Hibrui 7:11 - Basef Buꞌwami Godi

¹¹ Fowa' esis amam nematawa sofa' basefa mi'uli anama God naso' Mosesanai. Ofagema mi'uli anama amam wambota Livai manda' maol pris. Ea' i'i maol anama amam pris manda'anai andeande' ma monda' esis amam nematawa sotaga bo'wesa naep Godi, dei' maina ata' anona pris dambainai nataga wapoti' si'i Melkisedek, ea' ina si'i Aron? Owa'.

Hibrui 7:11 Iomraidhean Croise

Galesia 2:21

Ae' ina ewa' alafugama waf God nagiambamapa na'a, owa'. I'i mi'uli fowa' God naso' Mosesanai nonda' epes sotaga bo'wes andeande' ma naep Godi, dei' waf Krais naga'manai falafifunai atona ofagena owa'.”

Galesia 4:3

Ape' wapoti' mape na'ama etin si'i nogalomana anama. Fowa' ape' ata' owa' mombale'efa basef Godi andeande', nogota anama ata' manda' maol mape owina mi'uli Godi naso' Moses anai o ambagof awami dembemi mumafi amamaga hiami mape ilif etapi.

Galesia 4:9

Dei' ipe' pegawa God. Ea' endilisi, Anan nogawa ipe'. Ea' dei' emi ata' nanda'epa petanima pafe' paila ambagof amama awami ina la'ifimi? Na'ama ina bo'om, owa'. Dei' maina ipe' pa'i pepe owina ambagof amama wapoti'? Hapaimi.

Hibrui 5:10

Ea' God nandandepana na'i, “Ine' nape pris Dembinai nendolalima ae' na'ama etin nendahama Melkisedek.”

Hibrui 5:6

Ea' God na'i anom basef wapoti' mail anona buk na'iam na'ama na'i, “Ine' nepe pris Dembinai la'ela'ef nendolalimei na'ama etin nendahama Melkisedek.”

Hibrui 6:20

Anama ipat Godi lu'unai sanda' lotuwanai natawa heveni Jisas nali'apa nafe' nawis ipat anama nomon ma nagiambamapa. Anan nataga pris dembinai nape nali' ma pris hiami dei' nape la'ela'ef hihif na'ama etin si'i Melkisedek.

Hibrui 7:12

God naho'ofa waf amam pris manda'anai. Ea' mi'uli Godi wapoti' naho'ofana na'ama etin.

Hibrui 7:13

Dembinai ape'inai basef amama ma'ianai, anan anona wambota. Wambota ananinai ina fowa' nanda' maola balata amam pris maofa mafis maim mondolalima God, owa'.

Hibrui 7:15

Ape' mati anona pris dembinai nataga, naho'ofa amam pris mali'i, Anan si'i Melkisedek. Basef amama ma mi'uli anama mataga maho'ofa mi'uli anama nali'i dei' mandawalap alihim na'ama.

Hibrui 7:21

Ea' God na'i basef amama la'ifimi na'i endilisi gani ilif ea' nanda' Jisas nataga Dembinai pris. Anan nataga pris nemaf anama God na'ipana na'i, “Dembinai na'i basef la'ifimi na'i endilisi gani ilif ma anona nemaf Anan ina noho'ofa okom Ananinai wapoti', owa'. Ine' nape Dembinai pris la'ela'ef hihif.”

Hibrui 8:7

Basef amama fowa' God na'i endilisimi atom naloma Moses ina mape bo'om la'ela'ef, owa'. I'i mope bo'om la'ela'ef, dei' basef amama God na'i endilisimi magi'i maol a'am.

Hibrui 9:6

Esis sanda' amamaga mape alihima nimeguf hiami amam pris mawis ipat anama nomon rum wa'ana mondolalima God.