Jems 1:9 - Basef Buꞌwami Godi

⁹ Sahin owan Kristen emi egafis kwahusi esis sondanifel ma God nafelas nigiambamas dei' anona nemaf wapoti'.

Jems 1:9 Iomraidhean Croise

Luk Nandaꞌafi 1:52

Anan natalogofa amam king dambami ea' nafela agofa isima sape owina enis epes.

Luk Nandaꞌafi 10:20

Ea' ipe' ina pendanifel ma ambagof awami mame' basef ipe'imi, owa'. Ipe' pendanifel ma God nanda' agof ipe'imi mail buk ananinai gani heven ilif.”

Luk Nandaꞌafi 14:11

Dei' main, epes emi egafis sefela agof asasimi atom, God nonda'as sisila'. Ea' epes emi egafis senda' agof asasimi misila'i, anona nemaf God nefela agofa esis.”

Luk Nandaꞌafi 9:48

Ea' na'ipam na'i, “Emi egafis sese' opalefa sigiambama enin sa'usa'win si'i ini'i ma ukup asasimi mopoma Ae', esis sase'e opalef Ae' wapoti' sagiambame. Ea' emi egafis sagiambama Ae'i, esis saso' opalef Anan nasapa'e afi'i wapoti'. Dei' main? Emi egafis sepe agof a'asi la'afena ipe' hipei, esis sape dembesi sali'ma ipe'.”

Basef Amama Pol Nandaꞌam Mafeꞌma Esis Romi 8:17

Ape' mape awasi Godi. Ea' anona nemaf mofa' amamaga bu'wami Ahalomapai moloma amamaga anan nambe'ama Krais numafiami mofa'am moloma Krais. I'i dei' ape' mofa' nimanimi molomana, anona nemaf mofa' pe bu'unai endilisi nonda'apa mififil molomana.

2 Korin 6:10

Afa' opalef nimanim endilisi, ea' la'ela'ef wandanifel. Wape si'i isima amamaga a'asi kwahusi ea' wase'asa amamaga afa'imi ma epes hiesi. Afa' amamaga a'afa si'i isima kwahusi, ea' waf bu'unai Godi nihi'ambafa wape si'i amamaga hiamifai.

Filipai 3:14

Ae' faso'me asagih mehip etaga ikwafa efa' agola waf bu'unai. Amama na'ama. Krais Jisas nanda' opeh bu'wami nagiambame ape la'ifiwi aloma anan. Dei' God nofale ma efe' epe la'ela'ef heven.

Filipai 3:3

God atona nandandepapa mape ananipai. Ambal Bu'unai Ananinai atona dei' manda' lotumana mafela agel Jisas Kraisi atona. Ape' ina mombale'efa waf satopa' alopanai nagiambamapa, owa'.

1 Pita 2:9

God nosahe' ipe' ea' pape epes Ananipei. Ipe' panda' maola dembinai king Jisas Krais pendilalimana si'i pris. Ea' pape amam nematawa Godi etipa epes hiesi ganima hiagoma. God nosahe'epa ea' Ananipei etipa ma pewalapa pepel bu'unai naloma agel lu'unai Ananinai. Anan nofalepa nanda'epa pakwaha owamb pafi'mai nafifili bu'unai Ananinai.

Revelesen 2:9

Ae' egawa nimanimi amama matagamipei ea' Ae' egawa ipe' pape kwahupei otamba hiahaom maim a'epa. Owa'etin. Ipe' amamaga hiami ma'omepa gani ilif heven. Ae' egawa basef amama awami enis epes sa'iama ipe'. Amam nematawa isima sambaso'mepa sa'i, ‘Afa' Juda.’ Ea' esis ina saila waf Judai, owa'. Esis sambaso'mepa. Esis wambota Satani etis. Ae' egawa amamaga amama.