Jems 1:4 - Basef Buꞌwami Godi

⁴ Ea' ipe' pitu la'ifipa ma waf anama neataga bo'ona ma ipe' ma anona nemaf petaga andeande' endilisi, waf aonai a'epa. Ama waf hianai Godi mope ipe', ea' ipe' ina anona waf bu'unai a'epa, owa'.

Jems 1:4 Iomraidhean Croise

Matyu Nandaꞌafi 10:22

Anona nemaf epes hiesi wambel hiagoma siti ipe' pila basef ae'ami, ea' opalef aoma ipe' endilisi. Ea' emi egafis sembale'efa Ae' la'ifis situma seatagama nemaf akutainai, anona nemaf God nefa'as sotanimani.

Matyu Nandaꞌafi 19:20

Ea' aman anama ata' sa'unai awaminai na'ipa Jisas na'i, “Mi'uli anama hianai ae' embale'efana ailana afi'i ea'. Dei' maina waf ata' nape?”

Matyu Nandaꞌafi 5:48

Na'ama ipe' pepe bo'wepa endilisi si'i Ahalomepa ipe'inai God nape heven ilif.

Mak Nandaꞌafi 10:21

Ea' okom Jisasi nohafela anan nainailana, na'ipana na'i, “Ine' anona waf bu'unai atotona ata' owa' neanda'anai. Ine' fo'o nese'asa amamaga ine'imi hiami enis epes sotaluma nefa' moni anama nenda'ana neso' isima kwahusi. Nenda'am na'ama ma anona nemaf nefa' amamaga bu'wami gani heven ilif. Ea' nembale'efa ae' nila ae'.”

Luk Nandaꞌafi 18:22

Ea' Jisas name' basef amama na'ipana na'i, “Ine' anona waf bu'unai atotona ata' owa' neanda'ana. Ine' fo'o nese'asa amamaga ine'imi hiami enis epes sotaluma ine' nefa' moni anama nenda'ana neso' isima kwahusi. Nenda'am na'ama ma anona nemaf nefa' amamaga bu'wami gani heven ilif. Ea' nifi'i nembale'efe ae' nila ae'.”

Luk Nandaꞌafi 21:19

Ipe' pepe la'ifipa ma anona nemaf pefa' ambal namunai.

Luk Nandaꞌafi 8:15

Ea' anom mowa etap bu'unai, si'i enis same' basef bu'wami sembale'am la'ifis. Opalef asasimi bo'om same' basef Godi sailam. Esis sape la'ifis sanda' waf bu'unai la'ela'ef, isima sape si'i olelemb mataga malo mail mola gwa'aimi andeande'i.

Jon Nandaꞌafi 17:23

Ine' nape naloma ae', ae' ape aloma esis, ea' na'ama etin ae' okom na'i esis sotaga ukup etifim endilisi. Ama esis amam nematawa etapasi sogawa ine' nasapa' ae' afi'i, ea' ine' okom nainaila esis endilisi si'i ine' okom nainaila ae'.

1 Korin 2:6

Endilisi ae' awalapa basef gawa napaimi ma emi egafis sembale'efa God la'ifisi sanda' waf Ananinai. Ea' gawa anama ina gawa etapanai, o gawa amam agufumi ma etap anae' anona nemaf hegililam, owa'.

Galesia 6:9

Amama atom dei' ape' ina ala'uta napa ma monda' waf bu'unai, owa'. Monda'ana la'ela'ef. I'i bihiguf ape'imi monda' maol la'ifina, anona nemaf mola' gwa'aimi bu'wami endilisi.

Kolosi 4:12

Epafras anan nandanifel nanda'mepago nemaf bu'unai ipe'. Anan wapoti' wambota ipe'inai, nanda' maol Krais Jisasi nape owina anan. La'ela'ef nanda' beten la'ifinai ma ipe'. Anan nanda' betena God nonda' ipe' pitu la'ifipa si'i epes dembipei pegawa God andeande' ma pembale'ef la'ifipa pila okom Godi la'ela'ef.

1 Tesalonaika 5:23

God anan ofagonama ukup awanem. Ae' a'i anan atona nonda'epa pepe bo'wepa andeande' ananipei etipa. A'i anan numafi ambagof moloma alop ukup ipe'imi andeande'ma waf aonai a'epa, pepe andeande' ma nemaf anama Dembinai ape'inai Jisas Krais niefi'ianai.

2 Timoti 3:17

Basef amama manda' ape' epes Godi la'ifipa endilisi ma monda' maol hianai bu'unai Ananinai.

Hibrui 13:21

Ae' a'i God nonda'epa la'ifipa nese'epa waf bu'unai hianai ipe' ma pila okom Ananinai atona. Ea' a'i Anan nonda' opalef ape'imi nomon ama mowalapa waf hianai bu'unai Anan okom na'inai ma pepel Jisas Kraisi atona. Ea' a'i epes hiesi sefela agel ananinai lu'una la'ela'ef hihif. Endilisi.

Jems 1:5

Emi egafis gawa bu'unai a'asi, esis sonda' beten sihali' Goda nose'asana. Dei' main, Anan nase'asa amamaga hiami na'a ma epes hiesi, ina ninifalis, owa'.

Jems 3:2

Ape' hiapai anom nimeguf owa' mila basef Godi andeande', owa'. Ape' mowa ma anona waf aonai ape' manda'anai. I'i enin epen ina nanda' waf aonai ma basef ananimi, enin epen bu'wani. Enin la'ifina nimafi alop naloma okom ananinai hi'ilana wapoti'.

1 Pita 5:10

God anan ofagonama waf anama nigiambamepa na'a. Ipe' pepe la'ifipa peloma Jisas Krais, amama atom dei' God nofalepa ma pepe nafifili pepel ananinai nape la'ela'ef. Ea' dei' ipe' pame' nimanimi nogota bandana. Anom nimeguf mofe'ma ea', anan Atona nonda'epa pataga bo'wepa ea' nonda'epa pitu la'ifipa si'i olaf la'ifinai nanda ipat notawa la'ifina.

2 Pita 1:9

Emi egafis waf anama a'asi, esis ina nambimb siti anom amamaga mape laogoma, owa'. Esis si'i naep mase'asi ea' ukup mase'asa God nasa'opas nakwahomasa waf aonai hianai esis sali' sanda'anai.