Hibrui 7:6 - Basef Buꞌwami Godi

⁶ Melkisedek ina nataga wambota Livai, owa'. Ea' anan nofa' amamaga hiami namba ten hap Abraham nowalogami. Ea' Melkisedek nofalo'mana na'ipana basef bu'wami aman anama Abraham. Aman anama Abraham basef bu'wami God na'i endilisimi atom mapomana.

Hibrui 7:6 Iomraidhean Croise

Aposel 3:25

Basef Godi endilisimi atom amam profet dei' ma'ipa ipe' pembale'am pilam. Fowa' gani God na'i basef la'ifimi amama naloma bafasepa ipe'isi. Dei' basef amama mataga alihim ma migiambama ipe' wapoti'. Fowa' gani anan na'ipa Abrahama anona nemaf Jisas notaga na'i, 'Anona nemaf bafasena ine'isi etis ae' igiambamas amam nematawa hiesi sope etap hiagoma i'ipasa basef bu'wami Ae'ami.’

Basef Amama Pol Nandaꞌam Mafeꞌma Esis Romi 4:13

Fowa' gani God na'i basef endilisimi atom naloma Abraham na'i, “Ae' anona nemaf ese'ena etap hiagoma ine' neloma esis bafasena akusena ine'isi wapoti'.” Na'ama Abraham ina naila mi'uli anama God na'i noso' Mosesanai ma dei' na'i basef endilisimi nalomana na'ipana basef amama, ata' owa'. Abraham nali' nembale'efa God dei' nofalana epen bu'unai na'ipana basef amama.

Basef Amama Pol Nandaꞌam Mafeꞌma Esis Romi 9:4

Ape' Israel God nandandepapa ea', nanda'apa mataga awasi ananipai ea' na'i aho'ma miti' nafifili ananinai. Anan na'i basef ananimi endilisimi atom nalomapa ea' nase'apa mi'uli bu'unai ananinai naloma waf endilisinai monda' lotumanai. Ape' mofa' basef amama God na'i endilisimi atomi.

Galesia 3:16

Fowa' gani God naloma Abraham ma'i basef la'ifim endilisimi atom bafalomana ananinai anona nemaf neataga, si'i waf ape' epes sa'i basef endilisimi atom. Basef mail Baibeli ina ma'i, “Ine' neloma bafasena ine'isi.” Owa'etin. Amama ma'i epes hiesi. Ea' basef mail Baibeli ma'i, “Ine' neloma bafalomena ine'inai.” Amama ma'i epen atotona, anan Krais.

Hibrui 11:13

Epes isima sembale'efa God la'ela'ef sape safe'ma saga'. Ina sali' sofa' amamaga bu'wami amama God na'i endilisi niese'asami nemaf anama sape, ata' owa'. Esis sembale'efana endilisi saitu laogon sandanifel si'i satolom. Ea' sawalapa basef sa'iam sa'i, “Ape' mape etap anae' si'i epes anona wambelipai. Ape' mafi'i mape nogota bandana etap anae' anona wambelipai.”

Hibrui 11:17

Abraham nembale'efa God endilisi ma basef amama na'i endilisimi atom nalomanomi. Ea' dei' God nagwamba Abrahama nese'ana Aisak nondolalimana ma God. Endilisi, Abraham nape nohafa noha nogalomana ananinai nondolalimana.

Hibrui 7:1

Aman anama Melkisedek anan king dembinai numafi anona wambel Salem, anan pris nondolalima God Dembinai nape ilif endilisi. Fowa' gani Abraham nanda' wandaf naha anom king dembemi nali'amonam nafe' ma notanima nafe' wambel, Melkisedek natolona nofalo'mana.

Hibrui 7:7

Ea' ape' mogawa, aman nofalo'manai nape ilifa aman anama nofa' amama bu'wami presen.