Jems 1:2 - Basef Buꞌwami Godi

² Ipe' sahin owan ae'ipei, maim nimeguf amamaga meagwambipei motagamepa, ukup ipe'imi mi'i andeande' pendanifel etin pepan.

Jems 1:2 Iomraidhean Croise

Aposel 5:41

Ea' amam aposel makwaha amam dambami Juda mumafi koti ea' mafe' mawis ande'. Manifela God na'i aho'ma mofa' nimanimi ma agel Jisasi.

Basef Amama Pol Nandaꞌam Mafeꞌma Esis Romi 5:3

Ape' ina mandanifela amama atom, owa'. Ape' mandanifela nimanimi meatagamapa wapoti'. Dei' main, ape' mogawa mofa'ama monda'apa la'ifipa.

Filipai 1:29

Dei' main, God nase'epa waf bu'unai ma penda' opeh Kraisi. Anan ina nase'epa waf pembale'efana atona, owa'. Anan nase'epa waf anama pefa' nimanimi wapoti' ma agel Ananinai.

Filipai 2:17

Ipe' pembale'efa God panda' opeh ananimi, amama si'i anom amamaga ipe' pindalali pase'anami. I'i nambimb esis sehe ega' sokolo'wa esimbel ae'ami si'i enis sondolali sakolo' ifat su'utip sanda' ofa sondalalima God, ea' hapaimi, ae' endanifel. Nambim ae' endanifel eloma ipe'.

Filipai 2:18

Ea' na'ama etin ipe' wapoti' pendanifel pelome.

Kolosi 1:24

Dei' ae' andanifel ma efa' nimanimi agiambama ipe' Kristen amam nematawa sios Kraisi, ipe' si'i alop si'ina Ananinai. Anom nimanimi afa' wanda' maol Kraisi ofa'ami, amama ata' mape la'ela'ef. Dei' a'i embefa amama efa'am alop ae'anai anda' maol Kraisi. Ae' a'i ewapanimana nimanimi amama ma anda' maol Krais.

Hibrui 10:34

Nemaf anama ipe' pati esis amam nematawa sape kalabusi uwahipis pefa' nimanimi palomas. Ea' nemaf anama esis salo' lagofepa sefa' amamaga ipe'imi, ipe' pandanifel ma faso'mepa pape patilis. Dei' main, ipe' pegawa amamaga ipe'imi bu'wami endilisi ata' ma'omepa, amama anona nemaf mupe la'ela'ef. Amama mikila' endilisi amamaga amama sali' sanda'mepami.

Jems 1:12

Emi egafis saitu la'ifisa hiahaom meagwambasi matagamas, esis sondanifel. Dei' main, nemaf anama esis sikila' amama waf aonai naninani ea' hi'ilana, anona nemaf esis sofa' amamaga bu'wami si'i prais. Amama na'ama. Ambal namunai God na'i endilisi noso'asam emi egafis ukup maimaila anan.

Jems 1:16

Ipe' sahin owan, ae' okom nainailipa. Na'ama ipe' pembaso'ma ipe' etipa.

Jems 1:19

Ipe' sahin owan ae'ipei, ipe' ukup mopoma basef amama na'ama. Ipe' hipei pendandombam ulala peme' basef. Ea' ina pi'i anom basef pegwam ulal, owa'. Ea' ina ukup wandafum mehip, owa'.

Jems 5:11

Ape' ukup ma'i amam maitu la'ifim dei' ma'i amam mandanifel. Ipe' pegawa aman anama Jop. Anan naitu la'ifina opaf awanena ma nimanimi matagamana. Nape la'ela'ef nogota laona, Dembinai nagiambamana. Dembinai na'i uwahipipa ape' endilisi ea' okom nainailapa.

2 Pita 2:9

Basef amama ma'ipapa alihim ma'i Dembinai numafi epes bu'wasi saila waf ananinai andeande'. Maina nemaf amama meagwambasi motagamas, anan nogawa ma nili'akwas sope andeande'. Ea' Anan nahapila esis sanda' waf aonai ma nogwamasa nimanimi ma waf aonai esis sanda'anai sape la'ela'ef sofe' sotagama nemaf anama Anan nowalogasanai.

Revelesen 2:10

Ipe' ina umbamehepama nambimb pefa' nimanimi, owa'. Ipe' peme'! Nambimb Satan nonda' enipa penda' kalabusa nogwamba ipe' pefa' nimanimi amama nimeguf 10-peleim. Ea' kwawie', ipe' pembale'efa Ae' pitu la'ifipa ma enis si'i sehepa pega', pitu la'ifipa pembale'efa Ae'. Ama Ae' anona nemaf ease'epa ambal namunai ipe' si'i amamaga bu'wami esis sasagih sikila' sefa'ami.