Jems 1:18 - Basef Buꞌwami Godi

¹⁸ Anan naila okom ananinai atona ma basef ananimi endilisimi ma ape' mataga mape mali'ma amamaga amama Anan nanda'ami.

Jems 1:18 Iomraidhean Croise

Jon Nandaꞌafi 1:13

Esis ina sataga awasi Godi ma waf bu'unai mamasas solasi, owa'etin. Esis ina sataga awasi Godi si'i ukup mamasasi ma'i ma selas, owa'. God atona nanda'as sataga awasi ananisi.

Basef Amama Pol Nandaꞌam Mafeꞌma Esis Romi 4:17

Si'i Baibel na'i, God fowa' gani na'ipa Abraham na'i, “Ae' enda'ena nepe bafalomasa epes hiesi.” Abraham anan bafalomapa ape'inai ma naep Godi. Anan nembale'efa God atona nase'asa ambal namunai epes saga'i, ea' nofala amamaga hiami ata' owa' meatagai si'i mataga mape ea'.

1 Korin 4:15

I'i endilisi ipe' amam mowalipipa basef Kraisi 10,000-peleim ea' hapaimi, ahapepa ipe'imi ina hiam, owa'. Waf Krais Jisasi atona ae' atowe ape ahalomepa ipe'iwei, ipe' pataga batawisi ae'ipei ma basef bu'wami Godi awalipipami.

2 Korin 6:7

Wawalapa basef endilisimi wanda' maol waloma pepel Godi. Afa' waila waf bu'unai si'i wahapila amamaga wapa'ami lagof biam da'isinai iganai.

Efesus 1:12

Ape' Juda atepa mogawa endilisi mape mohafa Krais, God nandandepapa na'ama ma monda' epes hiesi sefela agel Ananinai lu'una. Agel anama ananinai bu'unai endilisi.

Efesus 1:13

Ea' dei' ipe' wapoti', nemaf anama peme' basef endilisimi bu'wami Godi, nofa'epa petanimani pembale'efa Krais pape la'ifipama anan. Nogota anama ipe' pembale'efa Krais, God nase'epa Ambal Bu'unai Ananinai nosahe'epa. Ambal Bu'unai anama si'i anona ikwaf God nanda'mepanai ma nihi'ambepa na'ama.

2 Timoti 2:15

Ine' nenda' maol Godi la'ifina netaga aman nanda' maol endilisi, ma ambal ine'inai ina aona ma maol anama, owa'. Nenda'ana na'ama ma God okom bo'ona ma ine' ma ni'i basef Ananimi bo'om endilisi.

Hibrui 12:23

Ipe' pafi'i pandakolas paloma epes Godi, awasi ananisi sali'i. God nanda' agof asasimi mape wambel anama ilif. Ipe' pafi'i felefele'ma God, anan jas nowaloga epes hiesi saloma ambagof epes fowa' God na'i bo'wes andeande'.

Jems 1:15

Ea' ukup ape'imi mohafel manda'apa manda' waf aonai. Anona nemaf waf anama aonai notaga lu'una, nonda'apa moga'.

Jems 1:21

Amama atom dei' ipe' kwahago waf aonai neloma waf aonai hianai hi'ilana. Waf anama aonai epes hiesi sanda'ana la'ela'ef. Ea' pinindifa ipe' pepe owina Goda pefa' basef amama ananimi mope opalef ipe'imi. Basef amama la'ifimi ma mofa'ai ipe' pitanima pifi'mai God.

Jems 3:14

Ukup ipe'imi ina kowalepa ma pefa' amamaga hiahaom otamba maim enis epesi, owa'. Ipe' ina pefela agof ipe'imi, owa'. Ipe' penda' waf anama pi'i ipe' etipa gawaipei, ipe' pambaso'mas. Na'ama hapaimi. Gawa anama ipe'inai ina endilisinai, owa'.

1 Pita 1:23

Dei' main? Ipe' ina pataga dambaipa si'i awasi sataga mamasas etapasi saga'i, owa'. Basef Godi atom Anan nanda'epa pataga dambaipa. Basef amama ambal namunai napainai nape namuna la'ela'ef, dei' ipe' pataga dambaipa ea'.

1 Pita 1:3

Ape' mefela agel Godi, Anan God Ahalomana Jisas Krais Dembinai ape'inai. Anan okom lu'unai nainailapa nati uwahipipa endilisi. Ea' nafela Jisas Krais nohafel hi'agif, amama atom God nanda'apa mataga dambaipa ma mope namepa mogawa endilisi anona nemaf Anan nofa'apa motanimani.

1 Jon 3:9

Emi egafis sape awasi Godi, esis ina sape sanda' waf aonai la'ela'ef, owa'. Dei' main, okom Godi nape opalef asasinai ea' esis awasi Godi. Ea' esis ina la'ifisa ata' sonda' waf aonai la'ela'ef, owa'.

Revelesen 14:4

Epes isima sape bo'wes endilisi. Amam ina manda' waf aonai maloma nematawa, owa'. Mape bo'om. Wambel anama sipsip noganai na'i neafe'ma, esis sagi'mana same' basef ananimi sanda' maol ananinai. God natalis la'afena esis amam nematawa hiesi etapasi sape sali'i si'i ofa bu'unai nali'i God naloma sipsip noganai mofa'anai.