Jems 1:12 - Basef Buꞌwami Godi

¹² Emi egafis saitu la'ifisa hiahaom meagwambasi matagamas, esis sondanifel. Dei' main, nemaf anama esis sikila' amama waf aonai naninani ea' hi'ilana, anona nemaf esis sofa' amamaga bu'wami si'i prais. Amama na'ama. Ambal namunai God na'i endilisi noso'asam emi egafis ukup maimaila anan.

Jems 1:12 Iomraidhean Croise

Matyu Nandaꞌafi 10:22

Anona nemaf epes hiesi wambel hiagoma siti ipe' pila basef ae'ami, ea' opalef aoma ipe' endilisi. Ea' emi egafis sembale'efa Ae' la'ifis situma seatagama nemaf akutainai, anona nemaf God nefa'as sotanimani.

Matyu Nandaꞌafi 25:34

Ea' ae' dembiwei king i'ipa esis isima sape lagel kwahisinai i'i, ‘Ipe' Ahalome ae'anai nofalo'mepa ma pendanifel, ipe' piwis kingdom Ananinai pefa' amamaga amama ipe'imi fowa' etap owa' ata' neatagai ma'omipei.

Luk Nandaꞌafi 6:22

Ae' ataga epen endilisiwei. Nambimb enis epes siti ipe' pila ae', esis opalef aoma ipe' endilisi. Ea' sowa' alafugaha ipe' sese'epa agof awami endilisi si'i ipe' epes aopai sindaiwa'mepa sogalo'mepa.

Basef Amama Pol Nandaꞌam Mafeꞌma Esis Romi 5:4

I'i ape' mitu la'ifipama amamaga amama meagwamba ape'i, God ni'i aho'mapa. Amama atom dei' ape' mogawa endilisi Anan naila basef ananimi andeande' ma nigiambamapa mope mohafa nafifili pepel ananinai anona nemaf neatagai.

Basef Amama Pol Nandaꞌam Mafeꞌma Esis Romi 8:28

Maim amamaga ma'i meatagamapai, bu'wami awami hiami, God nanda'am manda' maol atom migiambama ape' epes ukup maimaila anani. Ape' epes nofalapa ea' ma monda' maol Ananinai mila okom Ananinai.

1 Korin 2:9

Ea' ae' a'i basefa gawa anama si'i Baibel na'i, “Amamaga maim God nandondombam ea' ma emi egafis ukup maila Anan endilisi, amama mikila' ukup epesi. Esis ina la'ifisa same'am satolom sagawama ukup maloma naep aligah asasimi, owa'.”

1 Korin 8:3

Ea' emi epen okom nainaila Godi, God nogawa epen inima ea' ananinai atona.

1 Korin 9:25

Emi egafis sa'i sisagih sikila' ikwaf anama, sanda' maol la'ifinai endilisi sandameme'ma alop asasinai nimeguf hiami. Epes isima sanda'am na'ama ma sofa' amamaga bu'wami kwaie'um mape nogota bandanai. Ea' ape' Kristen manda'ama mefa' amamaga bu'wami mape la'ela'ef hihifi.

2 Timoti 2:15

Ine' nenda' maol Godi la'ifina netaga aman nanda' maol endilisi, ma ambal ine'inai ina aona ma maol anama, owa'. Nenda'ana na'ama ma God okom bo'ona ma ine' ma ni'i basef Ananimi bo'om endilisi.

2 Timoti 4:8

Dei' amamaga amama bu'wami sasagih sikila'i sefa'ami sandandombam ma'ome. Amama na'ama. Nambimb Dembinai nofale ni'ipi ni'i, “Ine' aman bu'winai.” Dembinai anan aman bu'unai nowalogas ma nemaf anama. Nemaf anama lu'unai Anan nese'e amamaga amama bu'wami. Ea' ina noso' ae' atowe, owa'. Anan nose'asam emi egafis ukup maimaila Anan notaga nondawalap sotolona.

Hibrui 10:32

Ea' ipe' ukup mopoma nemaf anama fowa', ipe' pati nafifili Godi. Nemaf anama ipe' pefa' nimanimi lu'wami endilisi. Owa'etin. Paitu la'ifipa ma pali'amona wandafa waf aonai.

Hibrui 11:17

Abraham nembale'efa God endilisi ma basef amama na'i endilisimi atom nalomanomi. Ea' dei' God nagwamba Abrahama nese'ana Aisak nondolalimana ma God. Endilisi, Abraham nape nohafa noha nogalomana ananinai nondolalimana.

Hibrui 12:5

A'i ipe' ukup mase'epa ma basef amama God nanda'ama ipe' ma nefela ukup ipe'imi nenda'epa petaga la'ifipa? Anan dei' nofalepa batausana Ananipei na'i, “Awasi ae'ipei, maina nemaf Dembinai nese'epa nimanimi ma nonda'epa pila basef ananimi, ipe' ina pi'i nimanimi amama anan nase'epami falafumi, owa'. Maina nemaf ni'i nese'epa nimanimi amama, ukup ipe'imi ina aom, owa'.

Hibrui 6:15

Ea' Abraham name' basef amama dei' ina ala'uta nana, owa'. Nape sa'ombel nohafa amamaga bu'wami God fowa' na'i neaso'anami mila basef amama na'i endilisimi atom.

Jems 2:5

Ipe' sahin owan ae'ipei, ipe' peme'! God nandandepa epes isima kwahusi ma otamba hiahaom maim ma dei' sape la'ifis sombale'efana la'ela'ef sape bo'wes andeande' si'i epes isima amamaga hiamisi. Anan nandandepasa sofa' amamaga bu'wami wambel Ananinai. Amamaga amama na'i basef endilisimi atom la'ifimi noso' emi egafis ukup maimaila Godi.

Jems 5:11

Ape' ukup ma'i amam maitu la'ifim dei' ma'i amam mandanifel. Ipe' pegawa aman anama Jop. Anan naitu la'ifina opaf awanena ma nimanimi matagamana. Nape la'ela'ef nogota laona, Dembinai nagiambamana. Dembinai na'i uwahipipa ape' endilisi ea' okom nainailapa.

1 Pita 3:14

I'i ipe' pefa' nimanimi ma waf bu'unai ipe' panda'anai, ipe' pendanifel endilisi. Ipe' ina umbamehepama epes ea' ina ukup aom, owa'.

1 Pita 4:13

Ea' ipe' pendanifel pefa' nimanimi amama. Ama anona nemaf agel lu'unai ananinai noloma nafifili ananinai notaga, nemaf anama ipe' pendanifel endilisi.

1 Pita 4:14

I'i enis siti ipe' pitu la'ifipama Kraisa si'ipipa basef awami findiwaimi, andeande', ipe' pendanifel. Dei' main, nimanimi amama mihi'ambepa Ambal Bu'unai Godi nafifili dei' napaipa.

1 Pita 5:10

God anan ofagonama waf anama nigiambamepa na'a. Ipe' pepe la'ifipa peloma Jisas Krais, amama atom dei' God nofalepa ma pepe nafifili pepel ananinai nape la'ela'ef. Ea' dei' ipe' pame' nimanimi nogota bandana. Anom nimeguf mofe'ma ea', anan Atona nonda'epa pataga bo'wepa ea' nonda'epa pitu la'ifipa si'i olaf la'ifinai nanda ipat notawa la'ifina.

1 Pita 5:4

Ama dembinai numafi amam nematawa si'i sipsip Godi notaga nondawalap alihinama ipe', pefa' amamaga bu'wami mope andeande' la'ela'ef, agel lu'unai. Amama ina anona nemaf aom higililam, owa'. Mope la'ela'ef.

1 Jon 4:19

God nali' okom nainailapa endilisi. Amama atom dei' ape' ukup maimaila anan naloma epes hiesi wapoti'.

Revelesen 2:10

Ipe' ina umbamehepama nambimb pefa' nimanimi, owa'. Ipe' peme'! Nambimb Satan nonda' enipa penda' kalabusa nogwamba ipe' pefa' nimanimi amama nimeguf 10-peleim. Ea' kwawie', ipe' pembale'efa Ae' pitu la'ifipa ma enis si'i sehepa pega', pitu la'ifipa pembale'efa Ae'. Ama Ae' anona nemaf ease'epa ambal namunai ipe' si'i amamaga bu'wami esis sasagih sikila' sefa'ami.

Revelesen 3:19

Epes hiesi emi egafis Ae' okom nainailas, isima Ae' enda' megah mohas ehas bolam ma enda' waf asasinai notaga bo'ona. Ea' ipe' wapoti' ukup mopoma waf ipe'inai hianai, pemboma opalef pekwaha waf aonai pifi'mai Ae'.

Revelesen 3:21

Emi egafis situ la'ifisa sili'amona wandafa waf aonai, Ae' anona nemaf i'i aho'ma esis sope solome ma sope dembesi balata king Ae'anai. Na'ama etin si'i fowa' Ae' aitu la'ifiwi ali'amona wandafa waf aonai. Ea' dei' ape aloma Ahalome Ae'anai ape balata king Ananinai.