Jems 1:25 - Basef Buꞌwami Godi

²⁵ Ea' basef mi'uli Godi matagahepa makwaha waf aonai, amama andeande'. Emi egalin niti mi'uli anama ofagema andeande' la'ela'ef nilam, epen inima God nofalo'man nonda'an nendanifela maina maol anan nanda'anai.

Jems 1:25 Iomraidhean Croise

Luk Nandaꞌafi 11:28

Ea' Jisas na'i, “Owa'etin. Ipe' amam nematawa pame' basef Godi ma pagi'mami, ipe' pandanifel ea'.”

Jon Nandaꞌafi 13:17

Dei' ipe' pegawa waf anama ea'. I'i pilana andeande', pendanifel.

Jon Nandaꞌafi 8:36

I'i Ae' Nogalomana Ananiwei etagahipa panda' waf aonai newa'epa la'ifipa, nambimb pepe andeande' wafifipa endilisi.

Aposel 13:43

Ea' esis sakwaha ipat esis Juda sa'i basef sapeinai sawisi ande' ea' esis Juda hiesi saloma enis epes hiesi sagi'mam. Esis isima saila waf esis Juda sanda' lotuwanai. Ea' amam biam mase'asa basef esis hiesi ma sape la'ifis sembale'efa God nanda' waf bu'unai ma ape' nagiambamapa etin.

Aposel 2:42

Amam nematawa isima sataga Kristen dambaisi esis la'ifis endilisi ma same' basef amam aposel mawalipasami sandagiambanama etin enis sahin owan sape etifigin etin sa' gwa'aimi sanda' beten etifigin atogon.

Aposel 26:22

Na'ama God nagiambame afi'i afi'i ataga dei' aitu na'ae ea' awalapa basef a'ipa epes hiesi agof a'asi saloma ipe' agufipei wapoti'. Ae' ina ewalapa anom basef, owa'. Awalapa basef amama Godi atom fowa' amam profet maloma Moses ma'iami ma amamaga owagama meatagai.

Basef Amama Pol Nandaꞌam Mafeꞌma Esis Romi 11:22

Ea' ipe' ukup ma'i andeande' okom biefim Godi uwahipimi maloma wandafumi wapoti'. Epes sakwaha waf ananinai, na'ipasa basef la'ifimi. Ea' ipe' God na'i uwahipipei, i'i ipe' pila uwahipimi amama, andeande'. I'i owa', anona nemaf notopa'epa wapoti'.

Basef Amama Pol Nandaꞌam Mafeꞌma Esis Romi 2:13

Ina epes isima same' mi'uli etini sataga bo'wes andeande'ma naep Godi, owa'. Emi egafis same' basefa saila mi'uli anama, amama atom anona nemaf God ni'i esis bo'wes andeande'.

Basef Amama Pol Nandaꞌam Mafeꞌma Esis Romi 7:12

Ea' ape' mogawa mi'uli atona anan bo'ona andeande'. Basef amama hiami mape mi'uli anama bo'om wapoti'.

Basef Amama Pol Nandaꞌam Mafeꞌma Esis Romi 8:15

Dei' main, ipe' ina pefa' Ambal Bu'unai Godi nowa'epa la'ifipa si'i sanda' kalabusi ma ata' umbamehepa wapoti', owa'. Ipe' pefa' Ambal Bu'unai anama nanda'epa pataga awasi Godi. Pepel Ambal Bu'unai atona dei' mofalana ma'i, “Ahalomapa! Ahalomapa!”

Basef Amama Pol Nandaꞌam Mafeꞌma Esis Romi 8:2

Dei' main, pepel Ambal Bu'unai Godi nase'apa ambal namunai ape', anan natagahepa ma pepel waf aonai naloma pepel naga'i. Anan nanda'am na'ama ma Krais Jisas atona ea' mape la'ifipa ma anan dei' mape wafifipa.

1 Korin 15:58

Ipe' alupipei ae'ipei endilisi, pepe la'ifipa andeande'. Ina umbamehepa petambel, owa'. La'el'ef pepe la'ifipa penda' maol Dembinai. Dei' main, ipe' pegawa maol anama panda'ana ma Dembinai, ina anona nemaf nowala etin, owa'.

2 Korin 13:5

Ipe' la'ela'ef pewaloga opalef ipe'imi pewalogam andeande'. Ipe' pembale'efa God endilisi o owa'? Ipe' pewaloga ipe' etipa. Ipe' pegawa Krais Jisas nape opalef ipe'imi o owa'? I'i ata' owa', ikwaf ipe'inai ina dei' pafe' pataga dende', ata' owa'.

Galesia 2:4

Basef amama Taitus natopa' alop o ina natopa' alop mataga na'ama. Fowa' amam mambaso'ami ma'i amam Kristen sahin owan endilisimi motopa' alop amamunai. Ea' mandambaho' mawisi nomona ape' Kristen ma'i miti waf bu'unai Jisas Krais nase'apana ape' mape la'ifipama Anan. Ea' dei' natagahepa ma waf aonai mape wafifipa. Amam ma'i mogawa waf anama mape wafifipa ea' ma'i muli'akwapa mope owina basef amamumi fowa'imi.

Galesia 5:1

Krais atona natagahepa mape wafifipa. Amama atom dei' ipe' pitu la'ifipa. Ina ata' pi'i aho'ma enis epes si'ipipa pitanima pepe pila mi'uli anama esis Juda sailanai wapoti', owa'.

Galesia 6:2

Ipe' pigiambama sahin owan ipe'isi ma pefa' nimanimi asasimi. Penda' waf anama nefe' nondahama mi'uli Kraisi endilisi.

Kolosi 1:23

Ea' ipe' pembale'efa basef bu'wami Godi la'ifipa la'ela'ef ma pitu la'ifipa endilisi si'i olaf nali'i nanda' ipat la'ifina. Na'ama ukup mose'epama pegawa endilisi anona nemaf pefa' amamaga amama bu'wami basef bu'wami Ananimi ma'iami. Basef amama pame'am ea' sawalipasama epes hiesi sape etap hiagoma. Basef amama ae' Pol ataga aman anda' maola awalipasami.

1 Timoti 2:15

Waf nematawa onda'anai anama. Awo ombale'efa God endilisi ea' ukup mimila enis epes wigiambamas, ea' ope bo'owa andeande' umafi awau andeande' waf aonai a'awa. I'i ombale'efa waf anama wilana la'ela'ef, God nambimb nokwahomawa waf aonai awau wanda'anai nofa'awa utanimani ope andeande'. Maina nogota ola awasi, nigiambamawa olas andeande'.

1 Timoti 4:16

Nindumafuma andeande'ma waf ine' nanda'anai, ma basef amama niwalipasami. La'ela'ef nenda'am na'ama la'ifina. I'i ine' nenda'am na'ama, nambimb God nigiambamena neloma esis seme' basef ine' na'ipasami sailam, nofa'epa petanimani pepe andeande'.

Hibrui 12:15

Ipe' pindumafuma andeande'. Na'ama enin alupini ipe'ini newa ma waf aonai nelolama God nigiambaman etina nefa'an netanimani nepe andeande'. Na'ama enin alupini ipe'ini nenda' waf aonai si'i lawag aonai nail nola gwa'aimi awami, ea' nese'epa nimanimi ipe' nenda' ipe' hipei petaga awepa ma naep Godi.

Jems 2:12

Anona nemaf God nowaloga ape' ma anona mi'uli nanda'apa mope wafifipa. Ea' la'ela'ef ipe' pi'i basef penda' waf nondahama mi'uli anama.

1 Pita 2:16

Ipe' ina agof a'epa pape owina enis epes, owa'. Ipe' pape wafifipa ea' pape owina God atona. Ipe' pegawa amama pepe andeande' si'i pape wafifipei. Ea' ipe' ina pembaso'am pewalo' waf anama sape wafifisanai bu'unai nese'ala waf aonai pandambaho' panda'anai, hapainai. Ipe' pepe andeande' si'i pape panda' maol Godi.

1 Jon 2:24

Basef amama fowa' damba damba ipe' pame'ami, amama hapilam opalef ipe'imi la'ifipa. I'i ipe' pembale'efa basef amama pali' pame'ami opalef ipe'imi la'ifipa, ipe' pepe la'ifipa peloma Jisas Nogalomana Godi noloma Ahalomana mope la'ela'ef molomepa.

Revelesen 14:13

Ea' ame' anona malogel na'i nafi'i heven na'i, “Ine' da'a anom basef na'ama. Esis amam nematawa sombale'efa Dembinai saga'i, dei' nimeguf hiami anona nemaf owagama wapoti' sondanifel!” Ambal Bu'unai Godi wapoti' na'i, “Esis anona nemaf sokwaha opeh lu'wami amama esis sanda'ami sopoma noma'w. Esis ina sope etin, owa'. God nambimb niti waf bu'unai esis sanda'anai ea' nogwamasa anom amamaga bu'wami esis. Waf bu'unai esis sanda'anai anona nemaf nondawalap alihina.”

Revelesen 22:14

Esis amam nematawa sasa'opa luwaguf asasimi ma sataga bo'wes, esis sondanifel. Esis isima anona nemaf God na'i esis bo'wes ma sefa' gwa'aimi ma lawag anama ambal namunai napainai ea' la'ifisa sefe' suwis uta anama ma wambel anama bu'unai.