Jems 1:19 - Basef Buꞌwami Godi

¹⁹ Ipe' sahin owan ae'ipei, ipe' ukup mopoma basef amama na'ama. Ipe' hipei pendandombam ulala peme' basef. Ea' ina pi'i anom basef pegwam ulal, owa'. Ea' ina ukup wandafum mehip, owa'.

Jems 1:19 Iomraidhean Croise

Matyu Nandaꞌafi 5:22

Dei' ae' a'ipipa a'i, emi epen okom wandafuna ma enin sahin owan ananisi, enin nambimb netagama basefa kot. Ea' emi epen ni'ipa enin sahin owan ananini ni'i, ‘Ine' epen falafinai’, enis sonda'mana basef amam Juda dambami mumafi koti. Ea' i'i enin epen ni'ipa enin epen lamana ni'i, ‘Ine' okom nahena endilisi’, epen inima nefe' wambel aonai nif fandumi ma'oma.

Mak Nandaꞌafi 12:37

King Devit fowa' gani nofala Krais na'i, ‘Anan Dembinai.’ Amama atom dei' Krais ina aman nogalomana Deviti atona falafunai, owa'. Anan Dembinai.” Ea' amam nematawa hiesi sandanifel same' basef Ananimi.

Mak Nandaꞌafi 2:2

Ea' amam nematawa hiesi sandakolas ipat anama napeinai asi'ina ea'. Na'ama uta owa' anagon nogal nopoma sefe' siowisi. Ea' na'ipasa basef bu'wami Godi ma esis.

Luk Nandaꞌafi 15:1

Epes hiesi saloma anom mofa' takisi maloma enis epes sanda' waf aonai safi'i felefele'ma Jisas same' basef ananimi.

Luk Nandaꞌafi 19:48

Ea' esis amam nematawa hiesi ukup bo'om endilisi ma seame' basef ananimi. Na'ama amam ina mati anona eafa meahana, owa'.

Aposel 1:15

Anom nimeguf mafe'ma ea', esis Kristen 120-peleis hiesi sandatama etifigin sape ea' Pita nohafel naitu na'i,

Aposel 10:33

Ea' dei' atef ae' asapa' anom amam mafe'mago ine' ea' dei' ine' nanda' waf bu'unai nafi'i. Dei' ape' hiapai mafi'i mape na'ae ma naep Godi ma meme' basef hiami Dembinai nasi'inami ma ni'ipapam.”

Aposel 13:48

Ea' enis epes owa' Judaisi same' basef amama sandanifel endilisi. Esis sandanifela basef Dembinai safela agel Ananinai. Ea' amam nematawa isima God nosahe'asi ma sope namisi la'ela'ef, isima sombale'efa Jisas.

Aposel 17:11

Epes sape Beriai ukup mohafel endilisi same' basef sanda' waf bu'unai sikila' esis sape Tesalonaikai. Dei' main, esis Beria sofa' basef sandanifelamam endilisi. Ea' la'ela'ef satalifa basef mail buk Baibeli ma sogawa basef Pol na'ipasami endilisimi o owa'.

Aposel 2:42

Amam nematawa isima sataga Kristen dambaisi esis la'ifis endilisi ma same' basef amam aposel mawalipasami sandagiambanama etin enis sahin owan sape etifigin etin sa' gwa'aimi sanda' beten etifigin atogon.

Efesus 4:26

I'i opalef ipe'imi aom mope la'ela'ef, ipe' pindumafuma andeande'. Na'ama ipe' penda' waf aonai opalef aom la'ela'ef pefe' aon newala naso'. Na'ama owa'.

Efesus 4:31

Ipe' pekwaha waf hianai aonai opalef aomunai migimigah, ukup awomunai basef findiwaimi awami. Waf anama aonai hianai nahambombaga epesi.

Kolosi 3:15

Krais nase'apa opaf awanena ape' ea' opaf anama atona numafi ipe' endilisi. God nofalepa pataga alop etifina nape opalef awanem. Ipe' pinifelona la'ela'ef.

Kolosi 3:8

Ea' dei' ipe' pekwaha anona waf aonai hianai na'ama. Waf migimigahinai, ukup wandafum, opalef aom ma peha enis epes, waf basef awami findiwaimi, basef awami.

1 Tesalonaika 2:13

Fowa' ipe' pefa' basef Godi malogof afa'imi, pembale'efam. Basef amama ina pefa'am si'i basef epesi atom, owa'. Pefa' basef amama endilisimi Godi. Ea' basef amama magiambama opalef ipe'imi, dei' paila waf bu'unai. Ea' afa' wanifela God la'ela'efa ipe' pefa' basef Ananimi pembale'efana andeande'.

Jems 1:16

Ipe' sahin owan, ae' okom nainailipa. Na'ama ipe' pembaso'ma ipe' etipa.

Jems 1:2

Ipe' sahin owan ae'ipei, maim nimeguf amamaga meagwambipei motagamepa, ukup ipe'imi mi'i andeande' pendanifel etin pepan.

Jems 1:26

Emi egafin ni'i, “Ae' anda' lotu endilisi aila God” ma enin i'i owa' nimafi malogel ananinai andeande', epen inima nambaso'ma okom ananinai atona. Ea' dei' bale'ef ananinai ma lotu main falafunai atona.

Jems 2:1

Sahin owan ae'ipei, ipe' pembale'efa Dembinai ape'inai Jisas Krais, Anan Dembinai nafifili endilisi. Ea' dei' ipe' ina pigiambama epes isima agufisi etis ea' pewa' alafugaha epes agof a'asi, owa'. Penda'am na'ama etin.

Jems 2:5

Ipe' sahin owan ae'ipei, ipe' peme'! God nandandepa epes isima kwahusi ma otamba hiahaom maim ma dei' sape la'ifis sombale'efana la'ela'ef sape bo'wes andeande' si'i epes isima amamaga hiamisi. Anan nandandepasa sofa' amamaga bu'wami wambel Ananinai. Amamaga amama na'i basef endilisimi atom la'ifimi noso' emi egafis ukup maimaila Godi.

Jems 3:10

Malogof amama atom ma'i basef bu'wami mafela agel Godi ea' ma'i basef awami wapoti'. Ipe' sahin owan ae'ipei, penda'am na'ama, owa'.

Jems 4:11

Ipe' ina piti waf sahin owan ipe'isi sanda'anai pi'i aona, owa'. Epen ni'i basef awamima enin alupini o newaloga sahin owan ananisi, epen inima enin na'i basef awami nawaloga mi'uli Godi. I'i ipe' pi'i basef awami pewaloga mi'uli anama, ina ata' paila mi'uli anama, owa'. Ea' pape si'i dembipei jas pawaloga mi'uli anama.

Jems 5:12

Ipe' sahin owan ae'ipei, basef mali'i ipe' pielami amama. Ipe' owa' pi'i heven ilif o etap anae' o anom amamaga penda' basef ipe'imi mataga la'ifimi, owa'. Ipe' ina penda' basef ipe'imi la'ifimi endilisimi pi'i gani ilif, owa'. Ipe' ukup mi'i, “A'e” pi'i, “A'e”. Ipe' ukup mi'i, “Owa'”, pi'i, “Owa'”. Ama God ina nowaloga ipe' ma basef amama ipe'imi.

Jems 5:19

Sahin owan ae'ipei, i'i enin epen ipe'ini nekwaha nembale'efa basef endilisimi Godi, ma enin epen nigiambaman nefa'an nitanimani, ipe' ukup mopoma basef amama.

1 Jon 2:21

Ipe' ina pelolama basef amama endilisimi ma dei' enda'mepago basef amama, owa'. Ipe' pegawam. Ea' pegawa basef baso'maimi ina mawalapa basef amama endilisimi, owa'. Amama atom dei' anda'ago basef amama ma ipe'.