Hibrui 8:8 - Basef Buꞌwami Godi

⁸ Ea' God nawalapa waf aonai epesi na'i, “Ae' Dembiwei a'i, peme! Anona nemaf enda' anom basef dambaimi i'i endilisimi atom eloma esis epes hiesi wambota Israeli ma epes hiesi Judai wapoti'.

Hibrui 8:8 Iomraidhean Croise

Matyu Nandaꞌafi 26:28

Embel amama esimbel ae'ami manda' basef amama Godi ma'i endilisimi atomi mataga la'ifim. Esimbel amama ae' ekolo'wama God nokwahomasa waf aonai epes hiesi sanda'anai.

Mak Nandaꞌafi 14:24

Ea' na'ipam na'i, “Embel amama esimbel Ae'ami manda' basef amama God na'i endilisimi atomi motaga la'ifim. Ae' ekolo'wama igiambama amam nematawa hiesi.

Luk Nandaꞌafi 17:22

Ea' Jisas na'ipa alupumi ananimi na'i, “Anona nemaf notaga, opalef ipe'imi pelef endilisi pi'i, ‘Ape' ma'i aman anama notaga epen nofa' alop epesi ata' nifi'i notaga ulala ata' mutolona.’ Owa'etin. Ipe' ina petolowe, owa'.

Luk Nandaꞌafi 22:20

Amam ma'am hi'alam, nanda'am na'ama etina anona kap embel wain nalami, na'i, “Wain embel amama esimbel ae'ami manda' basef Godi dambaimi endilisimi mataga la'ifim. Esimbel amama ae' ekolo'wama iegiambamepa.]

Luk Nandaꞌafi 5:38

Ea' wain dambainai sakolo'wana agwahup dambainai atona.

1 Korin 11:25

Amam ma'am hi'alam, Anan nafelai anona kap embel malanai nanda'am na'ama etin na'i, “Kap anama basef la'ifimi dambaimi ae'ami endilisimi atom. Basef amama esimbel ae'ami atom malo magiambamepa. Nimeguf hiami danda ipe' penda' amama pea' embel, penda'am na'ama ma ukup okokoma ae'.” Fowa' Jisas na'ipa alupumi ananimi na'ama.

2 Korin 3:6

Ea' anan atona nanda'afa la'ififa ma wanda' maola eaf basef dambaimi God na'i endilisimi atom. Basefa mi'uli anama ina sanda'am mail pas atom, owa'. Amama Ambal Bu'unai Ananinai nawalapami. Basef sanda'am mail pas atom maha epes saga', ea' Ambal Bu'unai Ananinai nanda'as sofa' ambal namunai sope namis.

Hibrui 12:24

Ea' pafi'i felefele'ma Jisas, Anan nape la'afen numafi basef dambaimi God na'i endilisimi atom. Ea' pafi'i esimbel ananimi fowa' neali'ama ipe', nanda' basef amama mataga la'ifim. Esimbel amama mawalapa anona eaf bu'unai endilisi. Basefa eaf anama nikila' endilisi basef Abeli. Dei' main, basefa esimbel Abeli mofala Goda nogwa waf aonai. Ea' esimbel Jisasi atom God nakwaha waf aonai epes sanda'anai.

Hibrui 7:22

God na'i basef amama na'iam la'ifim. Amama atom dei' Jisas nataga Dembinai ofagonama basef bu'wami dambaimi God na'iam endilisimi atom mikila' basef fowa' nali' na'iami.

Hibrui 8:13

Basef amama dei' na'i endilisimi atom God nofalam na'i basef amama dambaimi, manda' amama fowa' na'iam endilisimi atom dei' mataga apim ea'. Amamaga mataga apimi amama mope nogota bandana ma higililam hi'ilam.

Hibrui 8:6

Ea' Jisas nanda' maol anama nondolalima God ea' maol anama nikila' endilisi maol amam pris fowa'imi manda'anai si'i basef amama dambaimi mikila' basef fowa'imi God na'i endilisimi atom naloma Moses. Basef amama dambaimi, Jisas Anan nape la'afena God naloma epes Ananisi ma basef amama mikila' basef amama fowa'imi. Amama atom dei' basef amama dambaimi mataga mawalapai basef bu'wami endilisimi mikila' fowa'imi.

Hibrui 9:15

Amama atom dei' Krais nape la'afen numafi basef amama dambaimi God na'i endilisimi atom. Anan naga' ma natala esis amam nematawa notagahis ma waf aonai esis sanda'anai nogota anama sape owina basef God nali' na'i endilisimi atom. Ea' dei' emi egafis God nofalasa sigi'mana, esis sofa' ambal anama namunai sope andeande' la'ela'ef. Amama ambal namunai si'i fowa' gani God na'i endilisimi atoma sofa'ami.