Jems 2:13 - Basef Buꞌwami Godi

¹³ Dei' main, emi egefis owa' siti uwahipis enis epes, owagama God ina niti epes isima uwahipisa nemaf anama nowaloga esisanai, owa'. Ea' emi egafis siti enis epes uwahipis, God anona nemaf ina nowaloga epes isima ni'i awes, owa'. Waf anama ape' mi'i uwahipisanai nikila' endilisi.

Jems 2:13 Iomraidhean Croise

Matyu Nandaꞌafi 5:7

Ea' ipe' emi egafipa pati enis epes uwahipis, dei' ipe' pandanifel ea'. Dei' main, nambimb God niti ipe' uwahipipa.

Matyu Nandaꞌafi 6:15

I'i ipe' owa' pekwahomasa waf aonai enis epes sanda'mepanai, Ahalomepa nape heven ina nekwahomepa waf aonai ipe' panda'anai wapoti', owa'etin.

Luk Nandaꞌafi 16:25

Ea' Abraham na'ipana na'i, ‘Nogalome, ine' okom nondanda'ma fowa' ata' nape naminai etap anae' nefa' amamaga bu'wami atom. Ea' Lasarus nofa' amamaga hiami awami. Ea' dei' wambel ana'e opaf ananinai nape bo'ona, ea' ine' nefa' nimanimi lu'wami.

Luk Nandaꞌafi 6:37

Ipe' ina pewaloga enis epes si'i anona jas dembinai nawaloga basef kot lu'unai, owa'. Ama anona nemaf God ina nowalogepa, owa'. Ipe' ina pembaso'ma enis epes, owa'. Ama anona nemaf God ina nombaso'ma ipe' wapoti', owa'. Ipe' pekwaha waf aonai enis sanda'ma ipe'anai. Ama anona nemaf God nogwam nokwaha waf aonai ipe'inai.

Jems 3:17

Ea' gawa nafi'i heveni nawalapa waf bu'unai na'ama. Waf nape nali'i, ukup epesi mope bo'om andeande'. Ea' waf bu'unai hianai wapoti' na'ama. Epes sape opalef awanema opalef etifim maloma enis epes. Ea' sanda' waf so'uso'umbilinai sati uwahipis endilisi ea' sanda' waf bu'unai ma sagiambama enis epes. Esis ina malogof biam sa'i anom basef, owa'. Sa'i basef endilisimi atom. Esis ina sanda' waf biefina sanifela enis sosambala enis, owa'. Esis ukup ma'i epes hiesi na'ama etin.

Jems 5:4

Ipe' peme'. Ipe' ina pase'am otamba amam manda' opeh mala' gwa'aimi aof ipe'inai, owa'. Ipe' pefa' otamba amamumi, pati amam malopa otamba amamumi. Amam malopa otamba amamumi ea' God la'ifinai ma amamaga hiami name' lef amamunai.