai.