Jems 1:26 - Basef Buꞌwami Godi

²⁶ Emi egafin ni'i, “Ae' anda' lotu endilisi aila God” ma enin i'i owa' nimafi malogel ananinai andeande', epen inima nambaso'ma okom ananinai atona. Ea' dei' bale'ef ananinai ma lotu main falafunai atona.

Jems 1:26 Iomraidhean Croise

Matyu Nandaꞌafi 15:9

Esis ina sawalipasa basef ae'ami. Esis sawalapa mi'uli epes sape etapi sambaso'mas sa'i, “Mi'uli anama basef Godi.” Ea' sanda' lotu safela agel ae'anai atona.’ ”

Mak Nandaꞌafi 7:7

Esis ina sawalipasa basef ae'ami, owa'. Esis sawalapa mi'uli epes sape etapi, sambaso'mas sa'i, “Mi'uli anama basef Godi.” Ea' sanda' lotu safela agel ae'anai etin.’ ”

Luk Nandaꞌafi 8:18

Ea' ipe' pindumafuma peme' basef andeande'. Emi egafis sembale'efa basef Godi, nambimb God nowatanimasam wapoti'. Ea' isima owa' sembale'ami, anona nemaf basef kwawie'im amama esis sombale'am, God nondalombasam esis sopen etin.”

1 Korin 15:15

I'i na'ama, anom basef wapoti'. Dei' afa' otaga amam wambaso'ami wawalapa basef Godi. Dei' main, afa' wa'i basef alihim wawalapama God nafela Krais nohafel hi'agif wapoti'. Ea' i'i endilisi God owa' nofela saga'i, anan ina nafela Krais wapoti', owa'.

1 Korin 15:2

Ae' a'ipipa basef amama bu'wami. I'i ipe' pembale'am andeande', God nofa'epa pitanimani. I'i owa', pembale'am ina pailam.

1 Korin 3:18

Na'ama ipe' pembaso'ma ipe' etipa. I'i emi egalin ipe'inai okom ni'i enin gawaini si'i epes etapasi sofalasi, epen inima andeande'ma nemboma okom ananinai ata' netaga okom nahaga nagaolani nili' ma nambimb netaga epen gawaini endilisi.

Galesia 2:6

Amam agufumi esis Kristen sa'i agufumi asasimi, ae' andaiwa'ma efela agof enis epesi, owa'. A'i agof hiami falafumi atom. God ina nati alop ande' nowalogas, owa'. Anan nati ukup epesi nomon nawalogas. Amam ina ma'ipi anom basef wapoti' ma iwalipasam, owa'.

Galesia 2:9

Esis Kristen sa'i agufumi asasimi Jems naloma Jon naloma Pita. Amam mogawa God nagiambame na'a nase'e maol anama. Ea' manda'afa alupufai onda' maol atotona Godi. Ea' amam wanom ma'i aho' maso'afa lagof aloma Barnabas mihi'amba esis afa' waloma amam wape opalef etifim wanda' maol Godi atona. Ea' amam wanom ma'i aho'ma ondawalagatanima ma afa' biafa ofe' ma esis owa' Judaisi, ea' amam mafe'ma esis Juda.

Galesia 3:4

Dei' amamaga amama nimanimi fowa' ipe' pefa'ama maol bu'unai Godi pefa'am na'a? Owa'. Ae' a'i amama ina matagamepa na'a, owa'.

Galesia 6:3

I'i enin epen okom ni'i nembaso'am ni'i enin agel lu'unai ma enin agel a'an, epen inima nambaso'ma okom ananinai atona.

Efesus 4:29

Basef awami ina motaga malogof ipe'imi, owa'. Pi'i basef bu'wami atom pi'ipasam mandahama fe' pe ki asasinai. Penda'am na'ama ma pigiambama epes isima some' basef ipe'imi.

Efesus 5:4

Ipe' ina penda' basef awami o basef mamumami awami, o basef salamalimi awami, owa'. Waf anama ina andeande', owa'. Andeande'ma ipe' pinifela God.

Kolosi 4:6

Basef ipe'imi la'ela'ef motaga bo'oma pegwa basefa epes hiesi dende'ma amamaga maim ukup asasimi mapomami.

Jems 1:19

Ipe' sahin owan ae'ipei, ipe' ukup mopoma basef amama na'ama. Ipe' hipei pendandombam ulala peme' basef. Ea' ina pi'i anom basef pegwam ulal, owa'. Ea' ina ukup wandafum mehip, owa'.

Jems 1:22

I'i peme' basef Godi ina pailam, ipe' pambaso'ma ipe' etipa. Amama hapaimi. Ipe' peme'am pilam, andeande'.

Jems 2:20

Ine' aman okom nahaga nagaolinai, ine' nembale'efa Jisas atona, ama ina nanda' waf bu'unai wapoti', bale'ef anama ine'inai falafunai atona. Dei' ine' na'i negawa anama ofagema? Dei' i'ipina.

1 Pita 3:10

Si'i basef Godi mail Buk Baibeli ma'iam na'ama ma'i, “Emi egafis si'i sendanifela Ambal namunai ma ukup mi'i siti nemaf bu'unai, esis simafi basef nili'akwa malogof asasimi andeande' ma ina si'i basef baso'maimi.