Hibrui 6:1 - Basef Buꞌwami Godi

^1-2 Ape' ina ata' la'ela'ef mi'i basef amama mali'i Kraisi atom timbi tambel, owa'. Ape' ina mi'i basef amama mali'i mi'i, ape' momboma opalefa God mowa' alafugaha waf hianai aonai manda' epes higililas ea' mombale'efa Goda basef mamumami sapisi'asa embel sanda' beten sawamona lagofa enis epes maloma epes hiesi saga'i sohafel wapoti' maloma anona nemaf God nowaloga epes hiesi ma sope la'ela'ef wambel bu'unai o aonai. Ape' ina mope monda' basef amama atom mi'iam la'ela'ef timbi tambel, owa'. Ape' ata' mofo'o ea' monda' basef amama monda'apa la'ifipa mi'am si'i epes isima sataga dambes ea'.

Hibrui 6:1 Iomraidhean Croise

Matyu Nandaꞌafi 21:29

Ea' nogalomana nagwamana basef na'ipana na'i, ‘Ae' andaiwa'.’ Anom nimeguf mafe'ma ea', namboma okom ea' nafe'.

Matyu Nandaꞌafi 21:32

Ipe' pegawa aman anama Jon napisi'as embeli. Anan nali' nafi'mai ipe' ea' nihi'ambepa wafa eaf bu'unai, ea' ipe' owa' peambale'efana. Ea' epes isima sanda' waf aonai anom mofa'asa takisi maloma anowa nematawa wanda' waf aonai so'a waulanai esis sembale'efana. Ipe' pati esis sembale'efana na'ama, ea' ipe' ina pamboma opalef pakwaha waf aonai pambalelefana, owa'.

Matyu Nandaꞌafi 3:2

ea' nawalapa basef bu'wami na'i, “Nemaf anama bu'unai ea' felefele' notaga ma epes siowis kingdom heveni. Na'ama dei' ipe' pewa' alafugaha waf aonai pemboma opalef pefe'ma God.”

Matyu Nandaꞌafi 4:17

Ea' dei' Jisas nafela maol na'ipasa basef la'ela'ef. Nawalipasa basef amama na'i, “Nemaf anama bu'unai felefele' neataga ma ipe' piowis kingdom heveni. Na'ama dei' ipe' pemboma opalef pefe'ma God.”

Matyu Nandaꞌafi 5:48

Na'ama ipe' pepe bo'wepa endilisi si'i Ahalomepa ipe'inai God nape heven ilif.

Matyu Nandaꞌafi 7:25

Anom nimeguf mafe' ea', asaf lu'unai nalai, walemb nawisi lu'una embel kolo'walami mafe', uf la'ifinai naluwi, amama makoto'ma ipat anama ea' ina nato, owa'. Epen inima nala otamba lu'wami mosahapana netawa.

Mak Nandaꞌafi 1:1

Basef amama bu'wamima Jisas Krais, Anan nogalomana Godi. Basef amama mohafel mataga si'i anona profet fowa'inai Aisaia nanda'am mape buk. Aisaia na'i basef amama na'i, “God na'ipa Jisas na'i, ‘Ine' neme'. Anona nemaf ae' esapa' anona aman nofa' basef Ae'ami nili' nefe' nendondombamena eaf ine'inai.

Mak Nandaꞌafi 6:12

Ea' nasapa'am mafe' biam atom makwaha basef ma'i, “Ipe' pewa' alafugaha waf aonai, pemboma opalef pefe'ma God.”

Luk Nandaꞌafi 6:48

Epen inima si'i anona aman nala' ipati. Anan nandoma olalef mowala gani etap owin otamba ma'oma. Ea' nala' ipat netawa etap anama otambaiguma la'ifiguma. Ea' asaf lu'unai nalai, walemb nawisi lu'una embel kolo'walami mafe', ipat ina nandagwamba, owa'. Dei' main? Aman anama nanda'ana la'ifina.

Jon Nandaꞌafi 12:44

Ea' Jisas na'ipas mehip na'i, “Emi egafis sembale'efa ae'i, esis ina sembale'efa ae' atowe, owa'. Sembale'efa anan nasapa'e afi'i wapoti'.

Jon Nandaꞌafi 14:1

Ea' Jisas na'ipafa na'i, “Opalef ipe'imi ina mohafel nimanim, owa'. Ipe' pembale'efa God, pembale'efa ae' wapoti'.

Jon Nandaꞌafi 5:24

Endilisi ae' a'ipipa. Emi egafis seme' basef ae'ami ma sembale'efa anan nasapa'e afi'i, isima sefa' ambal namunai ea' ma seape andeande' la'ela'ef hihif. Esis ina sanda' basef lu'wami ma kot, owa'. Esis sefa' ambal namunai nikila'a ga'.

Aposel 11:18

Esis same' basef amama Pita na'ipasami ea' ukup mase'asa basef amama asasimi safela agel Godi sa'i, “Dei' ape' mogawa God namboma opalef esis amam nematawa owa' Judaisi ma esis wapoti' safe'ma anan sope ambagof namumi.”

Aposel 17:30

Fowa' gani epes owa' seagawanai, God ina na'i basef mamumami ma amamaga hiami esis sanda'am nogota anama, owa'. Ea' dei' anan na'ipas na'i mehip epes hiesi ma wambel etap hiagoma na'i, ‘Ipe' pemboma opalef pila Ae'.’

Aposel 2:38

Ea' Pita na'ipas na'i, “Ipe' hipei pemboma opalef ipe'imi pila God ea' ipe' hipei atona etin pefa' baptaisa agel Dembinai Jisas Krais ma God nokwaha waf aonai ipe'inai. Ipe' penda'am na'ama, nambimb God nese'epa Ambal Bu'unai Ananinai nope nolomepa.

Aposel 20:21

Ae' a'i basef la'ifimi ma esis Juda saloma isima owa' Judaisi wapoti' ma sowa' alafugaha waf aonai somboma opalef sefe'ma God, sombale'efa dembinai ape'inai Jisas.

Aposel 26:20

Ae' ali' awalapa basefa esis amam nematawa sape Damaskusi ea' awalapama epes sape Jerusalemi ea' awalapama esis sape etap hiagoma Judia ea' afe' awalapama isima sololama Godi wapoti'. Ae' awalapa basefa penda' maol peloma waf bu'unai nendahama epes somboma opalef sefe'ma God.

Aposel 3:19

Dei' ipe' pemboma opalef pila Goda nokwahomepa waf aonai ipe' panda'anai.

1 Korin 13:10

Ea' anona nemaf amamaga God okom na'i meataga migi' endilisi motaga, nemaf anama amamaga amama dei' motaga tu'watu'wanim atuwasi hi'ilam.

1 Korin 2:6

Endilisi ae' awalapa basef gawa napaimi ma emi egafis sembale'efa God la'ifisi sanda' waf Ananinai. Ea' gawa anama ina gawa etapanai, o gawa amam agufumi ma etap anae' anona nemaf hegililam, owa'.

2 Korin 7:1

Ipe' alupipei afa'ipei endilisi, ape' mofa' basef amama Godi endilisimi la'ifimi. Ea' mokwaha amamaga amama awami mape nomona alop naloma ambagof ape'imi ea' mope bu'upai umbamahepama God mila waf bu'unai.

2 Korin 7:10

Waf Godi na'ama. Nimanimi maim anan nawalapami manda'apa mamboma opalef mafe'ma anan nokwahomapa waf aonai nofa'apa motanimani. Ea' mape andeande'. I'i opalef nimanima waf etapanai, anama aonai nawalapai waf saga' safe' wambel aonai.

Efesus 2:1

Basef ipe'imi mape na'ama. Fowa' ipe' panda' waf naninani aonai nahepa paga'. Dei' main, ipe' ina pagawa God, owa'. Pesambalona panda' waf aonai.

Efesus 2:5

Amama atom dei' nanda'apa mataga namepa. Ape' mape si'i saga'i ma waf aonai. Ea' nanda'apa mataga namepa mape la'ifipa maloma Jisas Krais. Amama okom lu'unai Godi nagiambamepa nefa'epa pitanimani.

Efesus 4:12

Krais nase'apa presen anama bu'unai ma manda' ape' amam nematawa Godi mondondombam mope la'ifipama monda' maol bu'unai Ananinai. Ape' amam nematawa Godi si'i alop Kraisi. God nase'apa presen anama bu'unai ma ape' mefa'ana manda' hiesi amam nematawa Kraisi sataga la'ifisa sanda' maol Godi.

Kolosi 1:28

Ea' afa' wawalapa basef Kraisi wawalipa epes hiesi ma gawa hianai naninani bu'unai. Afa' wa'i wihi'amba epes hiesi atona etin sefe'ma Kraisa sope epes Ananisi endilisi sope la'ifisa Anan.

Kolosi 3:14

Ipe' penda' waf anama bu'unai hianai ali' a'ipipanai pilana. Ea' penda' anona waf bu'unai wapoti'. Ipe' ukup mi'i sahin owan ipe'isi ma waf anama nakolasepa nanda'epa pataga etifipa.

Kolosi 4:12

Epafras anan nandanifel nanda'mepago nemaf bu'unai ipe'. Anan wapoti' wambota ipe'inai, nanda' maol Krais Jisasi nape owina anan. La'ela'ef nanda' beten la'ifinai ma ipe'. Anan nanda' betena God nonda' ipe' pitu la'ifipa si'i epes dembipei pegawa God andeande' ma pembale'ef la'ifipa pila okom Godi la'ela'ef.

1 Timoti 3:16

Endilisi, basef amama ofagema lu'wami endilisi. Mandambaho' mape mafe' mafe' dei' God nihi'ambafam alihim. Basef amama na'ama. Anan nataga epen endilisinai nofa' alop epesi nataga nandawalap. Ambal Bu'unai Godi nihi'ambapa ma anan aman bu'unai nape andeande'. Amam ensel Godi matolona. Basef ananimi sa'ipasam mafe'ma kantri naninani hianai amam nematawa hiesi sololama Godi sembale'efana. Ea' God nofa'ana nalata heven nape nafifili ananinai.

1 Timoti 6:19

I'i sonda'am na'ama, andeande'ma anona nemaf sokolasa amamaga bu'wami atom migiambamas owagama gani heven. Sonda'am na'ama, sofa' ambal bu'unai endilisi.

2 Timoti 2:19

Ea' dei' God nawa anona olaf la'ifinai dei' notawa. Olaf anama anom amef mailana ma'i na'ama ma'i, “Dembinai nogawa andeande'ma epes isima Ananisi.” Ea' anom wapoti' ma'i, “Emi egafis sa'i agel Dembinai, sokwaha waf aonai.”

Hibrui 11:6

Epes owa' sembale'efa God, esis ina nambimb sila okom Ananinai, owa'. Dei' main, emi egafis si'i sefe' felefele'ma God, esis sombale'efana sogawa endilisi Anan nape namunai la'ela'ef. Ea' sembale'efana ma God nose'as amamaga bu'wami epes isima sagolopana endilisi.

Hibrui 12:13

Ipe' penda' eaf ipe'inai bo'ona nefe'. Ama nambimb epes bo'wagah awomisi ina awes hi'ilas, owa'. Nambimb sotaga bo'wes wapoti'.

Hibrui 7:11

Fowa' esis amam nematawa sofa' basefa mi'uli anama God naso' Mosesanai. Ofagema mi'uli anama amam wambota Livai manda' maol pris. Ea' i'i maol anama amam pris manda'anai andeande' ma monda' esis amam nematawa sotaga bo'wesa naep Godi, dei' maina ata' anona pris dambainai nataga wapoti' si'i Melkisedek, ea' ina si'i Aron? Owa'.

Hibrui 9:14

Ea' esimbel Kraisi mikila' amama endilisi. Krais ina nanda' anona waf aonai, owa'. Ambal Bu'unai Godi nape namunai la'ela'ef nagiambamana ma nondolalima God nase'ana Anan atona hi'alana. Amama atom dei' esimbel ananimi ina mandombasa alop atona ape'inai ande', owa'. Amama mandombasa ukup ape'imi ma basef ma'i opalef nomoni bo'om andeande' endilisi ea' makwaha waf naninani esis sanda'anai owa' seape bo'wesa naep Godi ma ape' dei' manda' maol God nape namunai.

Jems 1:4

Ea' ipe' pitu la'ifipa ma waf anama neataga bo'ona ma ipe' ma anona nemaf petaga andeande' endilisi, waf aonai a'epa. Ama waf hianai Godi mope ipe', ea' ipe' ina anona waf bu'unai a'epa, owa'.

1 Pita 1:21

Anan atona nagiambamepa dei' pembale'efa God. Anan nafela Krais nohafel hi'agif nase'ana agel lu'unai Anan. Amama atom dei' pembale'efa God atona pegawa endilisi anona nemaf anan atona nofa'epa pitanimani.

1 Pita 5:10

God anan ofagonama waf anama nigiambamepa na'a. Ipe' pepe la'ifipa peloma Jisas Krais, amama atom dei' God nofalepa ma pepe nafifili pepel ananinai nape la'ela'ef. Ea' dei' ipe' pame' nimanimi nogota bandana. Anom nimeguf mofe'ma ea', anan Atona nonda'epa pataga bo'wepa ea' nonda'epa pitu la'ifipa si'i olaf la'ifinai nanda ipat notawa la'ifina.

1 Jon 4:12

Ina enin epen nati God, owa'. I'i ape' atepa ukup mimila sahin owan ape'isi, God nope la'ifina ma ape' ea' okom ananinai nainaila ape'i atuwasi nope nolomapa opalef ape'imi nomona monda'am na'ama etin ape' ukup mimila sahin owan ape'isi.