Jems 1:21 - Basef Buꞌwami Godi

²¹ Amama atom dei' ipe' kwahago waf aonai neloma waf aonai hianai hi'ilana. Waf anama aonai epes hiesi sanda'ana la'ela'ef. Ea' pinindifa ipe' pepe owina Goda pefa' basef amama ananimi mope opalef ipe'imi. Basef amama la'ifimi ma mofa'ai ipe' pitanima pifi'mai God.

Jems 1:21 Iomraidhean Croise

Matyu Nandaꞌafi 5:5

Ea' ipe' emi egafipa mamaipama pape sa'ombel owina enis epes, dei' ipe' pandanifel ea'. Dei' main, ipe' anona nemaf pefa' amamaga bu'wami God na'i endilisi ma nease'epam.

Jon Nandaꞌafi 6:63

Ambal Bu'unai Godi atona nese'epa ambal namunai pepe andeande' la'ela'ef hihif. Ea' waf hianai epes sanda'anai ina nagiambamepa, owa'etin. Basef amama atom ae' a'iami, amama mataga Ambal Bu'unai Godi amama ambal namunai napaimi mape andeande' la'ela'ef hihif.

Jon Nandaꞌafi 6:68

Ea' Saimon Pita nagwamana basef na'i, “Dembinai, afa' okwaha ine' ofe' eti wila emi? Basef ine'imi atom ma'ipafa ma weape ambal namunai andeande' la'ela'ef hihif.

Aposel 10:33

Ea' dei' atef ae' asapa' anom amam mafe'mago ine' ea' dei' ine' nanda' waf bu'unai nafi'i. Dei' ape' hiapai mafi'i mape na'ae ma naep Godi ma meme' basef hiami Dembinai nasi'inami ma ni'ipapam.”

Aposel 13:26

Ipe' sahin owan, ipe' epes hiesi pataga wambota Abrahami, enipa owa' Judaipei panda' lotuma Godi, peme'. Dei' basef amama God nasapa'am mafi'mai ape' hiapai. Basef amama ma anan nambimb nofa'apa mokwaha waf aonai motanimani.

Basef Amama Pol Nandaꞌam Mafeꞌma Esis Romi 1:16

Ae' ina umbamahe ambal aona ewalipasa basef bu'wami Godi, owa'. Ae' embale'efa basef amama bu'wami la'ifiwi endilisi. Dei' main, amama pepel Godi nofa' emi egafis seambale'efanai sotanimani. Esis Juda sembale'efana sali' ea' ipe' hipei owa' Judaipei pagi'.

Basef Amama Pol Nandaꞌam Mafeꞌma Esis Romi 11:17

God nindiwam nelefata anom agof lawah oliv ea' nofa'ai anona agela anona lawag oliv aolupunai nuwataniana lawag anama sawana aof. Ipe' owa' Judaipei, ipe' si'i agel lawag anama aolupunai. Amama atom dei' ipe' pefa' amamaga maim bu'wami mataga ma epes isima Juda si'i agel lawag anama aolupunai nofa' ifata nombalef lawag sawana nape aofi.

Basef Amama Pol Nandaꞌam Mafeꞌma Esis Romi 6:17

Endilisi, fowa' ipe' pape owina waf aonai nanda'epa panda'ana. Ea' God nanda'epa pape owina basef ananimi pailam ea' pase'ana opalef hi'alama paila basef amama ipe' pefa'ami. Ea' ape' manifela God.

1 Korin 15:2

Ae' a'ipipa basef amama bu'wami. I'i ipe' pembale'am andeande', God nofa'epa pitanimani. I'i owa', pembale'am ina pailam.

2 Korin 7:1

Ipe' alupipei afa'ipei endilisi, ape' mofa' basef amama Godi endilisimi la'ifimi. Ea' mokwaha amamaga amama awami mape nomona alop naloma ambagof ape'imi ea' mope bu'upai umbamahepama God mila waf bu'unai.

Efesus 1:13

Ea' dei' ipe' wapoti', nemaf anama peme' basef endilisimi bu'wami Godi, nofa'epa petanimani pembale'efa Krais pape la'ifipama anan. Nogota anama ipe' pembale'efa Krais, God nase'epa Ambal Bu'unai Ananinai nosahe'epa. Ambal Bu'unai anama si'i anona ikwaf God nanda'mepanai ma nihi'ambepa na'ama.

Efesus 4:22

Fowa' ipe' pelafa basef amama na'ama. Dei' kwahana opaf anama fowa'inai ma waf aonai ipe' panda'anai. Opaf anama ofagonama waf baso'mainai anama dei' nape nahambombagapa. Dei' kwahona opaf anama fowa'inai.

Efesus 4:25

Ea' ipe' hipei pekwaha waf baso'mainai ma pi'i basef endilisimi atoma epes hiesi. Dei' main, ipe' pegawa ape' hiapai mape alop wa'awa'ana ea' mataga alop atotona.

Efesus 5:4

Ipe' ina penda' basef awami o basef mamumami awami, o basef salamalimi awami, owa'. Waf anama ina andeande', owa'. Andeande'ma ipe' pinifela God.

1 Tesalonaika 1:5

Basef amama bu'wami Godi fowa' ofa'ami, amama ina mataga na'a ma ipe' si'i anom basef wafimi, owa'. Ambal Bu'unai Godi nanda' basef amama mataga la'ifim ma pepel Ananinai ea' wafi'i wa'ipipam. Ea' manda' ukup ipe'imi la'ifim pembale'efana. Waf fowa' wape walomepa wanda'anai, ipe' pegawana.

1 Tesalonaika 2:13

Fowa' ipe' pefa' basef Godi malogof afa'imi, pembale'efam. Basef amama ina pefa'am si'i basef epesi atom, owa'. Pefa' basef amama endilisimi Godi. Ea' basef amama magiambama opalef ipe'imi, dei' paila waf bu'unai. Ea' afa' wanifela God la'ela'efa ipe' pefa' basef Ananimi pembale'efana andeande'.

Taitus 2:11

Ape' mogawa okom Godi lu'unai nainaila ape' ma nigiambamapa na'a anama nataga nandawalap ea', epes hiesi wambota lounai agufisi saloma agof a'asi hi'alas satolona. Ama nofa' amam nematawa nokwahomapa waf aonai mutanimani mofe'ma anan.

Hibrui 12:1

Dei' ape' monda' main? Epes fowa'isi sembale'efa Godi saitu salipapa si'i elagw lu'wami mase'alepa mindiwapapa sihi'ambapa waf sembale'efanai. Amama atom ape' dei' mokwaha amamaga amama manda' ape' nimanipai maloma waf aonai nowa'apai. Ea' monda' opalef ape'imi la'ifima mosagih mehip ma sagih bu'unai anama God nandandepana musagihanai meataga ikwaf.

Hibrui 2:3

God nagwamasa nimanimi lu'wami esis sosambala basef Ananimi ensel amama ma'ipasami. Dei' ipe' ukup mape ma'imama? I'i pewa' alafugaha basef Ananimi dei' nagiambamapa nofa'apa mope andeande', anona nemaf ipe' pefa' pefe' pindihi'ama nimanimi amama pi'imama? Owa'. Pefa' nimanimi pelomas. Dei' main, amama nakwahomapa waf aonai nagiambamapa motanimani, ina so'umi, owa'. Lu'wami endilisi. Dembinai atona nali' nawalapam alihima enis epes. Epes isima sihi'ambapa ma mogawa basef amama endilisimi atom.

Hibrui 4:2

Dei' main, ape' wapoti' mame' basef bu'wami Godi si'i fowa' esis Israel same'am. Ea' esis same'am etin, ina sombale'am sailam, owa'. Ea' basef amama bu'wami same'ami ina magiambamas, owa'.

Jems 4:8

Ipe' pifi'i felefele' endilisi ma Goda Anan nifi'i felefele' endilisi ma ipe'. Ipe' panda' waf aonai, pekwaha waf anama ipe' panda'anai si'i epes sasa'opa lagof asasimi mataga bo'om. Ipe' epes malogof biamipei, ipe' pekwaha waf anama ea' penda' ukup ipe'imi motaga bo'om.

Jems 5:20

Emi egafis sagiambama epen nanda' waf aonai ma nekwaha waf enin nanda'anai nitanimani, epes isima sagiambamani sefa'an natanimani nakwaha neaga'. Amama atom God dei' nakwaha waf aonai hianai enin nanda'anai.

1 Pita 1:22

Ipe' paila basef amama, amama atom dei' manda' opalef ipe'imi bo'om. Ea' dei' ipe' panda' waf anama ukup maimailasanai panda'ana endilisi. Ipe' ina pembase'am alupupei ma alop atona, owa'. Dei' penda' waf ukup maimailasanai la'ifipa pikila' fowa' panda'anai. Ea' ukup mimila Kristen hiesi pindagigiambanama peloma esis.

1 Pita 1:9

Dei' main, ipe' pape pembale'efana dei' bale'ef anama ipe'inai nawalapa amamaga dei' pape pefa'am la'ela'ef. Amamaga amama na'ama. God nofa'epa nokwahomepa waf aonai ipe' panda'anai petanimani.

1 Pita 2:1

Ipe' pendombasa ipe' andeande' ma waf hianai baso'omainai pa'i malogof biamipei ukup kowalipamami maloma waf anama pi'i basef awami alafugaha enis epes. Waf anama aonai, ipe' pekwahona.

1 Pita 2:11

Ipe' alupipei ae'ipei endilisi, ae' a'i i'ipipa anom basef la'ifimi, ipe' si'i epes anona wambelipei pafi'i pailas pape nogota bandana ma etap anae'. Dei' ipe' pewa' alafugaha waf aonai ukup awami mohafamanai, na'i nopa' noloma ambagof ipe'imi.