Jems 1:5 - Basef Buꞌwami Godi

⁵ Emi egafis gawa bu'unai a'asi, esis sonda' beten sihali' Goda nose'asana. Dei' main, Anan nase'asa amamaga hiami na'a ma epes hiesi, ina ninifalis, owa'.

Jems 1:5 Iomraidhean Croise

Matyu Nandaꞌafi 11:20

Wambel hiagoma taun fowa' Jisas nali' nafe' nanda' ikwaf naninani la'ifinai esis satolom sogawam ea' esis ina samboma opalef safe'ma God, owa'. Na'ama dei' Jisas okom numbutina

Mak Nandaꞌafi 16:14

Amama mafe'ma ea', alupumi 11-peleim Jisasi mape ma' gwa'aimi etin, Jisas nafe' natagamam. Nimbewa' enis satolona notanima nohafel wapoti' ea' sa'ipa amam ma Anan nahafel ea'. Owa'. Amam ina membale'efas ma'i sa'i endilisi, owa'. Ma'i opalef amamumi maso'. Na'ama Jisas na'ipama basef la'ifimi.

Jon Nandaꞌafi 14:13

Amamaga hiami ipe' penda' beten pihali'ana agel ae'anai, anona nemaf ae' enda'am. Ama Ahalome nofa' agel lu'unai ma opeh ae' nogalomana ananiwei anona nemaf enda'am.

Jon Nandaꞌafi 15:7

I'i ipe' pepe ae' ma basef ae'ami mope nomona ipe', ipe' pihali' ae' ma maim basef pendahama ukup ipe'imi ma'iam, anona nemaf amamaga amama motagamepa na'ama etin.

Jon Nandaꞌafi 4:10

Ea' Jisas nagwama'wa basef akwa'w na'i, “I'i ine' okom nopeina ma neagawa anom amamaga bu'wami pressen God na'i neasi'inami, ama ine' negawa aman anama nahali'inai ma embel, ine' nihali'anama anom embel ambal namunai napaimi Anan nese'enam.”

2 Korin 2:16

Ama wambota anama epes sape eaf higililasanai, alogw amama hi'apimi si'i saga'i. Ea' wambota anama sape eaf nafe' heveni, alogw amama bu'wami mase'as ambal namunai. Ea' dei' afa' ukup ma'i maol anama Godi wa'i ina enis epes la'ifisa onda'ana, owa'. Ea' afa' la'ififa wanda'ana.

Jems 1:17

Amamaga bu'wami hiami si'i presen, amama ahalomapa ape'inai nase'apam misila'i heven. Anan nanda' mafifili aon alipunai owambunai maloma ondowa motawa ilif otaga. Owaf naluwi, ambagof laom bandam. Ea' God ina nandaho'of na'ama si'i ambogof, owa'. Anan nape na'ama etin la'ela'ef hihif.

Jems 3:17

Ea' gawa nafi'i heveni nawalapa waf bu'unai na'ama. Waf nape nali'i, ukup epesi mope bo'om andeande'. Ea' waf bu'unai hianai wapoti' na'ama. Epes sape opalef awanema opalef etifim maloma enis epes. Ea' sanda' waf so'uso'umbilinai sati uwahipis endilisi ea' sanda' waf bu'unai ma sagiambama enis epes. Esis ina malogof biam sa'i anom basef, owa'. Sa'i basef endilisimi atom. Esis ina sanda' waf biefina sanifela enis sosambala enis, owa'. Esis ukup ma'i epes hiesi na'ama etin.

Jems 5:16

Amama atom dei' ipe' pewalapa waf aonai ipe' panda'anai atona etin ea' penda' beten ama ipe atona etina God nonda'epa bo'wepa. I'i enin epen bo'wen, beten ananinai la'ifina endilisi.

1 Jon 3:22

I'i ape' mi'i monda' beten mohali'ana ma anom amamaga, anan nose'apami. Dei' main, ape' maila okom ananinai manda' amamaga anan nandanifel ma ape' manda'ami.